Yavkuub 2 - Kitaab al Vahd aj Jadid 1978

MAA TASHUUFU_L WASHSH

¹ Yaa axwaani, maa tashuufu wushuush an naas w_intu maaskiin be iimaan Rabbana Yasuuv al Masiiḥ, Rabb al majd.

² Xalluuna naguul raajil yadxul ijtimaavkum vindu xaatim min dahab wa fi hiduum jamiil. Wa yadxul kamaan raajil miskiin fi hiduum wasxaan.

³ Wa intu taxallu baalkum le_l vindu_l hiduum aj jamiil wa taguulu leehu, “Agvud hina fi kursi samiḥ.” Wa taguulu le_l miskiin, “Guum hinaak,” walla, “Agvud hina tiḥit bambar kirveiya,”

⁴ (?) Intu maa vamaltu farig been nufuuskum, wa bigiitu guḍaat be afkaar sharriira?

⁵ Asmavu, yaa axwaani_l maḥbuubiin, (?) Allaah maa ixtaar masaakiin ad dunya di vashaan yakuunu ghaniyyiin fi_l iimaan wa wurraat al malakuut al wavad beehu le_l biḥibbuuhu?

⁶ Laakin intu shatamtu_l miskiin. (?) Al ghaniyyiin maa yaẓlumuukum wa yajurruukum le_l maḥkama?

⁷ (?) Maa hum al bijaddifu vala_l isim al muḥtaram al bisammuukum beehu?

⁸ Iza tatimmu_l gaanuun al maluukiyya, be ḥasab al kitaab, “Taḥibb gariibak zei nafsak,” tavmilu ṭaiyib.

⁹ Laakin iza tashuufu_l wushuush, intu taxṭu, wa_l gaanuun yaḥkum valeekum zei muxaalifiin.

¹⁰ Wa_z zool al biḥfaẓ kullu_l gaanuun wa yakassir amr waaḥid, hu biga muznib fi_l kull.

¹¹ Vashaan al gaal, “Maa tazni,” gaal kamaan, “Maa taktul.” Iza maa tazni wa laakin taktul, inta bigiit muxaalif al gaanuun.

¹² Itkallamu wa avmilu zei al maashiin yitḥakamu be gaanuun al ḥurriyya.

¹³ Vashaan al ḥukm biduun raḥma huwa vala_l maa yavmil raḥma. Ar raḥma taghlib vala_l ḥukm.

AL IIMAAN WA_L AVMAAL

¹⁴ Shinu al faaida, yaa axwaani, iza waaḥid yaguul ’innu vindu iimaan wa laakin maa vindu avmaal? Al iimaan daak yagdar yaxalliṣu?

¹⁵ Xalluuna naguul axu walla uxut varyaaniin wa muḥtaajiin le_l akil al yoomi.

¹⁶ Wa waaḥid minnakum yaguul leehum, “Amshu be_s salaam, iddaffu w_ashbavu.” Laakin hu maa biddiihum al biḥtaaju leehum le_j jisim, al faaida shinu?

¹⁷ Wa kida kamaan al iimaan, iza maa vindu avmaal, huwa meyyit fi nafsu.

¹⁸ Laakin waaḥid biguul, “Inta vindak iimaan wa ana vindi avmaal. Warriini iimaanak biduun avmaal, wa ana bawarriik iimaani be avmaali.”

¹⁹ Inta ta’aamin ’an Allaah waaḥid, inta tavmil kwaiyis. Wa_sh sheyaaṭiin ya’aaminu kamaan, wa yarjifu.

²⁰ (?) Laakin yaa_l insaan al ghashiim, inta daayir tavrif, ’an al iimaan biduun al avmaal maa leehu faaida?

²¹ (?) Ibraahiim abuuna maa itbarrar be_l avmaal lamma gaddam Is‐ḥaag ibnu vala_l maḍbaḥ?

²² Inta tashuuf ’an al iimaan kaan bishtaghil mava avmaalu, wa_l iimaan biga kaamil be avmaalu.

²³ Wa tamma_l Kitaab al biguul, “Ibraahiim aaman be Allaah, wa da ḥasab leehu birr.” Wa sammoohu maḥbuub Allaah.

²⁴ Intu tashuufu ’an az zool yitbarrar be_l avmaal, mush be_l iimaan bass.

²⁵ (?) Wa kida kamaan, Raaḥaab az zaanya maa kaanat itbarrarat be_l avmaal lamma giblat al maraasiil wa rassalatum be ṭariig taani?

²⁶ Zei maa aj jisim biduun ruuḥ hu meyyit, kida kamaan al iimaan biduun avmaal hu meyyit.