Matta 26 - Kitaab al Vahd aj Jadid 1978

AT TARTIIB ḌIDD YASUUV

¹ Bavd maa Yasuuv kammal kull al kalaam da, gaal le talaamiizu,

² “Intu vaarfiin Viid al Fiṣaḥ yakuun bavd yoomeen, wa bisallimu Ibn al insaan vashaan yaṣlubuuhu.”

³ Bavdeen al gusus al kubaar wa shuyuux an naas itlammu fi beet ra’iis al gusus al yasammuuhu Gayaafa.

⁴ Wa itkallamu mava bavḍ vashaan yagbuḍ vala Yasuuv be_s sirr wa yaktuluuhu.

⁵ Wa laakin gaalu, “Mush fi wakit al viid, vashaan yimkin takuun fih fitna been an naas.”

MAS_AT YASUUV FI BEETVANYA

⁶ Wa lamma Yasuuv kaan fi Beetvanya fi beet Simvaan al vindu_j jizaam,

⁷ mara garrabat leehu vindaha gizaaza min ruxaam, fiiha riiḥa ghaalya jiddan. Wa kabbata vala raasu wakit maa kaan gaavid fi_ṭ ṭarabeeza.

⁸ Wa laakin lamma_t talaamiiz shaafu da, bigu zavlaaniin wa gaalu, “Le shinu hiya tawaddir ar riiḥa di?

⁹ Vashaan kaan mumkin yabiivu_r riiḥa di be guruush katiir wa yadduuha le_l masaakiin.”

¹⁰ Wa laakin Yasuuv virif, wa gaal leehum, “Le shinu tatavvibu_l mara? Vashaan hiya vamalat leiya vamal jamiil.

¹¹ Vashaan al masaakiin mavaakum fi kullu wakit, wa laakin ana maa bakuun mavaakum fi kullu wakit.

¹² Lamma hiya kabbat ar riiḥa di vala jismi, vamalata vashaan tajahhizni vashaan yadfinuuni.

¹³ Aguul leekum al ḥagg, fi kullu maḥall al yabashshiru be_l injiil da fi_d dunya kullu, bixabbiru kamaan be_l hiya vamalat vashaan yitzakkaruuha.”

¹⁴ Bavdeen, waaḥid min al iṭnaashar, al yasammuuhu Yahuuza Isxariyuuṭi, masha le_l gusus al kubaar,

¹⁵ wa gaal leehum, “Intu raḍyaaniin tadduuni shinu, wa ana basallimu leekum?” Wa hum ḥasabu leehu talaatiin ḥittat fiḍḍa.

¹⁶ Wa min al wakit daak, hu kaan bifattish vala furṣa vashaan yasallimu.

AL VASHA_R RABBAANI

¹⁷ Wa fi_l yoom al awwal min Viid al Faṭiir, at talaamiiz garrabu le Yasuuv wa gaalu, “Ween inta vaawizna najahhiz leek vashaan inta bitaakul fiihu_l Fiṣaḥ?”

¹⁸ Wa gaal leehum, “Amshu le_l madiina le fulaan, wa guulu leehu, Al muvallim yaguul, Wakti gariib. Basawwi Viid al Fiṣaḥ mava talaamiizi fi beetak.”

¹⁹ Wa_t talaamiiz vamalu zei maa Yasuuv amarum, wa jahhaz al Fiṣaḥ.

²⁰ Wa fi_l misa, Yasuuv kaan gaavid fi_ṭ ṭarabeeza mava_l iṭnaashar talaamiiz.

²¹ Wa wakit maa kaanu yaaklu, hu gaal, “Aguul leekum al ḥagg. Waaḥid minnakum bisallimni.”

²² Wa hum bigu ḥaznaaniin jiddan. Wa kullu waaḥid ibtada yaguul leehu, “Maa ana, mush kida, yaa Rabb?”

²³ Wa radda wa gaal leehum, “Az zool ad daxal iidu fi_ṣ ṣaḥan mavaai, huwa bisallimni.

²⁴ Ṣaḥiiḥ, Ibn al insaan maashi, zei maa maktuub vannu. Laakin ḥuzn le_z zool daak al yasallim Ibn al insaan. Kaan aḥsan le_z zool daak iza maa kaan mawluud.”

²⁵ Yahuuza as sallamu gaal leehu, “Maa ana, mush kida, yaa Rabb?” Gaal leehu, “Inta gulta.”

²⁶ Wa wakit maa kaanu yaaklu, Yasuuv axad veesh wa baarak wa kassaru wa addaahu le_t talaamiiz wa gaal, “Uxdu, uklu, da huwa jismi.”

