Matta 18 - Kitaab al Vahd aj Jadid 1978

AL AKBAR FI MALAKUUT AS SAMA

¹ Fi_l wakit daak, at talaamiiz garrabu le Yasuuv wa gaalu, “Minu huwa al akbar fi malakuut as sama?”

² Wa naada leehu walad, wa waggafu fi wasṭum

³ wa gaal, “Al ḥagg aguul leekum, iza maa bitarjavu wa takuunu zei al awlaad, maa bitadxulu malakuut as sama abadan.

⁴ Al yaxuṭṭ nafsu tiḥit zei al walad da, huwa al akbar fi malakuut as sama.

⁵ Wa_l bigbal walad waaḥid zei da b_ismi, bigbalni ana.

⁶ Wa laakin al yakuun sabab al xaṭiyya le waaḥid min al awlaad aṣ ṣughaar deel al biṣaddigu beiya, aḥsan leehu iza yarbuṭu ḥajara murḥaaka kabiira fi ragabtu wa birmuuhu fi_l baḥar, wa bighrag fiihu.

⁷ Ḥuzn le naas ad dunya vashaan al ḥaajaat al beeha an naas bikuunu majarrabiin le_l xaṭiyya. Laazim al ḥaajaat di bitaji, laakin ḥuzn le_z zool al bixalli_l ḥaajaat taji beehu.

⁸ Wa iza kaan iidak walla kuraavak hiya sabab xaṭiyyatak, agṭava wa armiiha minnak. Aḥsan leek tadxul al ḥayaat be kuraav waaḥda walla iid waaḥda min maa yarmuuk fi_n naar al abadiyya wa vindak iideen walla kirveen.

⁹ Wa iza kaan veenak hiya sabab xaṭiyyatak, ṭalliva wa armiiha minnak. Aḥsan leek tadxul al ḥayaat be veen waaḥda min maa yarmuuk fi jahannam an naar wa vindak veeneen.

MASAL AL XARUUF AḌ ḌAALL

¹⁰ Shuufu maa taabu taḥtarimu waaḥid min aṣ ṣughaar deel. Vashaan aguul leekum, fi_s sama, malaaikatum daaiman bishuufu washsh Abuui al fi_s sama.

¹¹ Vashaan Ibn al insaan ja vashaan yaxalliṣ an naas al mawaddariin.

¹² Taftakiru shinu? Iza kaan zool vindu miyyat xaruuf, wa ḍalla waaḥid minnahum, (?) hu maa yaxalli_t tisva wa_t tisviin vala_j jibaal wa yamrug yafattish vala_l waaḥid aḍ ḍaall?

¹³ Wa iza yalgaahu, al ḥagg aguul leekum, hu yafraḥ beehu aktar min at tisva wa_t tisviin al maa ḍallu.

¹⁴ Kida, Abuukum al fi_s sama maa vaawiz waaḥid min aṣ ṣughaar deel yitwaddar.

¹⁵ Iza kaan axuuk yavmil xaṭiyya leek, amshi wa kallimu ghalaṭu beenak wa beenu wa intu baraakum. Kaan bismav leek, inta ḥaṣṣalta vala sharika mava axuuk.

¹⁶ Laakin ’in maa bismav leek, uxud mavaak waaḥid walla itneen taanyiin ḥatta kullu kilma takuun saabita be xashm itneen walla talaata shaahidiin.

¹⁷ Iza yaaba yasmav leehum, kallim al kaniisa. Wa iza yaaba yasmav le_l kaniisa, xalliihu yakuun leekum zei waaḥid min naas ad dunya wa_l bilimmu_ḍ ḍariiba.

¹⁸ Al ḥagg aguul leekum, kull al intu tarbuṭuuhu vala_l arḍ bikuun al kaan marbuuṭ fi_s sama. Wa kull at tafikkuuhu vala_l arḍ bikuun al kaan mafkuuk fi_s sama.

¹⁹ Al ḥagg aguul leekum taani iza itneen minnakum yattafigu vala_l arḍ fi aiyi shi biṭlubuuhu, bikuun leehum min Abuui al fi_s sama.

²⁰ Vashaan fi_l maḥall al itlammu fiihu itneen walla talaata b_ismi, ana bakuun hinaak fi wasiṭum.”

MASAL AL XADDAAM AL MAA VINDU RAḤMA

²¹ Bavdeen, Buṭrus garrab leehu wa gaal, “Yaa Rabb, kam marra baghfir le axuui wa hu yavmil xaṭiyya leiya? Le sabva marraat?”

²² Yasuuv radda valeehu wa gaal, “Aguul leek, maa sabva marraat, laakin sabviin marra sabva marraat.

²³ Valashaan kida, malakuut as sama zei malik kaan daayir yavmil ḥisaab mava xaddaamiinu.

²⁴ Wa lamma ibtada_l ḥisaab, jaabu leehu waaḥid kaan vindu deen aktar min milyoon jineeh.

²⁵ Wa lamma maa kaan yagdar yadfav, siidu amarum yabiivuuhu, huwa wa maratu wa awlaadu wa kullu maalu, vashaan yadfav ad deen.

²⁶ Wa_l xaddaam wagav giddaamu wa ṭalab minnu wa gaal, Yaa saiyid, addiini wakit, w_ana badfav kullu_l maal bitaavak.

²⁷ Wa min raḥmatu, siid al xaddaam daak fakku wa ghafar leehu_d deen.

²⁸ Wa laakin al xaddaam daak, wakit maa kaan yamrug, liga waaḥid min al xaddaamiin al ishtaghal mavaahu, wa hu kaan vindu deen sabva jineeh tagriiban. Wa hu masaku wa biga yaznagu wa gaal leehu, Adfav leiya_d deen.

²⁹ Wa_l xaddaam wagav giddaamu, wa ṭalab minnu wa gaal, Addiini wakit, w_ana badfav leek.

³⁰ Laakin hu aba, wa marag wa xaṭṭaahu fi_s sijin ḥatta bidfav ad deen.

³¹ Wa lamma_l xaddaamiin at taanyiin shaafu_l vamaloohu, kaanu ḥaznaaniin jiddan, wa mashu wa xabbaru siidum be kullu_l ḥikaaya.

³² Bavdeen siidu naadaahu wa gaal leehu, Yaa_l xaddaam ash sharriir, ghafarta leek kull ad deen daak vashaan inta ṭalabta minni.

³³ W_inta kamaan, (?) maa kaan laazim vindak raḥma vala_l xaddaam al bishtaghil mavaak zei maa ana raḥamtak?

³⁴ Wa siidu kaan zavlaan jiddan wa sallamu le_s sajjaaniin lighaayat maa bidfav kullu deenu.

³⁵ Wa kamaan, Abuui biyavmil zei da le kullu waaḥid minnakum iza maa yaghfir le axuuhu min galbu.”