Yuuḥanna 1 - Kitaab al Vahd aj Jadid 1978

AL KILMA BIGA JISM

¹ Fi_l bidaaya kaan al kilma, wa_l kilma kaan vind Allaah, wa_l kilma kaan Allaah.

² Huwa kaan fi_l bidaaya vind Allaah.

³ Kullu shi kaan mavmuul beehu, wa biduunu maa fih shi kaan mavmuul.

⁴ Al ḥayaat kaanat fiihu, wa_l ḥayaat kaanat nuur an naas.

⁵ Wa_n nuur kaan binawwir fi_ḍ ḍalaam, wa_ḍ ḍalaam maa gidir yaghlibu.

⁶ Kaan fih insaan marassal min Allaah ismu Yuuḥanna.

⁷ Huwa ja le_sh shahaada vashaan yash‐had le_n nuur, vashaan kullu_n naas bi’aaminu be waasiṭu.

⁸ Huwa nafsu maa kaan an nuur, laakin ja vashaan yash‐had le_n nuur.

⁹ An nuur al ḥagiigi al binawwir kullu insaan kaan jaai le_d dunya.

¹⁰ Huwa kaan fi_d dunya, wa_d dunya kaanat mavmuula beehu, wa_d dunya maa virfatu.

¹¹ Huwa ja le shavbu, wa shavbu maa giblu.

¹² Wa laakin al gibloohu, hu addaahum sulṭa vashaan yabgu awlaad Allaah, yavni an naas al bi’aaminu b_ismu.

¹³ Deel hum an naas al kaanu mawluudiin, mush be damm, wa laa be iraadat jism, wa laa min iraadat raajil, laakin min Allaah.

¹⁴ Wa_l kilma biga jism, wa sakan fi wasiṭna. Wa shufna majdu zei majd al Ibn al waḥiid min al Abu, malyaan be nivma wa ḥagg.

¹⁵ Yuuḥanna shihid leehu, wa koorak wa gaal, “Da huwa_r raajil al kallamta vannu. Huwa al biji bavdi, ja giddaami, vashaan huwa kaan gubbaali.”

¹⁶ Wa niḥna kulluna axadna min xeeru_l katiir, nivma foog nivma.

¹⁷ Vashaan Allaah adda_l gaanuun be Muusa, laakin an nivma wa_l ḥagg jo be Yasuuv al Masiiḥ.

¹⁸ Maa fih zool shaaf Allaah kullu kullu. Al Ibn al waḥiid al huwa fi galb al Abu, hu xabbar vannu.

SHAHAADAT YUUḤANNA AL MAVMADAAN

¹⁹ Wa di shahaadat Yuuḥanna, lamma_l Yahuud min Uurushaliim rassalu leehu gusus wa Laawiyyiin vashaan yas’aluuhu, “Inta minu?”

²⁰ Yuuḥanna ivtaraf wa maa nakar, wa shihid, “Ana mush al Masiiḥ.”

²¹ Wa gaalu leehu, “Vala kida, inta minu? Inta Iiliyya?” Gaal leehum, “Laa, mush ana.” Wa hum gaalu, “Inta an nabi?” Hu radda valeehum, “Laa.”

²² Valashaan kida gaalu leehu, “Guul leena inta minu, vashaan narudd vala_n naas ar rassaloona. Inta taguul shinu van nafsak?”

²³ Yuuḥanna gaal, “Ana ṣoot bikoorik fi_l xala, Ḥaḍḍiru sikkat ar Rabb, zei maa gaal an nabi Ishavyaa.”

²⁴ Wa_n naas al marassaliin kaanu min al Farriisiyyiin.

²⁵ Bavdeen sa’aloohu, “Ṭaiyib, le shinu bitvammid iza inta maa al Masiiḥ, wa laa Iiliyya, wa laa_n nabi?”

²⁶ Yuuḥanna gaal leehum, “Ana bavammid be_l mooya, laakin waaḥid waagif beenkum intu maa bitavrifuuhu.

²⁷ Huwa_l biji bavdi, wa ana maa mustaḥigg afikk jizamu.”

²⁸ Wa da kaan fi Beetvanya jamb Baḥar al Urdunn, al maḥall al kaan Yuuḥanna bivammid fiihu.

