Markus 8 - Kitaab al Vahd aj Jadid 1978

YASUUV YADDI AKL LE_L ARBAV ALAAF

¹ Wa fi_l aiyaam deelaak, naas kutaar itlammu, wa maa kaan vindahum akil. Wa Yasuuv naada talaamiizu wa gaal leehum,

² “Aḥanni vala_n naas, vashaan hum gaavidiin mavaai talaata aiyaam hassav, wa maa vindahum akil.

³ Wa iza arassilum le buyuutum wa hum javaaniin, bigavu fi_s sikka. Wa bavḍ minnahum jo min baviid.”

⁴ Wa talaamiizu gaalu leehu, “Keef waaḥid yalga veesh kifaaya le_n naas deel vashaan bikuunu shabvaaniin hina fi_l xala?”

⁵ Wa sa’alum wa gaal, “Vindakum kam raghiif?” Wa gaalu, “Sabva.”

⁶ Wa amar an naas yagvudu fi_l waaṭa. Wa axad as sabva rughfaan. Wa bavd maa shakar, kassarum, wa addaahum le talaamiizu fishaan yagaddimu le_n naas.

⁷ Wa kaan vindahum shwaiya min samak ṣaghaiyir. Wa bavd maa baarakum, amar ’an yagaddimu_s samak kamaan.

⁸ Wa akalooha, wa kaanu shabvaaniin. Wa rafavu min faḍlat al akil sabva gufaf malyaana.

⁹ Wa_n naas al akalu kaanu arbavat alaaf tagriiban.

¹⁰ Wa bavdeen ṣarafum. Wa ṭawwaali daxal murkab mava talaamiizu, wa masha le gism Dalmanuuta.

¹¹ Wa_l Farriisiyyiin jo wa ibtadu yas’aluuhu, wa ṭalabu minnu valaama min as sama, vashaan yajarribuuhu.

¹² Wa Yasuuv itnaffas shadiid fi nafsu, wa gaal, “Naas az zaman da yaṭlub valaama le shinu? Aguul leekum al ḥagg, maa yaddu valaama le naas az zaman da.”

¹³ Wa xallaahum, wa daxal al murkab marra taanya, wa masha le_ṭ ṭarf at taani.

¹⁴ Wa_t talaamiiz nisu yaaxudu_l veesh. Wa maa kaan vindahum fi_l murkab illa raghiif waaḥid.

¹⁵ Wa hu ḥazzarum wa gaal, “Xallu baalkum, wa aḥrasu min xamiirat al Farriisiyyiin wa xamiirat Hiiruudus.”

¹⁶ Wa itkallamu bavḍahum le bavḍ wa gaalu, “Maa vindana veesh.”

¹⁷ Wa Yasuuv virif kalaamum wa gaal leehum, “Le shinu titkallamu valashaan maa vindakum veesh? Intu lissav maa tashuufu walla tafhamu? Guluubkum gawwiyyiin?

¹⁸ Leekum vuyuun wa maa tashuufu? Wa vindakum iḍneen wa maa tasmavu? Wa maa titzakkaru?

¹⁹ Lamma kassarta_l xamsa rughfaan le_l xamsat alaaf, rafavtu kam guffa malyaana min ḥitat al akil?” Gaalu leehu, “Iṭnaashar.”

²⁰ “Wa lamma kassarta_s sabva rughfaan le_l arbavat alaaf, rafavtu kam guffa malyaana min baagi_l akil?” Wa gaalu leehu, “Sabva.”

²¹ Gaal leehum, “Lissav maa tafhamu?”

²² Wa jo le Beetṣaida. Wa jaabu leehu waaḥid vamyaan, wa ṭalabu minnu yalmasu.

²³ Wa axad al vamyaan be iidu, wa gaadu barra min al ḥilla. Wa bavd maa bazag fi veenu, wa xaṭṭ iideehu valeehu, sa’alu wa gaal, “Inta tashuuf ḥaaja?”

²⁴ Wa vaayan le foog, wa gaal, “Ashuuf an naas, laakin zei ash shajar maashiin.”

²⁵ Bavdeen xaṭṭ iideehu vala veeneehu marra taanya. Wa hu vaayan shadiid, wa naẓaru rajav, wa hu shaaf kullu shi tamaam.

²⁶ Wa rassalu le beetu, wa gaal, “Maa tadxul al ḥilla abadan.”

IVTIRAAF BUṬRUS BE_L MASIIḤ

²⁷ Wa Yasuuv marag, huwa wa talaamiizu, le ḥilal Geeṣariyya Fiilibbus. Wa wakit maa kaanu fi_s sikka, sa’al talaamiizu wa gaal, “An naas biguulu ana minu?”

²⁸ Wa gaalu leehu, “Biguulu Yuuḥanna al Mavmadaan, wa taanyiin biguulu, Iiliyya, wa taanyiin biguulu, waaḥid min al anbiya.”

²⁹ Wa sa’alum, “Wa intu bitguulu ana minu?” Wa Buṭrus radda valeehu wa gaal, “Inta_l Masiiḥ.”

³⁰ Wa Yasuuv ḥazzarum ’an maa yakallimu aiyi zool vannu.

YASUUV YAVALLIM VAN MOOTU

³¹ Wa hu ibtada yavallimum ’an Ibn al insaan laazim yitvazzab katiir, wa_sh shuyuux, wa_l gusus al kubaar, wa muvallimiin al gaanuun biyarfuḍuuhu, wa yaktuluuhu. Wa bavd talaata aiyaam hu biguum.

³² Wa kaan yaguul da be kalaam baayin. Wa Buṭrus axadu leehu, wa ibtada yawabbixu.

³³ Wa Yasuuv itlafat wa vaayan le talaamiizu, wa wabbax Buṭrus wa gaal, “Amshi baviid minni, yaa_sh Sheeṭaan! Vashaan inta maa tahtamm be ḥaajaat Allaah, laakin be ḥaajaat an naas.”

³⁴ Wa naada leehu_n naas mava talaamiizu, wa gaal leehum, “Iza aiyi waaḥid vaawiz yaji waraai, xalliihu yankir nafsu, wa yashiil ṣaliibu, wa yatbavni.

³⁵ Vashaan huwa_d daayir yaxalliṣ nafsu, biḍayyiva. Wa huwa_l yaḍayyiv nafsu fishaanni ana, wa fishaan al injiil, bixalliṣa.

³⁶ Vashaan al faaida shinu le zool iza yaḥaṣṣil vala_d dunya kullaha, wa yaxassir nafsu?

³⁷ Wa_z zool bigdar yaddi shinu fidaa van nafsu?

³⁸ Az zool al bikuun xajlaan minni, wa min kalaami been naas az zaman az zaani_l xaaṭi da, Ibn al insaan bikuun xajlaan minnu kamaan, lamma biji fi majd Abuuhu mava_l malaaika_l magaddasiin.”