²⁷ Wa axad kubbaaya. Wa bavd maa shakar Allaah, addaaha leehum wa gaal, “Ashrabu minnaha kullakum.

²⁸ Vashaan da huwa dammi le_l ittifaag aj jadiid, al yitdaffag le naas katiiriin vashaan yaghfir al xaṭaaya.

²⁹ Wa aguul leekum, min hassav ana maa bashrab taani min mooyat al vinab di, lighaayat al yoom daak al ana bashraba mavaakum jadiid fi malakuut Abuui.”

³⁰ Wa bavd maa rattal tartiila, maragu le Jabal az Zeetuun.

³¹ Bavdeen Yasuuv gaal leehum, “Kullukum bitagavu al leela di vashaanni. Vashaan maktuub, Ana baḍrub ar Raavi, wa xirfaan al muraaḥ yitshattatu.

³² Wa laakin bavd maa baguum, bamshi giddaamkum le_j Jaliil.”

³³ Wa Buṭrus radda wa gaal leehu, “Iza kullahum yagavu vashaanak, ana maa bagav abbadan.”

³⁴ Yasuuv gaal leehu, “Aguul leek al ḥagg, Fi_l leela di, gabl maa ad diik yakoorik, inta bitankirni talaata marraat.”

³⁵ Wa Buṭrus gaal leehu, “Iza ana laazim amuut mavaak, ana maa bankirak.” Wa kull at talaamiiz gaalu kida kamaan.

JETSEEMAANI

³⁶ Bavdeen, Yasuuv ja mavaahum le maḥall yasammuuhu Jetseemaani. Wa gaal le_t talaamiiz, “Agvudu hina wa ana bamshi hinaak wa baṣalli.”

³⁷ Wa axad mavaahu Buṭrus wa waladeen Zabadi, wa ibtada yakuun ḥaziin wa yafakkir katiir.

³⁸ Bavdeen gaal leehu, “Nafsi ḥaziina jiddan ḥatta_l moot. Istannu hina w_aḥrasu mavaai.”

³⁹ Wa bavdeen masha giddaam shwaiya, wa wagav vala washshu wa ṣalla wa gaal, “Yaa Abuui, iza mumkin, xalli_sh shi at tagiil da al biji leiya yafuut minni. Wa laakin maa zei maa ana vaawiz, laakin zei maa inta vaawiz.”

⁴⁰ Wa ja le_t talaamiiz wa ligaahum naayimiin. Wa gaal le Buṭrus, “Kida, maa kuntu tagdaru taḥrasu mavaai saava waaḥda?

⁴¹ Aḥrasu wa ṣallu, vashaan maa tadxulu fi tajriba. Be_l ḥagg ar ruuḥ raḍyaan, laakin aj jism ḍaviif.”

⁴² Wa masha marra taanya wa ṣalla wa gaal, “Yaa Abuui, iza maa fih ṭariiga taanya, illa agbal ash shi at tagiil da, ana raḍyaan be_l inta vaawiz tajiib valeiya.”

⁴³ Wa ja taani wa ligaahum naayimiin, vashaan vuyuunum kaanat tagiila.

⁴⁴ Wa xallaahum marra taanya, wa masha wa ṣalla taalit marra wa gaal nafs al kalaam.

⁴⁵ Bavdeen ja le_t talaamiiz wa gaal leehum, “( ? ) Intu lissav naayimiin wa tistariiḥu? Shuufu, as saava gariiba al fiiha yasallimu Ibn al insaan le iideen al xaaṭyiin.

⁴⁶ Guumu, namshi. Shuufu, huwa_l yasallimni garrab.”

⁴⁷ Wa wakit maa huwa lissav yitkallam, Yahuuza, waaḥid min al iṭnaashar, wiṣil. Wa jamaava katiira kaanu mavaahu shaayliin suyuuf wa vaṣaayaat, murassaliin min al gusus al kubaar wa shuyuux an naas.

⁴⁸ Wa huwa as sallam Yasuuv kaan addaahum valaama, wa gaal, “Al ana basallim valeehu salaam shadiid, da huwa. Amsikuuhu.”

⁴⁹ Wa huwa ṭawwaali garrab le Yasuuv, wa gaal, “As salaam, yaa Saiyidi.” Wa sallam valeehu salaam shadiid.

⁵⁰ Wa Yasuuv gaal leehu, “Yaa ṣaaḥbi, inta jiit hina le shinu?” Bavdeen hum garrabu leehu wa xaṭṭu iideehum vala Yasuuv wa masakoohu.

⁵¹ Wa shuuf, waaḥid min deel al kaanu mava Yasuuv madda iidu, wa salla seefu, wa ḍarab vabd ra’iis al gusus, wa gaṭav aḍaanu.

