Matta 24 - Kitaab al Vahd aj Jadid 1978

VALAAMAAT AAXIR AZ ZAMAN

¹ Wa Yasuuv marag wa kaan maashi min al heekal. Wa talaamiizu garrabu leehu vashaan yawarruuhu bunaa_l heekal.

² Wa radda valeehum wa gaal, “Bitshuufu kullu deel mush kida? Aguul leekum al ḥagg, maa bixallu hina ḥajar vala ḥajar al maa birmuuhu.”

³ Wa wakit kaan gaavid vala Jabal az Zeetuun, talaamiizu garrabu leehu baraahum wa gaalu, “Kallimna, al ḥaaja di bitkuun miteen? Wa shinu al valaama at tawarriina inta bitaji, wa_z zaman da bixlaṣ?”

⁴ Wa Yasuuv radda wa gaal leehum, “Xallu baalkum vashaan waaḥid maa bighishshkum.

⁵ Vashaan naas kutaar biju b_ismi wa yaguulu, Ana huwa_l Masiiḥ, wa yaghishshu naas kutaar.

⁶ Bitasmavu be ḥuruub wa xabar ḥuruub. Shuufu vashaan maa takuunu xaayifiin. Laazim al ḥaajaat di taḥṣal. Wa laakin aaxir ad dunya lissav maa ja.

⁷ Vashaan balad taguum vala balad, wa mamlaka vala mamlaka. Wa bikuunu fih juuv wa zalaazil fi bavḍ al maḥallaat.

⁸ Wa laakin kullu da bidaayat al awjaav.

⁹ Bavdeen hum bisallimuukum le_ḍ ḍiig, wa biktuluukum. Wa kullu naas ad dunya biyakrahuukum vashaan ismi.

¹⁰ Fi_l wakit da, naas kutaar bixallu sikkat ar Rabb, wa bisallimu bavḍahum bavḍ le_l vadu, wa bikrahu_t taanyiin.

¹¹ Wa anbiya kaḍḍaabiin katiiriin biguumu wa yaghishshu katiiriin.

¹² Wa vashaan ash sharr biziid, maḥabbat al katiiriin bitkuun baarda.

¹³ Wa laakin huwa_l bitḥammal lighaayat aaxir ad dunya, huwa bixlaṣ.

¹⁴ Wa bibashshiru be bishaarat al malakuut di fi_d dunya kullaha, vashaan shahaada le kullu naas ad dunya. Wa bavdeen aaxir ad dunya biji.

¹⁵ Vala kida, bitshuufu_l ḥaaja al makruuha_t taxrab, waagfa fi_l maḥall al magaddas. An nabi Daaniyaal itkallam vannu. (Xalli_z zool al yagra al kalaam da yafham!)

¹⁶ Fi_l wakit da xalluuhum al fi Yahuudiyya yahrabu le_j jibaal.

¹⁷ Wa_z zool al bikuun barra min al beet, maa yadxul vashaan yashiil aiya ḥaaja min beetu.

¹⁸ Wa_l fi_z ziraava, maa yarjav le wara vashaan yaaxud hiduumu.

¹⁹ Wa ḥuzn le_l ḥaamiliin wa_l yaraḍḍivu aṭfaalum fi_l aiyaam diik.

²⁰ Wa ṣallu vashaan huruubkum maa bikuun fi_l xariif, wa laa fi_s sabit.

²¹ Vashaan aḍ ḍiig bikuun shadiid xaaliṣ. Maa kaan fih ḍiig zei da min wakit Allaah xalag ad dunya lighaayat hassav. Wa maa bikuun fih taani marra abadan.

²² Iza hu maa gaṣṣar al aiyaam diik maa fih waaḥid yakuun muxallaṣ. Wa laakin vashaan al muxtaariin, al aiyaam diik bitkuun giṣaira.

²³ Fi_l wakit daak, iza aiyi waaḥid biguul leekum, Shuufu! Ahu da_l Masiiḥ! walla, Huwa hinaak! maa taṣaddiguuhu.

²⁴ Vashaan Musaḥa kaḍḍaabiin wa anbiya kaḍḍaabiin biguumu, wa yavmilu valaamaat vaẓiima wa vajaayib, fishaan yaghishshu ḥatta_n naas al muxtaariin, iza da kaan mumkin.

²⁵ Shuufu! gulta leekum gubbaal maa ḥaṣal.

