Ruumiya 2 - Kitaab al Vahd aj Jadid 1978

ḤUKM ALLAAH ḤASAB AL BIRR

¹ Valashaan kida, inta biduun vuzr, yaa_z zool al bitaḥkum vala waaḥid taani. Vashaan wakit maa taḥkum vala_t taani, taḥkum vala nafsak. Valashaan inta_l bitaḥkum, bitavmil al ḥaajaat di zaata.

² Wa binavrif deenuuna Allaah vala deel al biyavmilu zei al ḥaajaat di. Wa deenuunatu ḥasab al ḥaag.

³ Laakin inta, yaa zool, tavmil zaat al ḥaajaat, wa taḥkum vala_l biyavmil zeiyak! (?) Taftakir inta bitagdar tajri min deenuunat Allaah?

⁴ (?) Walla tashtim ghina luṭfu wa iḥtimaalu wa ṣabru_ṭ ṭawiil? Wa maa bitavrif Allaah yawarri luṭfu vashaan yaguudak le_t tooba?

⁵ Laakin be sabab galbak al gawwi wa_l maa bituub, bitaxzim le nafsak ghaḍab fi yoom al ghaḍab, lamma deenuunat Allaah al vaadil biẓhar.

⁶ Wa hu biddi le kullu waaḥid zei avmaalu.

⁷ Wa_l yistamirru fi_l vamal aṭ ṭaiyib wa yaṭlubu_l majd wa_l iḥtiraam wa_l maa bimuut, hu biddiihum al ḥayaat al abadiyya.

⁸ Wa leehum al biḥibbu nufuusum, wa maa biṭiivu_l ḥagg laakin biṭiivu_sh sharr, bikuun fih zavl wa ghaḍab.

⁹ At tavb wa_ḍ ḍiig vala kullu insaan bivmil ash sharr, vala_l Yahuudi fi_l awwal, wa bavdeen vala_l Griigi.

¹⁰ Wa_l majd wa_l iḥtiraam wa_s salaam le kullu waaḥid bisawwi_l xeer, le_l Yahuudi fi_l awwal, wa bavdeen le_l Griigi.

¹¹ Vashaan Allaah maa bishuuf al wushuush.

¹² Vashaan kullu_l biyavmilu xaṭiyya biduun al gaanuun, biduun al gaanuun bimuutu. Wa kullu_l biyavmilu xaṭiyya be_l gaanuun, be_l gaanuun biḥkumuuhum.

¹³ Vashaan mush deel al bismavu_l gaanuun hum baarriin giddaam Allaah, laakin deel al bivmilu be_l gaanuun, hum yakuunu baarriin.

¹⁴ Lamma_l umam al maa vindahum gaanuun yavmilu be_ṭ ṭabiiva al waajib fi_l gaanuun, hum gaanuun le nufuusum, wa law maa vindahum gaanuun.

¹⁵ Wa hum biwarru ’innu vamal al gaanuun maktuub fi guluubum. Wa ḍamiirum kamaan yash‐had, wa afkaarum yashtaku walla yimkin yavmilu vuzr le nufuusum.

¹⁶ Fi_l yoom daak, Allaah tadiin vala asraar an naas be ḥasab injiili be Yasuuv al Masiiḥ.

AL YAHUUD WA_L GAANUUN

¹⁷ Wa shuuf inta bitsammi nafsak Yahuudi, wa mittakil vala_l gaanuun wa inta bigiit mitkabbir wa taguul inta tavrif Allaah.

¹⁸ Wa inta bitavrif iraadatu wa tafarrig al aḥsan, vashaanak itvallamta_l gaanuun.

¹⁹ Wa inta mit’akkid inta taguud al vamyaaniin, wa inta nuur le_n naas al fi_ḍ ḍalaam,

²⁰ wa mudarris al ghushaam, wa muvallim le_ṣ ṣughaar, vashaan vindak fi_l gaanuun ṣuurat at mavrifa wa_l ḥagg.

²¹ Bavdeen inta_l bitvallim at taani, maa bitvallim nafsak? Inta al bitvallim an naas vashaan maa yasrigu, inta tasrig?

²² Inta_l bitguul waaḥid maa laazim yavmil zina, inta tavmil zina? Inta_l bitakrah al aṣnaam, tasrig min al heyaakil?

²³ Inta_l bitmajjid al gaanuun, inta tashtim Allaah lamma takassir al gaanuun?

²⁴ Zei maa maktuub, “Bijaddifu ism Allaah been al umam be sababkum.”

²⁵ Aṭ ṭahuur vindu faaida iza ḥafaẓta al gaanuun. Wa laakin ’in kassarta_l gaanuun, ṭahuurak biga maa ṭahuur.

²⁶ Iza kaan al maa muṭahhar biḥfaẓ al gaanuun, wa law huwa maa muṭahhar, maa yaḥsibu leehu zei aṭ ṭahuur?

²⁷ Wa_l maa muṭahhar da be ṭabiiva, lamma yaḥfaẓ al gaanuun, biyaḥkum valeek. Wa inta vindak al gaanuun al maktuub wa_ṭ ṭahuur, laakin takassir al gaanuun.

²⁸ Vashaan al Yahuudi fi_ẓ ẓaahir, mush Yahuudi be_l ḥagg, wa laa_ṭ ṭahuur al fi_ẓ ẓaahir fi_j jism ṭahuur be_l ḥagg.

²⁹ Laakin al Yahuudi fi juwwa, huwa_l Yahuudi_l ḥagiigi. Wa ṭahuur al galib, huwa_ṭ ṭahuur al ḥagiigi wa da be_r ruuḥ, mush be_l Kitaab. Wa ḥamdu maa min an naas, laakin min Allaah.