Matta 14 - Kitaab al Vahd aj Jadid 1978

MOOT YUUHANA AL MAVMADAAN

¹ Fi_l wakit daak, Hiiruudus, ra’iis mudiiriyya, simiv be xabar Yasuuv.

² Wa gaal le xaddaamiinu, “Da huwa Yuuḥanna al Mavmadaan. Hu gaam min been al meyyitiin! Da as sabab hu vindu guwwa ’an yavmil al guwwaat di.”

³ Vashaan Hiiruudus masak Yuuḥanna wa rabaṭu wa xaṭṭaahu fi_s sijin fishaan Hiiruudiyya, marat axuuhu Fiilubbus.

⁴ Vashaan Yuuḥanna kaan yaguul leehu, “Maa be_l gaanuun taaxuda leek.”

⁵ Wa lamma kaan vaawiz yaktulu, xaaf min an naas, vashaan hum kaanu yaguulu huwa nabi.

⁶ Wa lamma ja viid miilaad Hiiruudus, bint Hiiruudiyya ragaṣat giddaam an naas, wa Hiiruudus kaan mabsuuṭ minnaha.

⁷ Vashaan da, hu wavad be ḥalaf yaddiiha aiyi shi al hiya bitaṭlub minnu.

⁸ Wa hiya, bavd maa ummaha kallamata, gaalat, “Addiini hina fi ṣiiniyya raas Yuuḥanna al Mavmadaan.”

⁹ Wa_l malik kaan ḥaziin vala da. Laakin vashaan al ḥalaf bitaavu wa ḍuyuufu, amar ’an yadduuhu leeha.

¹⁰ Wa rassal wa gaṭav raas Yuuḥanna fi_s sijin.

¹¹ Wa jaabu raasu fi ṣaḥan wa addoohu le_l bint. Wa hiya shaalatu le ummaha.

¹² Wa talaamiiz Yuuḥanna jo wa axadu jismu wa dafanoohu. Bavdeen mashu wa xabbaru Yasuuv.

YASUUV YADDI AKL LE_L XAMSAT ALAAF

¹³ Wa lamma Yasuuv simiv da, marag min hinaak fi murkab le_l xala baraahu. Wa laakin lamma_n naas simivoohu, tibivoohu vala kuraavum min al bilaad.

¹⁴ Wa lamma Yasuuv wiṣil le_ṭ ṭaraf, shaaf naas kutaar. Wa kaan vindu raḥma fi galbu, wa shafa_l kaanu vaiyaaniin.

¹⁵ Wa lamma biga_l misa, at talaamiiz garrabu leehu wa gaalu, “Al maḥall da xala, wa_l wakit faat. Xalli_n naas yamrugu valashaan yamshu le_l bilaad wa yashtaru akil le nufuusum.”

¹⁶ Laakin Yasuuv gaal leehum, “Maa ḍaruuri hum yamshu. Intu adduuhum akl.”

¹⁷ Wa gaalu leehu, “Vindana hina xamsa rughfaan bass wa samakteen.”

¹⁸ Wa gaal, “Jiibum hina leiya.”

¹⁹ Wa amar an naas yagvudu vala_l geshsh. Bavdeen axad al xamsa rughfaan wa_s samakteen, wa vaayan le_s sama wa baarak, wa kassar ar rughfaan wa addaaha le_t talaamiiz, wa_t talaamiiz addooha le_n naas.

²⁰ Wa kullahum akalu wa kaanu shabvaaniin. Wa rafavu_l baagi min al kisar, iṭnaashar guffa malyaana.

²¹ Wa_n naas al akalu kaanu xamsat alaaf raajil tagriiban, wa kamaan niswaan wa awlaad.

YASUUV YAMSHI VALA_L BAḤAR

²² Wa ṭawwaali, amar at talaamiiz vashaan yadxulu_l murkab, wa yamshu giddaamu le_j jamb at taani, wakit maa yarassil an naas.

²³ Wa bavd maa rassal an naas, ṭalav le_j jabal baraahu vashaan yaṣalli. Wa lamma biga_l misa, kaan hinaak baraahu.

²⁴ Laakin al murkab kaanat masaafa baviida min aṭ ṭaraf, wa mooj al mooya kaanat ṭaḍrub valeeha, vashaan al habuub kaanat ḍidd al murkab.

²⁵ Wa been as saava talaata wa_s saava sitta fi_ṣ ṣabaaḥ, Yasuuv ja leehum maashi vala_l baḥar.

²⁶ Wa lamma at talaamiiz shaafoohu maashi vala_l baḥar, kaanu bixaafu xoof shadiid wa gaalu, “Huwa ruuḥ!” Wa kooraku min al xoof.

²⁷ Laakin ṭawwaali Yasuuv kallamum wa gaal, “Shiddu ḥeelkum. Ana huwa. Maa taxaafu.”

²⁸ Wa Buṭrus radda valeehu wa gaal, “Yaa Rabb, iza da inta, aamurni ’an aji leek vala_l mooya.”

²⁹ Wa Yasuuv gaal, “Tavaal.” Wa Buṭrus nazal min al murkab wa masha vala_l mooya, wa ja le Yasuuv.

³⁰ Laakin lamma shaaf al habuub ash shadiida, xaaf, wa bada yanzil tiḥit fi_l mooya. Wa koorak wa gaal, “Yaa Rabb, xalliṣni.”

³¹ Wa ṭawwaali, Yasuuv madda iidu wa masak beehu, wa gaal leehu, “Yaa galiil al iimaan, le shinu maa ṣaddagta?”

³² Wa lamma daxalu_l murkab, al habuub sakatat.

³³ Wa_l kaanu fi_l murkab vabadoohu wa gaalu, “Be_l ḥagg, inta Ibn Allaah.”

³⁴ Wa lamma gaṭavu_l baḥar, jo le arḍ Janiisaarat.

³⁵ Wa lamma naas al makaan da virfoohu, rassalu_l xabar le kull al maḥall daak wa jaabu leehu kull al vaiyaaniin,

³⁶ wa ṭalabu leehu yaxalli_l vaiyaaniin yalmasu ṭarf toobu bass. Wa kull al lamasoohu bigu ṭaiyibiin.