²⁶ Vashaan da, iza hum biguulu leekum, Hu fi_l xala, maa tamrugu. Walla, Ahu da, fi juwwa_l beet da, maa taṣaddigu.

²⁷ Vashaan zei maa al barg yaji min ash sharg wa yalmav le_l gharb, Ibn al insaan biji zei da kamaan.

²⁸ Fi_l maḥall al fiihu jism meyyit, aṣ ṣuguur bilimmu.

²⁹ Ṭawwaali bavd ḍiig al aiyaam diik, Ash shamish bitkuun ḍulumma, wa_l gamar maa biddi nuuru. An nijuum bigavu min as sama, wa guwwaat as sama bithizzu.

³⁰ Wa fi_l wakit daak, valaamat Ibn al insaan bitaẓhar fi_s sama, wa kullu gabaayil ad dunya bibku. Wa bishuufu Ibn al insaan jaai vala saḥaab as sama, be guwwa wa majd vaẓiim.

³¹ Wa hu birassil malaaikatu be buug vindu sooṭ vaali. Wa hum bilimmu muxtaariinu min al arbava arkaan, min ash sharg le_l gharb.

³² Itvallamu_l masal min shajarat at tiin. Lamma furuuva tabtadi takuun xaḍra, wa waraga taṭlav, intu vaarfiin al xariif gariib.

³³ Zei da intu kamaan, lamma tashuufu da kullu, bitavrifu huwa gariib, vala_l baab.

³⁴ Aguul leekum al ḥagg, az zaman da maa bifuut lighaayat maa takuun kullu di.

³⁵ As sama wa_l arḍ bifuutu, wa laakin kalaami maa bifuut abadan.

³⁶ Wa laakin al yoom daak wa_s saava diik maa fih waaḥid yavrifu. Wa laa malaaikat as sama, wa laa_l Ibn, laakin al Abu bass.

³⁷ Wa zei maa kaanat fi aiyaam Nuuḥ, bikuun kida fi_l aiyaam lamma Ibn al insaan biji.

³⁸ Vashaan fi_l aiyaam gubbaal al mooya ghaṭṭat ad dunya, kaanu yaaklu wa yashrabu, yitzawwaju wa yazawwiju, lighaayat al yoom al fiihu Nuuḥ daxal al murkab.

³⁹ Wa maa virfu ḥaaja lighaayat al mooya ghaṭṭat ad dunya wa axad kulluhum. Bikuun zei da lamma Ibn al insaan biji.

⁴⁰ Fi_l wakit da, raajleen bikuunu fi_z ziraava. Biyaaxudu_l waaḥid, wa bixallu_t taani.

⁴¹ Marateen yaṭ‐ḥanu vala_l murḥaaka. Biyaaxudu_l waaḥda, wa bixallu_t taanya.

⁴² Valashaan kida, xallu baalkum, vashaan intu maa vaarfiin al yoom ar Rabb bitaavkum biji.

⁴³ Laakin avrifu da. Iza siid al beet kaan virif as saava al ḥaraami kaan biji fiiha, hu kaan xalla baalu, wa maa xallaahu yadxul beetu be_l guwwa.

⁴⁴ Valashaan kida, kuunu intu kamaan jaahiziin. Vashaan Ibn al insaan biji fi saava intu maa taftakiru.

⁴⁵ Kida, minu huwa_l xaddaam al amiin ash shaaṭir, iza siidu vamalu wakiil vala xaddaamiinu vashaan biddiihum al akil bitaavum fi_l wakit al mazbuuṭ?

⁴⁶ Mubaarak al xaddaam daak, iza siidu bilgaahu yavmil kida lamma biji.

⁴⁷ Aguul leekum al ḥagg, hu biyavmilu wakiil vala kullu maalu.

⁴⁸ Wa laakin iza al xaddaam daak baṭṭaal, hu yaguul fi galbu, Siidi yit’axxar.

⁴⁹ Wa yabtadi yaḍrub al xaddaamiin al bishtaghilu mavaahu, wa yaakul wa yashrab mava_s sakraaniin.

⁵⁰ Wa siid al beet biji fi yoom hu maa yantaẓiru, wa fi saava hu maa yavrifa.

⁵¹ Wa hu yajlidu shadiid, wa yaxuṭṭu mava_l manaafigiin. Hinaak bikuun al bika wa vaḍḍ as sinuun.