Markus 9 - Kitaab al Vahd aj Jadid 1978

¹ Wa gaal leehum, “Aguul leekum al ḥagg, bavḍ min an naas al waagfiin hina maa biḍuugu_l moot lighaayat maa bishuufu malakuut Allaah jaai be guwwa.”

AT TAGHYIIR ALMAJIID

² Wa bavd sittat aiyaam, Yasuuv axad mavaahu Buṭrus wa Yavkuub wa Yuuḥanna. Wa ṭalav beehum le jabal vaali baraahum. Wa shaklu itghayyar giddaamum.

³ wa hiduumu biga abyaḍ, laamiv jiddan, maa fih waaḥid fi_d dunya yagdar yavmilu abyaḍ zei da!

⁴ Wa ẓahar leehum Iiliyya wa Muusa, wa kaanu yitkallamu mava Yasuuv.

⁵ Wa Buṭrus radda wa gaal le Yasuuv, “Yaa Saiyid, Kwaiyis leena nakuun hina. Xalluuna naṣnav talaata xiyaam, waaḥda leek, wa waaḥda le Muusa, wa waaḥda le Iiliyya.”

⁶ Vashaan hu maa virif yaguul shinu, valashaan hum kaanu xaayifiin jiddan.

⁷ Wa saḥaaba ghaṭṭatum, wa ṣoot ja min as saḥaaba wa gaal, “Da huwa Ibni_l ḥabiib. Asmavu leehu.”

⁸ Wa vala ghafla lamma vaayanu ḥawaleehum, hum maa shaafu aiyi waaḥid mavaahum bavd da illa Yasuuv bass.

⁹ Wa wakit maa kaanu naaziliin min aj jabal, amarum maa yaxabbiru aiyi waaḥid be_l hum shaafoohu, lighaayat maa Ibn al insaan gaam min been al meyyitiin.

¹⁰ Vashaan kadi, ḥafaẓu_l kalaam le nufuusum, wa kaanu yas’alu bavḍahum le bavḍ mavnat al giyaama min been al meyyitiin.

¹¹ Wa sa’aloohu, “Le shinu muvallimiin al gaanuun biguulu Iiliyya laazim biji fi_l awwal?”

¹² Wa gaal leehum, “Ṣaḥiiḥ, Iiliyya yaji fi_l awwal wa birajjiv kullu shi. Wa keef maktuub van Ibn al insaan, ’innu yitvazzab katiir, wa yakuun marfuuḍ?

¹³ Laakin aguul leekum, Iiliyya ja be_l ḥagg, wa_n naas vamalu beehu zei maa daaru, zei maa maktuub vannu.”

SHIFA AL WALAD AL MITVAZZAB

¹⁴ Wa lamma hum jo le_t talaamiiz at taanyiin, shaafu naas kutaar ḥawaleehum, wa muvallimiin al gaanuun yitkallamu mavaahum.

¹⁵ Wa ṭawwaali kull an naas lamma shaafoohu, istaghrabu, wa jaru leehu wa sallamu valeehu.

¹⁶ Wa hu sa’alum wa gaal, “Titkallamu mavaahum van shinu?”

¹⁷ Wa waaḥid min an naas radda valeehu wa gaal, “Yaa Muvallim, jibta leek waladi, vashaan vindu ruuḥ abkam.

¹⁸ Wa fi kullu maḥall ar ruuḥ yamsiku, yarmiihu le_l arḍ. Wa hu yazabbid, wa yavuḍḍ asnaanu, wa yabga yaabis. Wa ṭalabta le talaamiizak ’an yaṭallivuuhu, laakin maa gidru.”

¹⁹ Wa radda valeehum wa gaal, “Yaa naas az zaman al biduun iimaan, bakuun mavaakum le miteen? Baṣbur valeekum le miteen? Jiibuuhu leiya.”

²⁰ Wa gaddamu leehu_l walad. Wa lamma_r ruuḥ shaaf Yasuuv, ṭawwaali rama_l walad, wa hu wagav vala_l arḍ, wa iddardag, wa itzabbad.

²¹ Wa Yasuuv sa’al abuuhu wa gaal, “Min miteen hu kaan kida?” Wa gaal, “Min al wakit al huwa kaan ṣaghaiyir.

²² Wa marraat katiira ramaahu fi_n naar wa fi_l mooya vashaan yaxrabu. Laakin iza tagdar tavmil ḥaaja, arḥamna wa saavidna.”

²³ Wa Yasuuv gaal leehu, “Taguul, Iza tagdar! Kullu shi mumkin le_z zool al biṣaddig.”

