Ruumiya 5 - Kitaab al Vahd aj Jadid 1978

AS SALAAM WA_L FARAḤ

¹ Hassav valashaan itbarrarna be_l iimaan, vindana salaam mava Allaah be Rabbana Yasuuv al Masiiḥ.

² Wa beehu gibilna_d duxuul be_l iimaan le_n nivma di, wa niḥna naviish beehu. Wa nafraḥ fi rajaa majd Allaah.

³ Wa foog da, nafraḥ kamaan fi atvaab, vashaan binavrif at tavb yajiib aṣ ṣabr.

⁴ Wa_ṣ ṣabr yavmilna magbuuliin. Wa vashaan kida vindana rajaa.

⁵ Wa valashaan vindana rajaa, niḥna maa xajlaaniin, vashaan Allaah kabba maḥabbatu fi guluubna be_r Ruuḥ al Gudus al huwa addaana.

⁶ Vashaan lamma kunna lissav ḍaviifiin, al Masiiḥ maat fi_l wakit al muxtaar fishaan al xaaṭyiin.

⁷ Vashaan di ḥaaja foog al vaada, iza waaḥid yamuut vashaan raajil baarr. Yimkin vashaan raajil ṣaaliḥ, waaḥid yakuun vindu shujaava ḥatta yamuut.

⁸ Wa laakin Allaah warra maḥabbatu leena, vashaan lamma niḥna lissav kunna xaaṭyiin, al Masiiḥ maat fishaanna.

⁹ Vashaan itbarrarna hassav be dammu, keef be_l aktar jiddan binaxlaṣ beehu min al ghaḍab!

¹⁰ Wa wakit maa niḥna kunna vudwaan Allaah, hu vamal salaam mavaana be moot Ibnu. Wa hassav valashaan bigiina muṣaaliḥhiin, keef be_l aktar jiddan niḥna binaxlaṣ be ḥayaatu.

¹¹ Wa maa da bass, laakin nafraḥ be Allaah be Rabbana Yasuuv al Masiiḥ, wa hassav beehu bigiina muṣaaliḥiin.

AL MOOT JA BE AADAM WA_L ḤAYAAT BE_L MASIIḤ

¹² Be zool waaḥid al xaṭiyya daxalat le_d dunya, wa_l xaṭiyya jaabat al moot. Wa kida, al moot ja le kullu_n naas, vashaan kullu_n naas vamalu xaṭiyya.

¹³ Al xaṭiyya kaanat fi_d dunya gubbaal maa_l gaanuun ja, laakin maa yaḥsibuuhu xaṭiyya lamma maa fih gaanuun.

¹⁴ Wa laakin al moot ḥakam min Aadam le Muusa wa daak vala deel al maa vamalu xaṭiyya zei maa Aadam vamal xaṭiyya, lamma kassar amr Allaah. Aadam kaan valaama leehu al maashi yaji.

¹⁵ Wa hadiyyat Allaah majjaanan wa mush zei xaṭiyyat Aadam. Wa naas kutaar maatu be sabab xaṭiyyat al insaan al waaḥid, yavni Aadam. Laakin nivmat Allaah akbar be katiir, wa_n nivma di jaat le naas kutaar kamaan. Wa kida kamaan al hadiyya_l majjaanan jaat be insaan waaḥid, yavni Yasuuv al Masiiḥ.

¹⁶ Wa fih farig been hadiyyat Allaah wa xaṭiyyat insaan waaḥid. Bavd al xaṭiyya_l waaḥda, ja al ḥukm, “Inta muznib,” laakin bavd xaṭaaya katiira, ja al hadiyya, “Inta maa muznib.”

¹⁷ Be_l ḥagg, be xaṭiyyat insaan waaḥid, al moot kaan vindu guwwa vala kullu_n naas. Laakin fih naas al bigbalu nivmatu_l katiir wa hadiyyat al birr. Wa bitkuun vindahum guwwa zei al muluuk fi_l ḥayaat be_l waaḥid Yasuuv.

¹⁸ Valashaan kida, be xaṭiyya waaḥda ad deenuuna kaanat vala kullu_n naas. Wa kida be birr waaḥid, kullu_n naas yabgu baarriin, wa_l birr da yajiib leehum al ḥayaat.

¹⁹ Valashaan al insaan al waaḥid xaalaf, al katiiriin bigu xaaṭyiin. Wa kida valashaan al insaan al waaḥid ṭaav, al katiiriin bigu baarriin.

²⁰ Al gaanuun daxal vashaan al xaṭiyya taziid. Laakin lamma al xaṭiyya zaadat, nivmat Allaah zaadat katiir jiddan.

²¹ Wa zei maa_l xaṭiyya malakat le_l moot, kida an nivma bitamlik be_l birr le_l ḥayaat al abadiyya be Rabbana Yasuuv al Masiiḥ.