Ruumiya 4 - Kitaab al Vahd aj Jadid 1978

IBRAAHIIM ITBARRAR BE_L IIMAAN

¹ Bavdeen naguul shinu van abuuna Ibraahiim? Hu liga shinu ḥasab aj jism?

² Vashaan iza kaan Ibraahiim itbarrar be_l avmaal, kaan vindu kibir, wa laakin maa giddaam Allaah.

³ Al Kitaab biguul shinu? “Ibraahiim aaman be Allaah, wa ḥasabu leehu birr.”

⁴ Wa_z zool al bisawwi, maa yaḥsibu leehu ujratu zei hadiyya, laakin zei deen.

⁵ Wa_z zool al maa biyavmil laakin bi’aamin be Allaah al yabarrir al xaaṭi, iimaanu itḥasab leehu birr.

⁶ Wa Daawuud kamaan yaguul nafs al ḥaaja ’innu_l insaan al itḥasab leehu birr biduun avmaal, hu mubaarak. Hu yaguul:

⁷ “Mubaarakiin hum al xaṭaayaahum maghfuura leehum, wa zunuubum mughaṭṭa.

⁸ Mubaarak ar raajil, ar Rabb maa biḥsib leehu xaṭiyyatu.”

⁹ (?) Al baraka di le_l muṭahhar bass, walla le_l maa muṭahhar kamaan? Ibraahiim aaman be Allaah, wa da sawwaahu baarr giddaam Allaah.

¹⁰ Allaah sawwa da leehu miteen? Da kaan gubbaal ṭahuuru walla bavdu? Maa kaan bavdu, laakin gubbaal ṭahuuru!

¹¹ Wa axad valaamat aṭ ṭahuur zei xitim le_l birr al kaan vindu be iimaan lamma hu lissav maa kaan muṭahhar. Wa be da biga abu le kullu_l bi’aaminu wa hum lissav maa muṭahhariin, valashaan yaḥsibu leehum al birr kamaan.

¹² Wa huwa kamaan abu_l muṭahhariin, mush be sabab ṭahuurum bass, laakin valashaan hum aamanu zei maa abuuna Ibraahiim aaman lamma huwa maa kaan muṭahhar.

¹³ Allaah wavad le Ibraahiim wa awlaadu, ’innu yakuun waaris ad dunya. Wa da maa vashaan Ibraahiim ṭaav al gaanuun, laakin vashaan aaman be Allaah.

¹⁴ Vashaan iza kaan al biviishu be_l gaanuun hum wurraat, al iimaan biduun faaida, wa_l wavad maa vindu sulṭa.

¹⁵ Fishaan al gaanuun yajiib al ghaḍab. Wa_l makaan al maa fiihu gaanuun, maa fiihu zanb.

¹⁶ Valashaan kida, al wavad biji be_l iimaan, vashaan yakuun be nivma, wa yakuun be ta’kiid, le kullu_l awlaad, mush leehum al biṭiivu_l gaanuun bass, laakin leehum al min iimaan Ibraahiim kamaan. Wa hu abu le kulluna.

¹⁷ Zei maa maktuub, “Vamaltak abu le umam katiira.” Huwa abuuna giddaam Allaah al huwa aaman beehu. Wa Allaah biddi ḥayaat le_l meyyitiin, wa hu yitkallam wa yaxlug ḥaaja min al maa kaanat mawjuuda.

¹⁸ Wa fi_r rajaa Ibraahiim aaman, lamman maa kaan fih rajaa valashaan yabga abu le umam katiira. Zei maa_l Kitaab yaguul, “Awlaadak bikuun umam katiira.”

¹⁹ Wa hu maa kaan ḍaviif fi_l iimaan lamma fakkar fi jismu, al kaan gariib le_l moot. Valashaan kaan leehu miyyat sana tagriiban. Wa iimaanu maa kaan ḍaviif lamma fakkar fi raḥim Saara al meyyit.

²⁰ Wa Ibraahiim lissav maa shakk be wavad Allaah, laakin biga shadiid fi_l iimaan, w_adda_l majd le Allaah.

²¹ Wa it’akkad tamaam ’an Allaah gaadir yavmil zei maa wavad beehu.

²² Valashaan kida, sawwaahu baarr.

²³ Al kilmaat, “Sawwaahu baarr,” maa kaanat maktuuba fishaanu waḥiidu,

²⁴ laakin fishaan niḥna kamaan. Vashaan Allaah yasawwiina baarriin, niḥna_l bin’aamin beehu al gawwam Rabbana Yasuuv min been al meyyitiin.

²⁵ Hum sallamoohu le_l moot vashaan xaṭaayaana. Wa Allaah gawwamu vashaan nitbarrar.