Vibraaniyyiin 7 - Kitaab al Vahd aj Jadid 1978

MALKIṢAADAG AL GASSIIS

¹ Wa Malkiṣaadag da kaan malik Shaliim wa gassiis Allaah al Vaali. Hu gaabal Ibraahiim lamma kaan yarjav min katal al muluuk, wa baaraku.

² Wa Ibraahiim adda leehu_l vushur min kullu ḥaaja. Wa mavna ismu fi_l awwal, “malik al birr,” wa bavdeen kamaan, “malik Shaliim,” yavni, “malik as salaam”.

³ Wa huwa biduun abu walla umm wa biduun ḥisaab aj jiil wa maa vindu bidaayat aiyaam walla nihaayat ḥayaat. Laakin huwa zei Ibn Allaah wa bistanna gassiis le_l abad.

⁴ Wa shuufu keef ar raajil da kaan akbar, vashaan Ibraahiim, ra’iis al abahaat, addaahu vushur min an nihaab.

⁵ Wa be_l ḥagg, min awlaad Laawi, al yibgu gusus, hum vindahum amr ḥasab al gaanuun ’an yaaxudu_l vushur min an naas, yavni, min axwaanum, mava ’innahum itwaladu min Ibraahiim.

⁶ Wa laakin ar raajil da maa min awlaad Laawi, wa huwa axad al vushur min Ibraahiim, wa baarak al kaan vindu_l wuvuud.

⁷ Wa biduun shakk al aṣghar yaaxud al baraka min al akbar.

⁸ Wa hina, rujaal bimuutu yaaxudu_l vushur. Wa laakin hinaak, huwa al bish‐hadu leehu ’innu ḥai yaaxuduuhu.

⁹ Wa yimkin yaguulu, Laawi nafsu, al axad al vushur, huwa adda_l vushur fi Ibraahiim.

¹⁰ Valashaan Laawi kaan lissav fi ṣulb abuuhu Ibraahiim lamma Malkiṣaadag gaabal Ibraahiim.

YASUUV ZEI MALKIṢAADAG

¹¹ Allaah adda_l gaanuun le_n naas vala asaas tartiib gusus Laawi. Wa iza kaan shughl gusus Laawi kaan kaamil, le shinu kaan fih iḥtiyaaj le gassiis taani yaguum min tartiib Malkiṣaadag, wa mush min tartiib Haaruun?

¹² Vashaan iza yaghayyiru tartiib al gusus, laazim yaghayyiru_l gaanuun kamaan.

¹³ Wa huwa, al itkallam kida vannu, kaan min gabiila taanya. Wa maa fih waaḥid min al gabiila di al vamal xidmat al maḍbaḥ.

¹⁴ Wa da baayin ’innu Rabbana ṭalav min gabiilat Yahuuda, wa Muusa maa gaal aiya ḥaaja van al gabiila di be xuṣuuṣ al gusus.

¹⁵ Wa_l ḥaaja di tabeyyin aktar be katiir iza gassiis taani zei Malkiṣaadag yaguum.

¹⁶ Wa huwa biga gassiis, mush vala asaas gaanuun wa amr jismi, laakin vala asaas guwwat ḥayaat maa vindaha nihaaya.

¹⁷ Vashaan al Kitaab bish‐had leehu: “Inta gassiis le_l abad, zei at tartiib bitaav Malkiṣaadag.”

¹⁸ Wa kida, waggafu_l amr al kaan min gubbaal, vashaan kaan ḍaviif wa maa vindu faaida.

¹⁹ Vashaan al gaanuun maa vamal aiyi shi kaamil. Laakin rajaa aḥsan ja, wa beehu nagarrib le Allaah.

²⁰ Wa da maa kaan biduun ḥalaf.

²¹ Wa_t taanyiin deel bigu gusus biduun ḥalaf, laakin huwa biga gassiis be ḥalaf lamma Allaah gaal leehu: “Ar Rabb ḥalaf wa maa bighayyir fikru, Inta gassiis le_l abad.”

²² Wa be gadur da, Yasuuv biga mas’uul vashaan yakammil ittifaag aḥsan.

²³ Wa be_l ḥagg, al gusus deel kaanu katiiriin, vashaan hum maatu wa maa gidiru yistamirru fi_l xidma.

²⁴ Laakin valashaan Yasuuv yaviish le_l abad, huwa vindu tartiib gassiis al maa yaddiihu le taani.

²⁵ Valashaan kida, huwa bigdar yaxalliṣ be_t tamaam deel al yagarribu beehu le Allaah, valashaan hu daaiman yaviish vashaan yitwassaṭ leehum.

²⁶ Vashaan ra’iis gusus zei da muwaafig leena. Huwa gudduus wa biduun loom wa naḍiif wa mafarrag min al xaaṭyiin wa marfuuv avla min as samaawaat.

²⁷ Wa mush zei ru’asaa al gusus deel, huwa maa vindu iḥtiyaaj ’an yagaddim kullu yoom ḍabaayiḥ van xaṭaayaahu fi_l awwal, wa bavdeen van xaṭaaya an naas. Hu vamal da marra waaḥda lamma gaddam nafsu.

²⁸ Vashaan al gaanuun yaxtaar rujaal ḍaviifin yakuunu ru’asaa al gusus. Wa laakin kilmat al ḥalaf, aj ja bavd al gaanuun, ixtaar ibn, wa hu biga kaamil le_l abad.