Ru’ya 8 - Kitaab al Vahd aj Jadid 1978

AL XITIM AS SAABIV WA_L ABWAAG

¹ Wa lamma hu fataḥ al xitim as saabiv, kaan fih sukuut fi_s sama muddat nuṣṣ as saava tagriiban.

² Wa shufta_s sabva malaaika al bigiifu giddaam Allaah, wa addu leehum sabva abwaag.

³ Bavdeen, taani malaak ja wa wagaf vind al maḍbaḥ, wa kaan vindu ḥalla min dahab. Wa addu leehu baxuur katiir vashaan yagaddimu mava kullu ṣalawaat al giddiisiin vala_l maḍbaḥ ad dahabi giddaam al kursi.

⁴ Wa duxaan al baxuur mava ṣalawaat al giddiisiin ṭalav giddaam Allaah min iid al malaak.

⁵ Wa_l malaak axad al ḥalla wa mala’a min naar al maḍbaḥ wa ramaaha vala_l arḍ. Wa kaanu fih ruvuud wa aṣwaat wa buruug wa zalzala.

⁶ Bavdeen as sabva malaaika_l vindahum as sabva abwaag jahhazu vashaan yaḍrubu beeha.

⁷ Wa_l malaak al awwal ḍarab be_l buug, wa ja barad wa naar malaxbaṭa be damm, wa ramoohum vala_l arḍ. Wa tilt min al arḍ kullaha inḥarag, wa tilt ash shajar inḥarag, wa kullu geshsh axḍar inḥarag.

⁸ Wa_l malaak at taani ḍarab be_l buug, wa ḥaaja zei jabal kabiir mawallav be_n naar itramat fi_l baḥar. Wa tilt al baḥar biga damm.

⁹ Wa tilt al maxluugaat al fi_l baḥar maatu, wa xarabu tilt al maraakib.

¹⁰ Wa_l malaak at taalit ḍarab be_l buug, wa najma kabiira wagavat min as sama, mawallava zei faanuus. Wa wagavat vala tilt al biḥaar wa vala vuyuun al mooya.

¹¹ Wa ism aj najma Maraara. Wa tilt al mooya kullaha bigat murra, wa naas kutaar maatu min al mooya valashaan bigat murra.

¹² Wa_l malaak ar raabiv ḍarab be_l buug, wa tilt ash shamish inḍarab, wa tilt al gamar, wa tilt an nujuum kamaan. Wa valashaan kida, tilt minnahum biga maḍallim. Wa tilt min an nahaar kaan biduun nuur, wa tilt min al leel kamaan.

¹³ Wa bavdeen shufta, wa simivta nasr yaṭiir fi wasiṭ as sama. Wa hu gaal be ṣoot vaali, “Muṣiiba! Muṣiiba! Muṣiiba le_s saakiniin vala_l arḍ, be sabab al aṣwaat at taanya min abwaag at talaata malaaika al hum garrabu yaḍrubuuha.”