Matta 25 - Kitaab al Vahd aj Jadid 1978

MASAL AL VASHARA BANAAT

¹ Fi_l wakit da, malakuut as sama bikuun zei vashara banaat axadu lambaatum, wa mashu yagaabilu_l variis.

² Xamsa minnahum baliidaat, wa xamsa minnahum shaaṭraat.

³ Kida, lamma al baliidaat axadu lambaatum, maa axadu jaaz mavaahum.

⁴ Wa laakin ash shaaṭraat axadu jaaz fi vilba mava lambaatum.

⁵ Wa_l variis it’axxar, wa kullahum bigu tavbaanaat wa naamu.

⁶ Wa fi nuṣṣ al leel, kaan fih kooraak, Ahu da_l variis! Tavaalu gaabiluuhu.

⁷ Bavdeen kull al banaat gaamu wa jahhazu lambaatum.

⁸ Al baliidaat gaalu le_sh shaaṭraat, Addu leena min jaazkum, vashaan lambaatna bimuutu.

⁹ Wa laakin ash shaaṭraat gaalu leehum, Laa, yimkin maa bikuun kifaaya leena wa leekum kamaan. Wa laakin amshu le_t tujjaar, w_ishtaru le nufuuskum.

¹⁰ Wa wakit maa mashu yashtaru, al variis wiṣil. Wa_l banaat aj jaahizaat, daxalu mavaahu le_l viris. Wa_l baab kaan magfuul.

¹¹ Bavdeen at taanyaat jo kamaan, wa gaalu, Yaa saiyid, yaa saiyid, aftaḥ leena!

¹² Wa laakin hu radda valeehum wa gaal, Aguul leekum al ḥagg, ana maa vaarifkum.

¹³ Vashaan da, xallu baalkum, vashaan intu maa vaarfiin al yoom walla_s saava.

MASAL AT TALAATA XADDAAMIIN

¹⁴ Vashaan bikuun zei raajil masaafir. Wa naada xaddaamiinu wa sallam leehum amwaalu.

¹⁵ Wa adda le waaḥid, xumsumiyyat jineeh. Wa le taani miiteen jineeh, wa le taani miyyat jineeh, zei maa kullu waaḥid vindu gudra. Bavdeen hu saafar.

¹⁶ Wa huwa_l gibil al xumsumiyyat jineeh masha ṭawwaali, wa ishtara wa taajar beehu, wa zaadu be xumsumiyyat jineeh taani.

¹⁷ Wa kida, al axad al miiteen jineeh zaadu be miiteen taani.

¹⁸ Wa laakin al axad al miyyat jineeh, masha wa ḥafar fi_l arḍ wa dass fiḍḍat siidu.

¹⁹ Wa bavd wakit ṭawiil, siid al xaddaamiin deelaak rajav wa vamal al ḥisaab mavaahum.

²⁰ Wa_l axad al xumsumiyyat jineeh garrab leehu wa jaab xumsumiyya taanya wa gaal, Yaa saiyid, sallamta leiya xumsumiyyat jineeh. Wa ahi di xumsumiyya taanya al ana zidta fooga.

²¹ Wa siidu gaal leehu, Vamalta kwaiyis, yaa_l xaddaam aṭ ṭaiyib al amiin. Kunta amiin fi_l galiil. Kida bavmilak mas’uul vala_l katiir. Adxul le faraḥ siidak.

²² Bavdeen al axad al miyyateen jineeh garrab leehu wa gaal, Yaa saiyid, sallamta leiya miiteen jineeh. Ahi di miiteen taanya al ana zidta fooga.

²³ Wa siidu gaal leehu, Vamalta kwaiyis, yaa_l xaddaam aṭ ṭaiyib al amiin. Kunta amiin fi_l galiil. Kida bavmilak mas’uul vala_l katiir. Adxul le faraḥ siidak.

²⁴ Bavdeen al gibil al miyyat jineeh garrab leehu kamaan, wa gaal, Yaa saiyid, virifta inta raajil shadiid, wa tagṭav fi_l maḥall al inta maa zaravta fiihu, wa talimm fi_l maḥall al inta maa rameet fiihu_t teeraab.

