Matta 19 - Kitaab al Vahd aj Jadid 1978

AṬ ṬALAAG

¹ Wa lamma Yasuuv kammal al kalaam da, marag min aj Jaliil, wa masha le maḥall al Yahuudiyya, ghaadi_l Urdunn.

² Wa naas katiiriin tibivoohu, wa hu shafaahum hinaak.

³ Wa_l Farriisiyyiin garrabu leehu vashaan yajarribuuhu, wa gaalu, “Al gaanuun bixalli_r raajil yaṭallig maratu le kullu sabab?”

⁴ Radda valeehum wa gaal, “(?) Maa gareetu huwa al xalagum min al bidaaya xalagum raajil wa mara?

⁵ Wa gaal, Vashaan kida, ar raajil bisiib abuuhu wa ummu wa yakuun waaḥid mava maratu, wa_l itneen yabgu jisim waaḥid.

⁶ Kida, hum maa itneen bavd da, laakin jism waaḥid. Valashaan kida, aj jamavu Allaah, maa taxallu insaan yafarrigu.”

⁷ Gaalu leehu, “Le shinu Muusa amar le_r raajil yaddi shahaadat ṭalaag wa yaxalliiha?”

⁸ Gaal leehum, “Muusa addaakum izn taṭalligu niswaankum vashaan guluubkum bigu gawwiyyiin. Wa laakin min al awwal maa kaan zei da.

⁹ Wa aguul leekum, Al biṭallig maratu illa lamma vamalat az zina, wa bitzawwaj mara taanya, hu biyavmil az zina.”

¹⁰ Wa_t talaamiiz gaalu leehu, “Iza kaan al ḥaala been ar raajil wa maratu zei di, aḥsan maa yitzawwaj.”

¹¹ Wa gaal leehum, “Mush kullu_n naas yagdaru yagbalu_l kalaam da, laakin hum al addoohu leehum bass.

¹² Vashaan fih xiṣyaan mawluudiin zei da min buṭuun ummahaatum. Wa fih xiṣyaan xaṣoohum an naas. Wa fih xiṣyaan xaṣu nufuusum fishaan malakuut as sama. Al yagdar yagbal da, xalliihu yagbalu.”

YASUUV WA_L AWLAAD

¹³ Bavdeen gaddamu leehu awlaad vashaan yaxuṭṭ iideehu valeehum wa yaṣalli. Laakin at talaamiiz kallamoohum shadiid.

¹⁴ Laakin Yasuuv gaal, “Xallu_l awlaad yaju leiya, wa maa tamnavuuhum, vashaan malakuut as sama le awlaad zei deel.”

¹⁵ Wa xaṭṭa iideehu foogum wa marag min hinaak.

ASH SHAABB AL GHANI

¹⁶ Wa shuuf! waaḥid garrab leehu wa gaal, “Yaa Muvallim, shinu al ḥaaja al kwaisa al laazim avmila vashaan bikuun vindi_l ḥayaat al abadiyya?”

¹⁷ Wa Yasuuv gaal leehu, “Le shinu tas’alni van al ḥaajaat al kwaisa? Al kwaiyis huwa waaḥid bass. Wa iza vaawiz tadxul al ḥayaat, aḥfaẓ al awaamir.”

¹⁸ Gaal leehu, “Yaatu fi_l awaamir?” Wa Yasuuv gaal, “Maa taktul, maa tazni, maa tasrig, maa tash‐had be_l kizb.

¹⁹ Iḥtarim abuuk wa ummak, wa, Ḥibb jeeraanak zei maa taḥibb nafsak.”

²⁰ Wa_sh shaabb gaal leehu, “Ḥafaẓta kullu di. Shinu naagiṣ leiya bavd da?”

²¹ Wa Yasuuv gaal leehu, “Iza kaan vaawiz takuun tamaam, amshi, wa biiv maalak, w_addi_l guruush minnu le_l masaakiin, wa bikuun vindak kanz fi_s sama. Wa tavaal atbavni.”

²² Wa lamma ash shaabb simiv al kalaam da, marag ḥaziin, vashaan kaan vindu maal katiir.

²³ Wa Yasuuv gaal le talaamiizu, “Al ḥagg, ana baguul leekum, ṣavab le zool ghani ’an yadxul malakuut as sama.

²⁴ Wa ana baguul leekum kamaan, bikuun as‐hal le jamal yadxul fi veen ibra min ’an ghani yadxul malakuut Allaah.”

²⁵ Wa lamma_t talaamiiz simivu_l kalaam da, istaghrabu katiir wa gaalu, “Kaan kida, minu yagdar yaxlaṣ?”

²⁶ Yasuuv vaayan leehum wa gaal leehum, “Da maa mumkin vind an naas, wa laakin vind Allaah kullu shi mumkin.”

²⁷ Bavdeen Buṭrus radda valeehu wa gaal, “Shuuf! xalleena kullu shi wa tibivnaak. Bikuun leena shinu?”

²⁸ Yasuuv gaal leehum, “Al ḥagg ana baguul leekum, fi_z zaman aj jadiid, lamma Ibn al insaan yagvud vala kursi_l malik fi majdu, intu kamaan at tabavtuuni bitagvudu vala iṭnaashar kursi, wa taḥkumu vala gabaayil Israa’iil al iṭnaashar.

²⁹ Wa kullu waaḥid al xalla buyuut walla axwaan walla axwaat walla abu walla umm walla awlaad walla ziraavaat fishaan ismi, hu biyaaxud miyyat marra, wa bitkuun leehu al ḥayaat al abadiyya.

³⁰ Wa laakin katiiriin min an naas al fi_l awwal bikuunu fi_l aaxir, wa katiiriin min an naas al fi_l aaxir bikuunu fi_l awwal.