Matta 27 - Kitaab al Vahd aj Jadid 1978

YAHUUZA YASHNUG NAFSU

¹ Wa fi_ṣ ṣabaaḥ, kull al gusus al kubaar wa shuyuux an naas itkallamu mava bavḍ ḍidd Yasuuv vashaan yaktuluuhu.

² Wa rabaṭoohu wa saagoohu wa sallamoohu le Biilaaṭus al mudiir.

³ Wa lamma Yahuuza, huwa_s sallamu, shaaf ’innahum ḥakamu valeehu, it’assaf, wa rajjav at talaatiin ḥitta min al fiḍḍa le_l gusus al kubaar wa_sh shuyuux,

⁴ wa gaal, “Vamalta xaṭiyya vashaan sallamta raajil biduun ghalaṭ.” Gaalu, “Maalkum wa maalna? Inta_l mas’uul.”

⁵ Wa rama_l fiḍḍa fi_l heekal, wa marag wa shanag nafsu.

⁶ Wa laakin al gusus al kubaar axadu_l fiḍḍa wa gaalu, “Maa be_l gaanuun naxuṭṭa fi_l xaziina, vashaan hiya taman damm.”

⁷ Vashaan da, itkallamu mava bavḍ, w_ishtaru beehu ziraava daggaag al buraam, vashaan yadfin fiihu_l ghariibiin.

⁸ Vashaan da, yasammu_z ziraava di, “Ziraavat ad Damm” lighaayat al yoom da.

⁹ Fi_l wakit daak, tamma kalaam an nabi Irmiya lamma gaal, “Wa axadu_t talaatiin ḥitta min al fiḍḍa. Da at taman an naas Israa’iil xaṭṭu valeehu.

¹⁰ Wa addooha le ziraavat daggaag al buraam, zei maa ar Rabb amarni.”

YASUUV GIDDAAM BILAAṬUS

¹¹ Wa Yasuuv gaam giddaam al mudiir. Wa_l mudiir sa’alu wa gaal, “Inta Malik al Yahuud?” Wa Yasuuv gaal, “Inta taguul.”

¹² Wa laakin lamma_l gusus al kubaar wa_sh shuyuux kaanu yashtaku valeehu, maa radda valeehum ḥaaja.

¹³ Bavdeen Biilaaṭus gaal leehu, “Maa bitasmav kam ḥaaja yash‐hadu valeek?”

¹⁴ Laakin hu maa radda valeehu wa laa van kilma waaḥda. Wa_l mudiir istaghrab jiddan.

¹⁵ Wa kaan fih tartiib fi_l viid. Al mudiir kaan bifikk waaḥid maḥbuus. Wa_n naas ixtaaru_l hum daayiriinu.

¹⁶ Wa fi_l wakit daak, kaan vindahum waaḥid maḥbuus mavruuf le kull an naas. W_ismu Baraabaas.

¹⁷ Valashaan kida, lamma_n naas itlammu, Biilaaṭus gaal leehum, “Intu vaawiziini afikk leekum minu? Baraabaas? walla Yasuuv al yasammuuhu_l Masiiḥ.”

¹⁸ Vashaan virif ’innahum sallamoohu min al ḥasad.

¹⁹ Wa kamaan, wakit maa kaan gaavid vala kursi_l ḥukm, maratu rassalat leehu wa gaalat, “Maa tavmil aiya ḥaaja le_r raajil al baarr da. Vashaan vazzabta katiir fi ḥilm an nahaar da fishaannu.”

²⁰ Wa_l gusus al kubaar wa_sh shuyuux itkallamu mava_n naas lighaayat maa ittafagu yaṭlubu Baraabaas wa yaktulu Yasuuv.

²¹ Wa_l mudiir gaal leehum taani marra, “Yaatu min al itneen vaawiziini afikk leekum?” Wa gaalu, “Baraabaas.”

²² Biilaaṭus gaal leehum, “Vala kida, bavmil shinu be Yasuuv al yasammuuhu_l Masiiḥ?” Wa kullahum gaalu, “Aṣlubuuhu.”

