Matta 10 - Kitaab al Vahd aj Jadid 1978

YASUUV YARASSIL AL IṬNAASHAR

¹ Wa naada talaamiizu_l iṭnaashar wa addaahum sulṭa vashaan yaṭallivu_l arwaaḥ an najisa wa yashfu kullu maraḍ wa kullu vaya.

² Ahum deel usuum al iṭnaashar rasuul: al awwal, Simvaan as sammoohu Buṭrus, wa Andaraawus axuuhu. Wa Yavkuub, ibn Zabadi, wa Yuuḥanna axuuhu.

³ Fiilubbus wa Bartuulamaawus. Tuuma, wa Matta al kaan bilimm aḍ ḍariiba. Yavkuub ibn Ḥalfa, wa Taddaawus.

⁴ Simvaan al Kaanuuni, wa Yahuuza_l Isxariyuuṭi as sallamu le vudwaanu.

⁵ Al iṭnaashar deel, Yasuuv rassalum wa amarum wa gaal, “Maa tamshu le naas ad dunya, wa laa tadxulu aiya balad bitaavat as Saamiriyyiin.

⁶ Wa laakin bidaalu, amshu le_l xirfaan al itwaddaru min beet Israa’iil.

⁷ Wa wakit maa intu maashiin, bashshiru wa guulu, Malakuut as sama garrab.

⁸ Ashfu_l vaiyaaniin, gawwimu_l meyyitiin, naḍḍifu_l vindahum aj jizaam, ṭallivu_sh sheyaaṭiin. Axadtu majjaanan, addu majjaanan.

⁹ Maa taaxudu dahab walla fiḍḍa walla naḥaas mavaakum,

¹⁰ Walla kiis le_s safar, walla toobeen, walla jizam, walla vaṣaaya. Vashaan ash shaghghaal mustaḥigg aklu.

¹¹ Wa aiya madiina walla ḥilla daxaltuuha fattishu vala zool mustaḥigg, w_agvudu fi beetu lighaayat maa tamrugu.

¹² Wa lamma tadxulu_l beet, sallimu valeehu.

¹³ Wa iza ahl al beet mustaḥiggiin, xalli salaamkum yastanna valeehu. Wa laakin iza maa mustaḥiggiin, xalli salaamkum yarjav leekum.

¹⁴ Wa ’in kaan aiyi zool maa yagbalkum, walla yasmav kalaamkum, aṭlavu barra min al beet da walla min al madiina diik wa hizzu_t turaab min rijleekum.

¹⁵ Be_l ḥagg aguul leekum, fi yoom al ḥukm, ḥaalat Saduum wa Vamuura bitkuun aḥsan min ḥaalat al madiina diik.

¹⁶ Shuuf! Arassilkum zei xirfaan fi wasṭ marfaviin. Vashaan kida, kuunu shaaṭriin zei ad dabaayib wa laakin busaṭaa zei al ḥamaam.

¹⁷ Laakin xallu baalkum min an naas, vashaanum bisallimuukum le_l majaalis, wa bijliduukum fi biyuut ar Rabb bituuvum,

¹⁸ wa bisuuguukum giddaam mudiiriin wa muluuk fishaanni ana, vashaan tash‐hadu giddaamum wa giddaam naas ad dunya.

¹⁹ Wa lamma yasallimuukum, maa tafakkiru katiir keef titkallamu walla bitguulu shinu. Vashaan fi_s saava diik, biddi leekum al bitkallamu beehu.

²⁰ Vashaan maa intu_l bitkallamu, laakin Ruuḥ Abuukum, huwa_l bitkallam fiikum.

²¹ Al axu bisallim axuuhu le_l moot, wa_l abu, waladu. Wa_l awlaad biguumu vala waalideehum wa yaktuluuhum.

²² Wa kullu_n naas bikrahuukum vashaan ismi. Laakin al bishidd ḥeelu le_l aaxir, huwa bixlaṣ.

²³ Wa lamma yaṭruduukum min al madiina di, ajru le_t taanya. Al ḥagg aguul leekum, intu maa bitamshu le kullu bilaad Israa’iil gubbaal maa yaji Ibn al insaan.

²⁴ At tilmiiz maa aḥsan min al muvallim, walla_l xaddaam aḥsan min siidu.

²⁵ Kifaaya le_t tilmiiz ’an yakuun zei muvallimu, wa_l xaddaam zei siidu. Iza kaan sammu rabb al beet Bavlazabuul, keef be_l aktar naas beetu.

²⁶ Kida, maa taxaafuuhum. Maa fih ḥaaja magfuula al maa bitkuun maftuuḥa, wa laa madsuusa al maa bitkuun mavruufa.

²⁷ Al baguul leekum fi_ḍ ḍulumma, guuluuhu fi_n nuur. Wa_t tasmavuuhu fi_l aḍaan, naadu beehu foog al biyuut.

²⁸ Wa maa taxaafu min al yaktulu_j jisim wa laakin maa yagdaru yaktulu_n nafs. Laakin xaafu min al yagdar yaktul an nafs wa_j jisim, hum al itneen, fi jahannam.

²⁹ (?) Maa bibiivu ṭeereen ṣughaar be milliim? Wa laa waaḥid minnahum bigav vala_l arḍ biduun mavrifat Abuukum.

³⁰ Wa laakin intu, vadad shavraat ruseekum kullaha mavruuf.

³¹ Vala kida, maa taxaafu. Intu aḥsan min ṭuyuur katiira.

³² Kida, kull al bish‐had beiya giddaam an naas, ana kamaan bash‐had beehu giddaam Abuui al fi_s sama.

³³ Laakin al binkirni giddaam an naas, ana kamaan bankiru giddaam Abuui al fi_s sama.

³⁴ Maa taftakiru ana jiit vashaan ajiib salaam vala_l arḍ. Maa jiit vashaan ajiib salaam, laakin seef.

³⁵ Fishaan ana jiit vashaan afarrig al insaan min abuuhu, wa_l bint min ummaha, wa marat al walad min nasiibata.

³⁶ Wa vudwaan al insaan bikuun ahl beetu.

³⁷ Al biḥibb abuuhu walla ummu aktar minni maa mustaḥiggni. Wa_l biḥibb waladu walla bintu aktar minni maa mustaḥiggni.

³⁸ Wa_l maa biyaaxud ṣaliibu wa yatbavni maa mustaḥiggni.

³⁹ Al biḥfaẓ nafsu biwaddira, wa_l biwaddir nafsu vashaanni biḥfaẓa.

⁴⁰ Al bigbalkum bigbalni, wa_l bigbalni bigbal ar rassalni.

⁴¹ Al bigbal nabi b_ism nabi, bigbal ujrat nabi. Wa_l bigbal az zool al baarr b_ism zool baarr, bigbal ujrat zool baarr.

⁴² Wa aiyi waaḥid al biddi le waaḥid min aṣ ṣughaar deel kubbaayat mooya baarda bass, b_ism tilmiiz, al ḥagg aguul leekum, hu maa yawaddir ujratu abadan.”