YASUUV ḤAMAL ALLAAH

²⁹ Fi_l yoom at taani, Yuuḥanna shaaf Yasuuv jaai leehu. Wa gaal, “Shuufu Ḥamal Allaah al bishiil xaṭiyyat ad dunya.

³⁰ Da huwa_l ana gulta vannu, Jaai bavdi insaan kaan giddaami, vashaan huwa kaan gubbaali.

³¹ Wa ana maa kunta vaarifu. Laakin vashaan huwa yaẓhar le Israa’iil, ana jiit avammid be_l mooya.”

³² Wa Yuuḥanna shihid wa gaal, “Ana shufta_r Ruuḥ naazil zei ḥamaama min as sama, wa gavad valeehu.

³³ Wa ana maa kunta vaarifu, laakin ar rassalni vashaan avammid be_l mooya, hu gaal leiya, al bitshuuf ar Ruuḥ naazil wa yistanna valeehu, da huwa al bivammid be_r Ruuḥ al Gudus.

³⁴ Wa ana shufta wa shihidta, da huwa Ibn Allaah.”

AT TALAAMIIZ AL AWWALAANIYYIIN

³⁵ Wa fi_l yoom at taani, Yuuḥanna kaan waagif mava itneen min talaamiizu.

³⁶ Wa shaaf Yasuuv maashi, wa gaal, “Shuufu Ḥamal Allaah.”

³⁷ Bavdeen at talaamiiz al itneen simivoohu yitkallam, wa gaamu wa tibivu Yasuuv.

³⁸ Wa Yasuuv itlafat wa shaafum yatbavuuhu. Wa gaal leehu, “Intu vaawziin shinu?” Wa gaalu, “Rabbi, yavni yaa Muvallim, inta saakin ween?”

³⁹ Wa gaal leehum, “Tavaalu wa shuufu.” Bavdeen mashu wa shaafu_l maḥall al hu kaan saakin fiihu. Wa gavadu hinaak al yoom daak. Wa kaan as saava arbava tagriiban.

⁴⁰ Wa Andaraawus axu Simvaan Buṭrus kaan waaḥid min al itneen as simivu Yuuḥanna wa tibivu Yasuuv.

⁴¹ Wa Andaraawus liga axuuhu Simvaan fi_l awwal, wa gaal leehu, “Ligiina Masiyya, yavni al Masiiḥ.”

⁴² Wa jaabu le Yasuuv. Wa Yasuuv vaayan leehu wa gaal, “Inta Simvaan walad Yuuḥanna. Inta ismak Ṣafa,” yavni Buṭrus.

⁴³ Wa fi_l yoom at taani, Yasuuv garrar yamshi le_j Jaliil. Bavdeen liga Fiilubbus, wa gaal leehu, “Atbavni.”

⁴⁴ Wa Fiilubbus kaan min Beetṣaida, madiinat Andaraawus wa Buṭrus.

⁴⁵ Wa Fiilubbus liga Natana’iil wa gaal leehu, “Ligiina al katab vannu Muusa fi_l Gaanuun wa_l Anbiya, Yasuuv ibn Yuusif al min an Naaṣira.”

⁴⁶ Wa Natana’iil gaal leehu, “(?) Mumkin biṭlav min an Naaṣira ḥaaja ṭaiba?” Fiilubbus gaal leehu, “Tavaal wa shuuf.”

⁴⁷ Wa Yasuuv shaaf Natana’iil jaai leehu, wa gaal vannu, “Shuuf Israa’iili be_l ḥagg, maa fiihu ghishsh.”

⁴⁸ Natana’iil gaal leehu, “Inta bitavrifni min ween?” Radda Yasuuv wa gaal, “Gubbaal maa Fiilubbus naadaak, ana shuftak tiḥit shajarat at tiin.”

⁴⁹ Natana’iil radda wa gaal leehu, “Yaa Muvallim, inta Ibn Allaah. Inta Malik Israa’iil.”

⁵⁰ Wa Yasuuv radda wa gaal leehu, “(?) Inta aamanta vashaan gulta leek ana shuftak tiḥit shajarat at tiin? Inta bitshuuf ḥaajaat akbar min di.”

⁵¹ Wa gaal leehu, “Al ḥagg al ḥagg aguul leekum, bitshuufu_s sama maftuuḥa, wa malaaikat Allaah biṭlavu wa binzilu vala Ibn al insaan.”