Ruumiya 14 - Kitaab al Vahd aj Jadid 1978

AḌ ḌAVIIF WA_L GAWWI

¹ Wa huwa_ḍ ḍaviif fi_l iimaan, agbaluuhu, wa maa taḥkumu_l afkaar.

² Iimaan waaḥid yaxalliihu yaakul kullu ḥaaja, laakin aḍ ḍaviif biyaakul xuḍaaraat bass.

³ Az zool al biyaakul kullu ḥaaja maa yaḥtagir al maa biyaakul. Wa_z zool al maa biyaakul kullu ḥaaja maa yaḥkum vala_l biyaakul, vashaan Allaah giblu.

⁴ Minu inta ḥatta taḥkum vala xaddaam waaḥid taani? Vashaanu le siidu yagiif walla yagav. Wa huwa bigiif, vashaan ar Rabb gaadir yasabbitu.

⁵ Waaḥid zool yaftakir yoom waaḥid aḥsan min at taani, wa zool taani yaftakir kullu_l aiyaam sawa. Xalli kullu waaḥid yakuun mit’akkid fi fikru.

⁶ Al biftakir fih yoom maxṣuuṣ, yavmilu kida le_r Rabb. Wa_l biyaakul, le_r Rabb biyaakul, vashaan huwa yashkur Allaah. Wa_l maa biyaakul, le_r Rabb maa biyaakul, wa yashkur Allaah.

⁷ Maa fih waaḥid minnana al biviish le nafsu baraahu, wa maa fih waaḥid al yamuut le nafsu baraahu.

⁸ Iza naviish, le_r Rabb naviish. Wa iza namuut, le_r Rabb namuut. Kida, iza naviish walla namuut, le_r Rabb niḥna.

⁹ Wa be_s sabab da, al Masiiḥ maat wa rajav le_l ḥayaat, vashaan yakuun ar Rabb vala_l meyyitiin wa_l ḥaiyiin.

¹⁰ Laakin inta, le shinu taḥkum vala axuuk? Wa inta kamaan, le shinu taḥtagir axuuk? Vashaan kulluna bingiif giddaam kursi Allaah.

¹¹ Vashaan maktuub, “Wa ana ḥai, yaguul ar Rabb, kullu rukba bitarkav leiya, wa kullu lisaan bitash‐had le_r Rabb.”

¹² Valashaan kida, kullu waaḥid minnana biddi ḥisaab le Allaah van nafsu.

¹³ Fishaan kida, bavd da, maa naḥkum bavḍana bavḍ, wa laakin aḥkumu be da, maa taxuṭṭu le_l axu ḥajar wuguuv walla aiya ḥaaja at tawaggifu fi sikkatu.

¹⁴ Ana vaarif wa mit’akkid fi Rabb Yasuuv, maa fih shi najis be nafsu. Laakin iza waaḥid yaḥsib aiyi shi najis, bavd da, hu najis leehu.

¹⁵ ’In kaan axuuk yitḥayyar be sabab akl inta taaklu, inta maa tamshi bavd da fi_l maḥabba. Maa taxassir be aklak daak, az zool al maat al Masiiḥ fishaanu.

¹⁶ Maa taxallu_n naas yitkallamu_l baṭṭaal vala_l intu taftakiruuhu kwaiyis.

¹⁷ Vashaan malakuut Allaah maa akl walla shurub, laakin huwa birr wa salaam wa faraḥ fi_r Ruuḥ al Gudus.

¹⁸ Vashaan al bixdim al Masiiḥ kida, hu yabsiṭ Allaah wa yakuun magbuul be_n naas.

¹⁹ Valashaan kida, xalluuna natbav al ḥaajaat at tavmil as salaam wa_l ḥaajaat at tashaddidna bavḍana bavḍ.

²⁰ Maa taxassir vamal Allaah valashaan al akl. Kullu shi naḍiif, laakin hu sharr le_z zool al yaakul wa yakuun sabab wuguuv fi xaṭiyya le_t taanyiin.

²¹ Aḥsan maa taakul laḥam walla tashrab xamra walla tavmil aiyi shi al yavmil axuuk yagav.

²² Al iimaan al vindak fi xuṣuuṣ al ḥaajaat di, xalliihu yakuun been nafsak wa been Allaah. Mubaarak az zool al maa biḥkum vala nafsu fi_l fikr al hu biṣaddig valeehu.

²³ Laakin al bishikk fi_l biyaakul, maḥkuum valeehu, valashaan hu maa biyaakul be_l iimaan. Wa kullu shi al mush min al iimaan, hu xaṭiyya.