Tiiṭus 2 - Kitaab al Vahd aj Jadid 1978

TAVLIIM LE KULLU AHL AL KANIISA

¹ Laakin inta, itkallam be_l yistaḥigg at tavliim aṣ ṣaḥiiḥ.

² Vallim ar rujaal al kubaar fi_s sinn ’an yakuunu vaagiliin, wa mustaḥiggiin al iḥtiraam, wa vindahum masik an nafs, wa ṣaadigiin fi_l iimaan wa_l maḥabba wa_ṣ ṣabr.

³ Wa kida kamaan vallim an niswaan al kubaar fi_s sinn ’an yaviishu fi xoof Allaah, maa bishtimu wa maa biddu nufuusum le_l xamr, laakin bivallimu ḥaajaat kwaisa.

⁴ Valashaanum yagdaru yavallimu an niswaan aṣ ṣughaar ’an yaḥibbu rujaalum wa awlaadum,

⁵ wa bikuunu fahmaat, wa vindahum galib naḍiif. Wa yavallimum yashtaghilu fi buyuutum, wa vindahum raḥma, wa biṭiivu rujaalum, vashaan an naas maa yashtimu kilmat Allaah.

⁶ Wa kida kamaan addi naṣiiḥa le_sh shabaab ’an yamsiku_n nafs.

⁷ Wa avmil nafsak masal fi kullu ḥaaja le_l avmaal al kwaisa. Fi tavliimak, kuun muxliṣ wa vaagil.

⁸ Wa kalaamak bikuun ṣaḥiiḥ wa biduun loom, valashaan al vadu bixjal wa maa bigdar yaguul valeena ḥaaja baṭṭaala.

⁹ Aamur al xaddaamiin yaṭiivu asyaadum wa yabsiṭuuhum fi kullu ḥaaja, wa maa yavaakisum fi_l kalaam.

¹⁰ Wa maa yasrigu minnahum laakin yawarru ’innahum yagdaru yittakalu valeehum be_t tamaam. Wa kida fi kullu shi, tavliim Allaah Muxalliṣna bikuun maḥbuub leehum.

¹¹ Vashaan nivmat Allaah, al bitjiib xalaaṣ ẓaharat le kullu_n naas.

¹² Wa tavallimna ’an nankur al afkaar aḍ ḍidd Allaah wa_sh shahwaat al min ad dunya, wa naviish fi_d dunya al ḥaaḍira be_l fahm wa_l birr wa xoof Allaah.

¹³ Wa niḥna nantaẓir ar rajaa al mubaarak wa ẓuhuur majd Ilaahna al vaẓiim wa Muxalliṣna Yasuuv al Masiiḥ.

¹⁴ Huwa adda nafsu fishaanna vashaan yafdiina min kullu zanb, wa yanaḍḍif le nafsu naas yakuunu mulku, wa vindahum ghiira le kullu_l avmaal al kwaisa.

¹⁵ Wa guul leehum al ḥaajaat di. Wa itrajja wa wabbix be kullu sulṭa. Wa maa taxalli aiyi waaḥid yaḥtagirak.