²³ Wa hu gaal, “Le shinu? Xaṭiyyatu shinu?” Laakin kooraku aktar wa gaalu, “Aṣlubuuhu.”

²⁴ Wa lamma Biilaaṭus shaaf kalaamu maa vamal ḥaaja, wa laakin dawsha kaanat tabtadi, axad mooya wa ghassal iideehu giddaam aj jamav, wa gaal, “Ana maa mas’uul min damm ar raajil da. Shuufu intu baraakum.”

²⁵ Wa kull an naas gaalu, “Dammu valeena wa vala awlaadna!”

²⁶ Bavdeen hu fakka Baraabaas, wa jalad Yasuuv, wa sallamu vashaan yaṣlubuuhu.

²⁷ Bavdeen vasaakir al mudiir axadu Yasuuv le beet al mudiir, wa lammu kullu_l vasaakir giddaamu.

²⁸ Wa shaalu minnu hiduumu wa labbasoohu jallabiyya ḥamra,

²⁹ wa vamalu taaj min shook wa xaṭṭoohu vala raasu, wa xaṭṭu vaṣaaya fi iidu_l yamiin. Wa rakavu giddaamu wa ḍiḥiku valeehu wa gaalu, “As salaam, yaa Malik al Yahuud!”

³⁰ Wa bazagu valeehu, wa axadu_l vaṣaaya, wa ḍaraboohu vala raasu.

³¹ Wa bavd maa ḍiḥiku valeehu, shaalu minnu_j jallabiyya, wa labbasoohu hiduumu, wa gaadoohu barra vashaan yaṣlubuuhu.

YASUUV VALA_Ṣ ṢALIB

³² Wa wakit maa kaanu maashiin, ligu zool Geirawaani, ismu Simvaan. Wa axadoohu be guwwa vashaan yashiil ṣaliibu.

³³ Wa lamma jo le maḥall yasammuuhu Juljuta, yavni, maḥall jumjuma

³⁴ addoohu xamra vashaan yashraba, malaxbaṭa be ḥaaja murra. Wa laakin lamma ḍaaga, aba yashraba.

³⁵ Wa bavd maa ṣalaboohu, gasamu hiduumu beenum be_l gurav.

³⁶ Bavdeen gavadu wa ḥarasoohu hinaak.

³⁷ Wa xaṭṭu shakwaahu foog raasu al maktuuba valeeha, “Da huwa Yasuuv, Malik al Yahuud.”

³⁸ Wa itneen ḥaraamiyya inṣalabu mavaahu, waaḥid van al yamiin wa waaḥid van ash shimaal.

³⁹ Wa_l maarriin be_s sikka shatamoohu, wa hazzu ruuseehum,

⁴⁰ wa gaalu, “Inta al bitaxrab al heekal wa bitabniihu fi talaatat aiyaam, xalliṣ nafsak. Iza inta Ibn Allaah, anzil min aṣ ṣaliib.”

⁴¹ Wa kida kamaan, al gusus al kubaar ḍiḥiku valeehu, hum, wa muvallimiin al gaanuun, wa_sh shuyuux,

⁴² wa gaalu, “Hu xallaṣ naas taanyiin, wa laakin hu maa yagdar yaxalliṣ nafsu. Huwa Malik Israa’iil! Xalliihu yanzil hassav di min aṣ ṣaliib, wa niḥna naṣaddig beehu.

⁴³ Hu ṣaddag be Allaah. Xalli Allaah yaxalliṣu hassav iza huwa yaḥibbu, vashaan hu gaal, Ana Ibn Allaah.”

⁴⁴ Wa_l ḥaraamiyya al kaanu maṣluubiin mavaahu shatamoohu zei da kamaan.

MOOT YASUUV

⁴⁵ Wa min as saava iṭnaashar, kaanat fih ḍulumma fi kull al arḍ lighaayat as saava talaata.

