Matta 1 - Kitaab al Vahd aj Jadid 1978

¹ Kitaab miilaad Yasuuv al Masiiḥ walad Daawuud, walad Ibraahiim.

ḤISAAB AJYAAL YASUUV

² Ibraahiim walad Is‐ḥaag, wa Is‐ḥaag walad Yavkuub, wa Yavkuub walad Yahuuda wa axwaanu.

³ Wa Yahuuda walad Faariṣ wa Zaaraḥ min Taamaar. Wa Faariṣ walad Ḥasruun, wa Ḥasruun walad Araam.

⁴ Wa Araam walad Vamminadaab. Wa Vamminadaab walad Naḥshuun, wa Naḥshuun walad Salmuun,

⁵ wa Salmuun walad Buuvaz min Raaḥaab. Wa Buuvaz walad Vuubiid min Raavuut, wa Vuubiid walad Yassa,

⁶ wa Yassa walad Daawuud al malik. Wa Daawuud walad Suleemaan min marat Uuriyya.

⁷ Wa Suleemaan walad Raḥabvaam, wa Raḥabvaam walad Abiyya, wa Abiyya walad Aasa.

⁸ Wa Aasa walad Yahuushafaaṭ, wa Yahuushafaaṭ walad Yuuraam, wa Yuuraam walad Vuzziyya.

⁹ Wa Vuzziyya walad Yuutaam, wa Yuutaam walad Aḥaaz, wa Aḥaaz walad Ḥizgiyya.

¹⁰ Wa Ḥizgiyya walad Manassa, wa Manassa walad Aamuun, wa Aamuun walad Yuushiyya.

¹¹ Wa Yuushiyya walad Yakunya wa axwaanu, wakit maa shaaloohum le Baabil.

¹² Wa bavd maa shaaloohum le Baabil, Yakunya walad Sha’alti’iil, wa Sha’alti’iil walad Zarubbaabil,

¹³ wa Zarubbaabil walad Abihuud, wa Abihuud walad Aliyaagim, wa Aliyaagim walad Vaazuur.

¹⁴ Wa Vaazuur walad Ṣaaduug, wa Ṣaaduug walad Axiim, wa Axiim walad Aliyuud.

¹⁵ Wa Aliyuud walad Alivaazar, wa Alivaazar walad Mattaan, wa Mattaan walad Yavkuub.

¹⁶ Wa Yavkuub walad Yuusif, raajil Maryam, al minnaha kaan mawluud Yasuuv al ismu_l Masiiḥ.

¹⁷ Vala kida, kull al agsaam min Ibraahiim le Daawuud kaanu arbavṭaashar gism, wa min Daawuud lighaayat al wakit ash shaaloohum le Baabil, arbavṭaashar gism, wa min al wakit ash shaaloohum le Baabil lighaayat maa ja al Masiiḥ, arbavṭaashar gism.

WILAADAT YASUUV

¹⁸ Wa miilaad Yasuuv al Masiiḥ kaan zei da: Lamma Yuusif kaan vamal at tartiib vashaan yitzawwaj Maryam, gubbaal maa itlammu, hi bigat ḥaamil min ar Ruuḥ al Gudus.

¹⁹ Wa raajila, Yuusif, al kaan vadiil, wa maa raḍyaan ’an yavmila xajlaana, kaan vaawiz yaxalliiha be_s sirr.

²⁰ Laakin, wakit maa kaan yafakkir fi da, shuuf! malaak ar Rabb ja leehu fi ḥilim, wa gaal, “Yaa Yuusif, ibn Daawuud, maa taxaaf taaxud maratak Maryam, valashaan al hiya ḥimlat beehu, huwa min ar Ruuḥ al Gudus.

²¹ Wa hiya bitalid walad, wa inta bitsammiihu Yasuuv, valashaan hu bixalliṣ an naas bitaavu min xaṭaayaahum.”

²² Wa kullu da kaan valashaan yatimm al kalaam ar Rabb gaal be_n nabi,

²³ “Shuufu! al bint al maa virfat raajil bitaḥmal wa bitalid walad, wa yakuun ismu Vammaanuu’iil,” da yavni, Allaah mavaana.

²⁴ Wa lamma Yuusif gaam min an noom, vamal zei maa malaak ar Rabb amaru, wa axad maratu.

²⁵ Wa hu maa virifa zei zoojatu lighaayat maa Maryam wildat walada. Wa hu sammaahu Yasuuv.