Yahuuza 1 - Kitaab al Vahd aj Jadid 1978

XAṬIYYAT WA DEENUUNAT AL MAA BIXAAFU ALLAAH

¹ Min Yahuuza xaddaam Yasuuv al Masiiḥ wa axu Yavkuub, le_l muxtaariin wa_l maḥbuubiin fi Allaah al Abu wa_l maḥfuuẓiin le Yasuuv al Masiiḥ.

² Ar raḥma wa_s salaam wa_l maḥabba yakattiru leekum.

³ Yaa maḥbuubiin, kunta bajarrib be kullu nishaaṭ ’an aktib leekum be xuṣuuṣ xalaaṣna_l vindana sawa. Laakin shufta laazim aktib leekum vashaan aṭlub minnakum taḥaaribu vashaan xaaṭir al iimaan al musallam marra waaḥda le_l giddiisiin.

⁴ Vashaan bavḍ min an naas daxalu beenkum be_s sirr, wa hum maa bixaafu Allaah. Wa hum yaghayyiru nivmat Ilaahna le_l faḍiiḥa wa binkuru Saiyidna wa Rabbana al waḥiid, Yasuuv al Masiiḥ. Wa min wakit ṭawiil deenuunatum kaanat maktuuba.

⁵ Ana vaawiz azakkirkum, wa law viriftu kullu shi marra waaḥda, ’an ar Rabb xallaṣ ash shavb min balad Maṣr, laakin bavd da xarab an naas al maa aamanu.

⁶ Wa_l malaaika_l maa ḥifẓu sulṭatum laakin saabu beetum al maxṣuuṣ, deel maḥfuuẓiir be janaaziir abadiyya le deenuunat al yoom al vaẓiim fi_ḍ ḍalaam.

⁷ Wa kadi kamaan Saduum wa Vamuura wa_l bilaad al ḥawaleehum sallamu nufuusum le_z zina wa mashu wara shahwa maa zei ṭabiivat an naas. Wa hum bigu masal al bitḥammalu jiza naar abadiyya.

⁸ Wa kadi kamaan, deel, al biḥlamu, biyavmilu ḥaajaat yanajjisu ajsaamum, wa yarfuḍu_s sulṭa wa yashtimu_l kubaar al fi_s sama.

⁹ Wa laakin Mixa’iil, ra’iis al malaaika, lamma shaakal Ibliis van jisim Muusa, xaaf yajiib ḥukm be shatiima, laakin gaal, “Ar Rabb yawabbixak!”

¹⁰ Laakin deel yajaddifu vala_l maa yafhamu. Wa hum yasawwu zei al ḥayawaanaat al maa vindahum vagl al yamshu be ṭabiivatum. Wa be_ṭ ṭariiga di yaxrabu nufuusum.

¹¹ Yaa muṣiibatum! Valashaanum mashu fi sikkat Gaayiin, wa sallamu nufuusum le ghalṭat Balvaam le_r ribiḥ. Wa hum maatu fi fitnat Kuuraḥ.

¹² Wa deel ḥujaar madsuusa fi vazuumaatkum al maḥabbiyya, vaamiliin vazuumaat mavaakum biduun xoof, wa yahtammu be nufuusum bass. Hum saḥaab biduun mooya, tashiil al aryaaḥ, shajar al xariif biduun tamar, maat marrateen wa maṭallav.

¹³ Amwaaj baḥar muḥarraka mazabbida be xajalum, nujuum ḍaalla, maḥfuuẓa le ḍalaam aswad jiddan le_l abad.

¹⁴ Wa Axnuux, as saabiv min Aadam, itnabba van deel wa gaal, “Shuufu! ja ar Rabb mava aalaaf katiira min giddiisiinu.

¹⁵ Wa hu ja vashaan yaḥkum vala_l kull, wa yawabbix kullu_sh sharriiriin le kullu avmaalum ash sharriira_l vamalooha be_sh sharr. Wa hu yawabbixum le kullu_l kilmaat aṣ ṣavba_l itkallamu beeha_l xaaṭyiin ash sharriiriin.”

¹⁶ Wa deel yashtaku wa yanagnigu, wa hum yamshu ḥasab shahwaatum. Wa xushuumum yitkallamu be kilmaat kibir, wa yashuufu_l wushuush fishaan al faaida.

TAVLIIM LE_L MAḤBUUBIIN

¹⁷ Wa laakin intu, yaa maḥbuubiin, itzakkaru_l kalaam al gaaloohu rusul Rabbana Yasuuv al Masiiḥ min gubbaal.

¹⁸ Vashaanum kaanu biguulu leekum, “Bikuunu fi zaman al axiir naas yiḍḥaku vala Allaah, maashiin ḥasab shahwaatum ash sharriira.”

¹⁹ Deel, hum al bisawwu agsaam beenkum, wa afkaarum fi ḥaajaat ad dunya, wa maa vindahum ar Ruuḥ.

²⁰ Laakin intu, yaa maḥbuubiin, abnu nufuuskum fi iimaankum al gudduus, wa ṣallu fi_r Ruuḥ al Gudus.

²¹ W_aḥfaẓu nufuuskum fi maḥabbat Allaah, muntaẓiriin raḥmat Rabbana Yasuuv al Masiiḥ le_l ḥayaat al abadiyya.

²² Arḥamu bavḍ min an naas al bishikku.

²³ Wa ṭallivu_l bavḍ min an naar wa xalliṣum. Laakin arḥamu_t taanyiin be xoof kaarihiin al hiduum al biga najis min shahwaat aj jisim.

²⁴ Wa le_l gaadir yaḥfaẓkum min al wuguuv, wa yajiibkum giddaam majdu biduun veeb be faraḥ vaẓiim,

²⁵ le Allaah al waḥiid, Muxalliṣna, be Yasuuv al Masiiḥ Rabbana, al majd wa_l vaẓama wa_l gudra wa_s sulṭa gubbaal kullu zaman wa hassav wa le_l abad. Aamiin.