⁵² Bavdeen Yasuuv gaal leehu, “Rajjiv seefak fi maḥallu. Vashaan kull al biyaaxudu_s seef bimuutu be_s seef.

⁵³ Taftakir ana maa bagdar aṭlub min Abuui? Wa hu ṭawwaali birassil leiya aktar min iṭnaashar firga min al malaaika.

⁵⁴ Laakin keef bitimm al maktuub fi_l Kutub al biguulu ’innu laazim bikuun kida?”

⁵⁵ Fi_s saava diik, Yasuuv gaal le_j jumuuv, “( ? ) Jiitu be suyuuf wa vaṣaayaat vashaan tagbuḍu valeiya zei maa ana ḥaraami? Kullu yoom kunta gaavid fi_l heekal bavallim an naas, wa intu maa masaktuuni.

⁵⁶ Wa laakin kullu da ḥaṣal vashaan bitakmal Kutub al anbiya.” Bavdeen kull at talaamiiz xalloohu wa harabu.

GIDDAEM RA’IIS AL GUSUS

⁵⁷ Bavdeen hum al gabaḍu vala Yasuuv gaadoohu le Giyaafa ra’iis al gusus, fi_l maḥall al itlammu fiihu muvallimiin al gaanuun wa_sh shuyuux.

⁵⁸ Wa laakin Buṭrus tibivu min baviid, lighaayat ḥoosh ra’iis al gusus. Wa daxal juwwa wa gavad been al ḥurraas vashaan yashuuf al aaxir.

⁵⁹ Wa_l gusus al kubaar wa_l majlis kullu, kaanu yaṭlubu shahaada kaḍḍaaba vala Yasuuv vashaan yaktuluuhu.

⁶⁰ Laakin maa ligooha, mava ’innu shaahidiin kaḍḍaabiin katiiriin garrabu leehu. Laakin fi_l aaxir, itneen garrabu leehu

⁶¹ wa gaalu, “Az zool da gaal, Ana bagdar axrab heekal Allaah, wa abniihu fi talaatat aiyaam.”

⁶² Wa ra’iis al gusus gaam wa gaal, “Maa tarudd valeehum ḥaaja? Shinu da an naas deel yash‐hadu valeek?”

⁶³ Wa laakin Yasuuv sakat. Wa ra’iis al gusus gaal leehu, “Aamurak ’an taḥlif be Allaah al Ḥai, guul leena iza inta al Masiiḥ, Ibn Allaah.”

⁶⁴ Yasuuv gaal leehu, “Inta gulta. Wa kamaan, aguul leekum, bavdeen bitshuufu Ibn al insaan gaavid van yamiin al Gudra, wa jaai vala saḥaab as sama.”

⁶⁵ Bavdeen ra’iis al gusus sharraṭ hiduumu wa gaal, “Hu gaal kalaam baṭṭaal vala_r Rabb. Niḥna vaawiziin shuhuud taanyiin le shinu? Shuufu! Intu simivtu kalaamu_l baṭṭaal vala_r Rabb.

⁶⁶ Fikrakum shinu?” Hum raddu wa gaalu leehu, “Hu yistaḥigg al moot.”

⁶⁷ Bavdeen bazagu fi washshu wa ḍaraboohu shadiid. Wa bavḍ minnahum daggoohu be iidum,

⁶⁸ wa gaalu, “Itnabba, yaa_l Masiiḥ, minu da aḍ ḍarabak?”

BUṬRUS YANKUR YASUUV

⁶⁹ Wa Buṭrus kaan gaavid barra fi_l ḥoosh. Wa xaddaama garrabat leehu wa gaalat, “Inta kamaan kunta mava Yasuuv aj Jaliili.”

⁷⁰ Wa laakin hu nakar giddaam kullahum wa gaal, “Maa bavrif al inti taguuli.”

⁷¹ Wa lamma masha barra gariib min al baab, xaddaama taanya shaafatu, wa gaalat le_l kaanu hinaak, “Az zool da kaan mava Yasuuv an Naaṣiri.”

⁷² Wa kamaan nakar be ḥalaf, “Ana maa vaarif ar raajil.”

⁷³ Wa bavd shwaiya al waagfiin hinaak garrabu wa gaalu le Buṭrus, “Be_l ḥagg, inta kamaan waaḥid minnahum, vashaan kalaamak yawarriihu.”

⁷⁴ Bavdeen biga yalvan wa yaḥlif, “Ana maa vaarif ar raajil.” Wa ṭawwaali ad diik koorak.

⁷⁵ Wa Buṭrus itzakkar al kalaam al gaal leehu Yasuuv, “Gubbaal ad diik yakoorik, bitankirni talaata marraat.” Wa marag barra wa baka bika murr.