²⁴ Wa ṭawwaali abu_l walad koorak wa gaal, “Ana baṣaddig. Saavidni fi ḍuvf iimaani.”

²⁵ Wa lamma Yasuuv shaaf an naas yaju jaariyiin sawa, wabbax ar ruuḥ an najis, wa gaal leehu, “Yaa_r ruuḥ al abkam al aṭrash, ana baddiik amr aṭlav minnu, wa laa tadxulu marra taanya abadan.”

²⁶ Wa koorak, wa ramaahu be shidda, wa ṭalav minnu. Wa_l walad kaan zei al meyyit, wa valashaan kadi, katiir min an naas gaalu, “Hu maat.”

²⁷ Wa laakin Yasuuv masaku be iidu, wa rafavu, wa hu gaam.

²⁸ Wa lamma daxal le beet, talaamiizu sa’alu wa hum baraahum, wa gaalu, “Niḥna maa gidirna naṭallivu le shinu?”

²⁹ Wa gaal leehum, “Maa mumkin yaṭallivu_n nuuv da illa be_ṣ ṣala wa_ṣ ṣoom.”

³⁰ Wa maragu min hinaak wa marru be_j Jaliil. Wa hu maa kaan daayir waaḥid yavrif huwa ween,

³¹ vashaan kaan yavallim talaamiizu wa yaguul leehum, “Ibn al insaan yasallimuuhu le iideen an naas. Wa hum biyaktuluuhu. Wa lamma yaktuluuhu, biguum bavd talaatat aiyaam.”

³² Wa laakin maa fihmu kalaamu, wa xaafu yas’aluuhu.

MINU AL AKBAR

³³ Wa jo le Kafranaaḥuum. Wa lamma Yasuuv kaan fi_l beet, sa’alum wa gaal, “Kuntu titkallamu mava bavḍ fi_s sikka van shinu?”

³⁴ Wa sakatu, vashaan kaanu yitkallamu fi_s sikka bavḍahum mava bavḍ, fi minu huwa_l akbar minnahum.

³⁵ Wa hu gannab, wa naada_l iṭnaashar, wa gaal leehum, “Iza waaḥid vaawiz yabga_l awwalaani, laazim yabga aaxir al kull wa xaddaam le_l kull.”

³⁶ Bavdeen axad walad, wa waggafu fi wasiṭum. Wa ḥaḍanu, wa gaal leehum,

³⁷ “Al yagbal waaḥid min al awlaad zei da fishaan ismi, yagbalni. Wa_l yagbalni, maa yagbalni, laakin huwa ar rassalni.”

³⁸ Yuuḥanna gaal leehu, “Yaa Muvallim, shufna waaḥid yaṭalliv sheyaaṭiin be ismak, wa manavnaahu, vashaan maa yatbavna.”

³⁹ Laakin Yasuuv gaal, “Maa tamnavuuhu. Maa fih waaḥid yavmil be guwwa b_ismi wa ṭawwaali yagdar yaguul valeiya ash sharr.

⁴⁰ Vashaan al maa valeena, huwa mavaana.

⁴¹ Aguul leekum al ḥagg, al biddiikum kubbaaya mooya b_ismi vashaan intu bituuv al Masiiḥ, hu maa yawaddir ujratu.

⁴² Wa_l yakuun sabab al xaṭiyya le waaḥid min aṣ ṣughaar deel al biṣaddigu beiya, aḥsan leehu iza rabaṭu murḥaka fi ragabtu wa ramoohu fi_l baḥar.

⁴³ Wa iza iidak sabab xaṭiyyatak, agṭava.

⁴⁴ Aḥsan leek tadxul al ḥayaat be iid waaḥda min ’an tamshi le jahannam le_n naar al maa bitmuut, wa vindak iideen.

⁴⁵ Wa iza kuraavak sabab xaṭiyyatak, agṭava.

⁴⁶ Aḥsan leek tadxul al ḥayaat avraj min ’an yarmuuk fi_j jahannam wa vindak kirveen.

⁴⁷ Wa iza veenak sabab xaṭiyyatak, ṭalliva. Aḥsan tadxul malakuut Allaah be veen waaḥda min ’an yarmuuk fi jahannam wa vindak veeneen,

⁴⁸ fi_l makaan al fiihu duudum maa bimuut, wa_n naar maa bitmuut.

⁴⁹ Vashaan kullu waaḥid bitmallaḥ be_n naar.

⁵⁰ Al miliḥ kwaiyis. Laakin iza_l miliḥ yabga masiix, keef tarajjivu leehu ḍoogu? Xalli yakuun leekum miliḥ fi nufuuskum, wa yakuun fih salaam beenkum.”