Ruumiya 6 - Kitaab al Vahd aj Jadid 1978

NIḤNA MEYYITIIN LE_L XAṬIYYA, ḤAIYIINFI_L MASIIḤ

¹ Bavdeen binguul shinu? Nistamirr naviish fi_l xaṭiyya valashaan an nivma taziid?

² Abadan! Niḥna mutna le_l xaṭiyya, keef naviish fiiha bavd da?

³ Maa bitavrifu kulluna_l itvammadna be_l Masiiḥ Yasuuv, itvammadna le mootu?

⁴ Wa kunna madfuuniin mavaahu be_l mavmuudiyya le_l moot, valashaan zei maa al Masiiḥ gaam min been al meyyitiin be majd al Abu, niḥna kamaan naviish ḥayaat jadiida.

⁵ ’In bigiina waaḥid mavaahu fi mootu niḥna kamaan binkuun waaḥid mavaahu fi giyaamatu.

⁶ Vashaanna binavrif da, nafsana_l gadiima inṣalabat mavaahu, valashaan yawaggif guwwat jism al xaṭiyya, vashaan maa binkuun xaddaamiin le_l xaṭiyya bavd da.

⁷ Valashaan lamma waaḥid yamuut, hu yakuun ḥurr min al xaṭiyya.

⁸ Iza mutna mava_l Masiiḥ, na’aamin niḥna binviish kamaan mavaahu.

⁹ Binavrif al Masiiḥ gaam min been al meyyitiin, wa hu maa bimuut marra tanya abadan. Al moot maa vindu sulṭa foogu bavd da.

¹⁰ Al moot al huwa maat, hu maat le_l xaṭiyya marra waaḥda, wa_l ḥayaat al huwa yaviisha, hu yaviisha le Allaah.

¹¹ Wa kida kamaan, aḥsibu nufuuskum meyyitiin le_l xaṭiyya, wa laakin ḥaiyiin le Allaah be_l Masiiḥ Yasuuv Rabbana.

¹² Valashaan kadi, maa taxallu_l xaṭiyya tamlik fi jisimkum al bimuut fishaan taṭiivu shahwaatu.

¹³ Wa maa taddu avḍaa jisimkum le_l xaṭiyya vashaan tavmilu_sh sharr, laakin addu nufuuskum le Allaah zei naas ḥaiyiin bavd maa kuntu meyyitiin. Wa addu avḍaa jisimkum vashaan tavmilu birr Allaah.

¹⁴ Al xaṭiyya maa bitkuun saiyidkum, valashaankum maa taviishu tiḥit al gaanuun, laakin tiḥit an nivma.

¹⁵ Bavdeen shinu? Binavmil xaṭiyya valashaan maa naviish tiḥit al gaanuun, laakin tiḥit an nivma? Abadan!

¹⁶ (?) Maa bitavrifu lamma taddu nufuuskum zei xaddaamiin vashaan taṭiivu waaḥid, intu be_l ḥagg xaddaamiin leehu at taṭiivuuhu? yaa le_l xaṭiyya al bitsuug le_l moot walla le_ṭ ṭaava al bitsuug le_l birr.

¹⁷ Laakin shukran le Allaah! Intu al kuntu xaddaamiin le_l xaṭiyya gubbaal da, ṭivtu be guluubkum ḥagg at tavliim al gibiltuuha.

¹⁸ Vindakum ḥurriyyatkum min al xaṭiyya, wa bigiitu xaddaamiin le_l birr.

¹⁹ Batkallam be kilmaat az zool, valashaan, aḍ ḍuvf al fi jisimkum. Kuntu taddu avḍaakum xaddaamiin le_n najaasa wa_sh sharr al katiir. Kida kamaan hassav addu avḍaakum xaddaamiin le_l birr wa le_l gadaasa.

²⁰ Lamma kuntu xaddaamiin le_l xaṭiyya, kuntu ḥurriin min al birr.

²¹ Yaata faaida kaanat vindakum fi_l wakit daak min al ḥaajaat al intu takuunu xajlaaniin minnaha hassav? Vashaan nihaayat al ḥaajaat di, hiya_l moot.

²² Laakin hassav bigiitu ḥurriin min al xaṭiyya, wa bigiitu xaddaamiin le Allaah. Wa vindakum faaida fi_l gadaasa, wa_n nihaaya, ḥayaat abadiyya.

²³ Vashaan ujrat al xaṭiyya hiya_l moot, wa laakin hadiyyat Allaah hiya_l ḥayaat al abadiyya be_l Masiiḥ Yasuuv Rabbana.