⁴⁶ Wa_s saava talaata tagriiban, Yasuuv koorak be ṣoot vaali, wa gaal, “Iili, Iili, lama shabagtani?” yavni, “Ilaahi, Ilaahi, le shinu xalleetni?”

⁴⁷ Wa bavḍ min an naas al kaanu waagfiin hinaak, lamma simivoohu, gaalu, “Ar raajil da yanaadi Iiliyya.”

⁴⁸ Wa ṭawwaali waaḥid minnahum jara wa axad sifinja wa mala’a be xall, wa xaṭṭaaha vala vaṣaaya ṭawiila, wa addaaha leehu vashaan yashrab.

⁴⁹ Wa laakin at taanyiin gaalu, “Xalliihu, nashuuf iza Iiliyya biji yaxalliṣu.”

⁵⁰ Wa Yasuuv koorak taani marra be ṣoot vaali, wa sallam ruuḥu.

⁵¹ Wa shuuf! sitaarat al heekal itsharraṭ le itneen, min foog le tiḥit. Wa_l arḍ ithazzat, wa_l ḥujaar itkassaru.

⁵² Wa_l gubuur kamaan infataḥu, wa katiir min ajsaam al giddiisiin al kaanu naayimiin gaamu,

⁵³ wa maragu min al gubuur bavd maa Yasuuv gaam, wa daxalu_l madiina_l magaddasa, wa ẓaharu le naas katiir.

⁵⁴ Wa lamma ra’iis aj jeesh wa_l mavaahu al kaanu yaḥrasu Yasuuv shaafu_z zalzala wa_l ḥaṣal, kaanu xaayifiin jiddan, wa gaalu, “Be_l ḥagg, da kaan Ibn Allaah!”

⁵⁵ Wa niswaan kutaar kaanu fih kamaan, yavaayinu min baviid. Wa hum tibivu Yasuuv min aj Jaliil vashaan yaxdimuuhu.

⁵⁶ Wa beenum Maryam al Majdaliyya, wa Maryam umm Yavkuub wa Yuusi, wa umm awlaad Zabadi.

DAFN YASUUV

⁵⁷ Wa fi_l misa, raajil ghani ja min Arraama ismu Yuusif. Wa hu kamaan kaan tilmiiz le Yasuuv.

⁵⁸ Wa hu masha le Biilaaṭus wa ṭalab jism Yasuuv. Wa fi_l wakit da, Biilaaṭus amarum yadduuhu leehu.

⁵⁹ Wa Yuusif axad aj jism, wa laffaahu fi gumaash tiil naḍiif,

⁶⁰ wa xaṭṭaahu fi gabru_j jadiid al hu gaṭav fi_l ḥajar. Wa lazza ḥajar kabiir vala xashm al gabr, wa masha.

⁶¹ Wa Maryam al Majdaliyya wa Maryam at taanya kaanu hinaak, gaavidaat fi_j jamb at taani gariib min al gabr.

⁶² Wa_l yoom at taani, yavni, bavd Yoom al Istavdaad, al gusus al kubaar wa_l Farriisiyyiin itlammu giddaam Biilaaṭus

⁶³ wa gaalu, “Yaa saiyid, nitzaakkar al ghashshaash da wakit maa huwa lissav ḥai gaal, Bavd talaatat aiyaam, baguum.

⁶⁴ Vashaan kida, aamur ’an yaḥrasu_l gabr lighaayat taalit yoom, vashaan talaamiizu maa yamshu wa yasrigu jismu, wa yaguulu le_n naas, Hu gaam min been al meyyitiin, wa_l ghishsh al aaxir bikuun akvab min al awwal.”

⁶⁵ Wa Biilaaṭus gaal leehum, “Vindakum vasaakir. Amshu w_aḥrasuuhu zei maa tagdaru.”

⁶⁶ Vala kida, mashu wa ḥarasu_l gabr tamaam. Wa xaṭṭu_l xitim vala_l ḥajar wa xaṭṭu_l ḥurraas hinaak.