Ruumiya 12 - Kitaab al Vahd aj Jadid 1978

ḌABIIḤA ḤAIYA

¹ Valashaan kida, aṭlub leekum, yaa axwaan, be maraaḥim Allaah, tagaddimu ajsaamkum ḍabiiḥa ḥaiya, magaddasa, magbuula giddaam Allaah. Wa di xidmatkum al mavguula.

² Wa maa takuunu zei az zaman da, laakin itghayyaru min juwwa be afkaar jadiida. Fishaan tamtaḥinu iraadat Allaah, iraadatu al kwaisa, wa_l magbuula, wa_l kaamla.

³ Be sabab an nivma al addaaha leiya Allaah, baguul le kullu waaḥid fiikum, maa yaftakir van nafsu foog maa laazim yaftakir. Laakin yaftakir van nafsu be ḥukm vadiil, be ḥasab giyaas al iimaan al addaahu leehu Allaah.

⁴ Niḥna vindana fi jisim waaḥid avḍaa katiira, wa kullu_l avḍaa maa vindahum shughl waaḥid.

⁵ Kida kamaan niḥna_l katiiriin jisim waaḥid fi_l Masiiḥ, wa avḍaa bavḍana le bavḍ, kullu waaḥid le_t taani.

⁶ Laakin vindana hadaaya muxtalifa, be ḥasab an nivma_l addaaha leena. Al vindu hadiyyat an nubuwwa, xalliihu yashtaghil beehu be ḥasab iimaanu.

⁷ Iza hadiyyatu_l xidma, xalliihu yaxdim, walla_t tavliim, xalliihu yavallim.

⁸ Iza hadiyyatu kalaam ash shujaava, xalliihu yashajjiv. Al biddi, xalliihu yaddi wa yakuun kariim. Al vindu sulṭa, xalliihu yashtaghil shadiid. Al vindu raḥma, xalliihu yarḥam be faraḥ.

AL MAḤABBA

⁹ Xalli_l maḥabba takuun muxliṣa. Akrahu_l baṭṭaal, amsiku be_l kwaiyis.

¹⁰ Ḥibbu bavḍakum bavḍ be maḥabba zei axwaan. Iḥtarimu bavḍakum bavḍ.

¹¹ Maa takuunu kaslaaniin fi_sh shughl. Kuunu ḥaarriin fi_r ruuḥ. Axdimu_r Rabb.

¹² Kuunu farḥaaniin fi_r rajaa, aṣburu fi_t tavb, istamirru fi_ṣ ṣala.

¹³ Shaariku mava_l muḥtaajiin been al giddiisiin. Aftaḥu buyuutkum le_l ghariibiin.

¹⁴ Baariku_l biṭruduukum. Baariku wa maa talvanu.

¹⁵ Afraḥu mava_l farḥaaniin, w_abku mava_l ḥaznaaniin.

¹⁶ Xalli takuun vindakum fikra waaḥda bavḍakum bavḍ. Maa takuunu mitkabbiriin, laakin agbalu_n naas al mitwaaḍiviin. Maa takuunu shaaṭriin giddaam nufuuskum.

¹⁷ Maa tadfavu le aiya waaḥid vala_sh sharr be_sh sharr. Fakkiru fi_ṭ ṭaiyib giddaam kullu_n naas.

¹⁸ Intu nufuuskum avmilu kullu_l bitagdaru valashaan taviishu be salaam mava kullu_n naas.

¹⁹ Maa tantagimu le nufuuskum, yaa axwaan, laakin addu makaan le zavl Allaah, valashaan maktuub, “Al intigaam leiya. Ana badfav, yaguul ar Rabb.”

²⁰ Laakin iza vaduwwak jaav, addiihu akl. Wa iza vaṭash, addiihu mooya. Vashaan iza kaan vamalta kida, hu bikuun xajlaan min vamalu.

²¹ Maa taxalli_sh sharr yaghlibak, laakin aghlib ash sharr be_l xeer.