²⁵ Kida, ana kunta xaayif, wa masheet wa dasseet al miyyat jineeh fi_l arḍ. Shuuf, ahu da ḥaggak.

²⁶ Wa siidu radda valeehu wa gaal, Yaa_l xaddaam ash sharriir al kaslaan! (?) Virifta ana bagṭav fi_l maḥall al ana maa zaravta fiihu, wa balimm fi_l maḥall al ana maa rameet fiihu_t teeraab?

²⁷ Vashaan da, kaan laazim inta tasallim fiḍḍati le_l bank, vashaan lamma ana jiit, kunta gibiltaha mava ribiḥ.

²⁸ Uxdu minnu_l miyyat jineeh, wa addiihu le_l vindu_l alf jineeh.

²⁹ Vashaan le kullu waaḥid al vindu, yadduuhu, wa bikuun leehu katiir. Wa laakin al maa vindu, biyaaxudu minnu al vindu.

³⁰ Wa laakin al xaddaam al baṭṭaal, armuuhu le_ḍ ḍulumma al fih barra. Hinaak bikuun al bika wa vaḍḍ as sinuun.

AL XIRFAAN WA_L GHANAM

³¹ Lamma Ibn al insaan biji fi majdu, wa kull al malaaika mavaahu, fi_l wakit daak biyagvud vala kursi majdu.

³² Wa kullu naas ad dunya bitlimmu giddaamu. Wa hu bifarrigum waaḥid min at taani, zei maa ar raavi yafarrig al xirfaan min al ghanam.

³³ Wa bixuṭṭ al xirfaan van yamiinu, wa_l ghanam van ash shimaal.

³⁴ Bavdeen al Malik biguul le_n naas al fi yamiinu, Tavaalu, yaa mubaarakiin min Abuui. Uxud al malakuut al majahhaz leekum min bidaayat ad dunya.

³⁵ Vashaan ana kunta javaan, wa intu addeetuuni akl. Kunta vaṭshaan, wa addeetuuni shiraab. Kunta ghariib, wa vazamtuuni le biyuutkum.

³⁶ Maa kaan vindi hiduum, wa intu labbastuuni. Kunta vaiyaan, w_intu zurtuuni. Kunta fi_s sijin, w_intu jiitu leiya.

³⁷ Bavdeen al baarriin biguulu leehu, Yaa Rabb, miteen shufnaak javaan wa addeenaak akl? Walla miteen kunta vaṭshaan wa addeenaak shiraab?

³⁸ Wa miteen shufnaak ghariib, wa vazamnaak? Wa miteen shufnaak biduun hiduum wa addeenaak hiduum?

³⁹ Wa miteen shufnaak vaiyaan walla fi_s sijin wa jiina leek?

⁴⁰ Wa_l Malik birudd wa biguul leehum, Aguul leekum al ḥagg, zei maa intu vamaltuuhu le waaḥid min axwaani deel al aṣghar, vamaltuuhu leiya.

⁴¹ Bavdeen hu biguul le_n naas fi shimaalu, Amshu minni, yaa malvuuniin, le_n naar al abadiyya al majahhaza le Ibliis wa malaaikatu.

⁴² Vashaanni kunta javaan, wa intu maa addeetuuni akl. Kunta vaṭshaan, wa maa addeetuuni shiraab.

⁴³ Kunta ghariib, w_intu maa vazamtuuni. Kunta varyaan, wa maa labbastuuni. Kunta vaiyaan wa fi_s sijin wa maa jiitu tazuuruuni.

⁴⁴ Wa bavdeen hum kamaan biruddu wa biguulu leehu, Yaa Rabb, miteen shufnaak javaan walla vaṭshaan? Walla miteen kunta ghariib, walla varyaan, walla vaiyaan, walla fi_s sijin wa maa saavadnaak?

⁴⁵ Wa bavdeen hu biguul leehum, Aguul leekum al ḥagg, zei maa intu maa vamaltuuhu le waaḥid min al aṣghar deel, maa vamaltuuhu leiya.

⁴⁶ Bavdeen deel bimshu le_j jiza al abadiyya, wa laakin al baarriin bimshu le_l ḥayaat al abadiyya.”