Markus 7 - Kitaab al Vahd aj Jadid 1978

NADḌIIF WA MAA NAḌIFF

¹ Wa_l Farriisiyyiin itlammu leehu, hum wa bavḍ min muvallimiin al gaanuun aj jo min Uurushaliim.

² Wa shaafu bavḍ min talaamiizu yaakulu veesh be iid wasxaana, yavni biduun maa yaghassilu iideehum.

³ Valashaan al Farriisiyyiin wa kull al Yahuud maa yaakulu illa yaghassilu iideehum ḥatta_l kuuveen, vashaan yaḥfaẓu vaadat ash shuyuux.

⁴ Wa lamma biju min as suug, maa yaakulu iza maa yitghassalu fi_l awwal. Wa yaḥfaẓu vawaayid taanya katiira: zei ghasiil al kubbaayaat, wa_l buraam, wa ḥilal an naḥaas.

⁵ Wa_l Farriisiyyiin wa muvallimiin al gaanuun sa’aloohu wa gaalu, “Le shinu talaamiizak maa biviishu be vaadat ash shuyuux? Wa laakin badal min da yaaklu veesh be iid wasxaana?”

⁶ Wa gaal leehum, “Nubuwwat Ishavyaa kaanat maẓbuuṭa lamma itnabba vankum, intu_l manaafigiin, zei maa maktuub: An naas deel yaḥtarimuuni be xushuumum, wa laakin guluubum baviidiin minni.

⁷ Yavbuduuni biduun faaida, Wa yavallimu tavaaliim awaamir an naas.

⁸ Intu taxallu amr Allaah, wa taḥfaẓu vaadat an naas.”

⁹ Wa gaal leehum, “Vindakum tartiib kwaiyis ’an tarfuḍu amr Allaah valashaan taḥfaẓu vaadatkum!

¹⁰ Vashaan Muusa gaal, Iḥtarim abuuk wa ummak, wa, Al yashtim abuuhu walla ummu, xalliihu yamuut al moot.

¹¹ Laakin intu taguulu, Iza waaḥid yaguul le abuuhu walla ummu, Al faaida al kaan vindak minni, hiya tagdima, Yavni hadiyya le Allaah,

¹² intu maa taxalluuhu yavmil ḥaaja le abuuhu aw ummu bavd da.

¹³ Wa intu tabaṭṭilu kalaam Allaah be vaadatkum al intu xabbartu_n naas beehu. Wa intu tavmilu ḥaajaat katiira zei di.”

¹⁴ Wa naada leehu_n naas marra taanya, wa gaal leehum, “Asmavu leiya kullukum, w_afhamu.

¹⁵ Maa fih ḥaaja barra min al insaan iza tadxul fiihu tagdar tanajjisu. Laakin al ḥaajaat at tamrug min al insaan, hiya tanajjisu.

¹⁶ Iza waaḥid vindu iḍneen le_s samav, xalliihu yasmav.”

¹⁷ Wa lamma Yasuuv xalla_n naas wa daxal al beet, talaamiizu sa’aloohu van al masal.

¹⁸ Wa gaal leehum, “Intu kamaan maa faahmiin? Maa tafhamu al yadxul al insaan min barra maa bigdar yanajjisu?

¹⁹ Vashaan maa yadxul galbu, laakin baṭnu, wa yaṭlav min jismu.” Wa be_l kalaam da, xabbar an naas ’innu kull al akil naḍiif.

²⁰ Wa gaal, “Al yamrug min al insaan, huwa_l yanajjis al insaan.

²¹ Vashaan min juwwa, min guluub an naas, bitamrug al afkaar ash sharriira, wa_l fujuur, wa_s sirga, wa_l katl, wa_z zina,

²² wa_ṭ ṭamav, wa_sh sharr, wa_l ghishsh, wa_s safaaḥa, wa_l veen ash sharriira, wa_l kiḍib vala zool, wa_l kibir, wa_l vamal al baliid.

²³ Kull al ḥaajaat ash sharriira di tamrug min juwwa_z zool, wa tanajjisu.”

IIMAAN AL MARA MIN NAAS GRIIGI

²⁴ Wa Yasuuv gaam min hinaak, wa masha le maḥall Ṣuur wa Ṣeedaa. Wa daxal fi beet, wa maa kaan vaawiz aiyi waaḥid yavrif. Laakin maa gidir yakuun madsuus minnahum.

²⁵ Laakin ṭawwaali, mara simivat vannu, wa leeha bint ṣaghaira fiiha ruuḥ najis. Wa_l mara jaat wa wagavat giddaam kirveehu.

²⁶ Wa hiya kaanat mara min naas Griigi, jinsa Fiiniigiyya Suuriyya. Wa ṭalabat minnu yaṭalliv ash sheeṭaan min binta.

²⁷ Wa gaal leeha, “Xalli_l awlaad biyashbavu fi_l awwal, vashaan maa kwaiyis yaaxud veesh al awlaad wa yarmiihu le_l kilaab aṣ ṣughaar.”

²⁸ Laakin hiya raddat wa gaalat leehu, “Aiwa, yaa Rabb, laakin al kilaab tiḥit aṭ ṭarabeeza yaaklu min fatafiit al awlaad.”

²⁹ Wa gaal leeha, “Vashaan al kilma di, amshi. Ash sheeṭaan ṭalav min bintik.”

³⁰ Wa mashat le beeta wa ligat al bint raagda foog al vangareeb, wa_sh sheeṭaan kaan marag.

³¹ Bavd shwaiya, Yasuuv marag min maḥall Ṣuur, wa masha be darib Ṣeedaa le Baḥar aj Jaliil, fi wasṭ maḥall al Mudun al Vashara.

³² Wa jaabu leehu raajil aṭrash, wa ṣavb leehu yitkallam. Wa ṭalabu minnu yaxuṭṭ iidu valeehu.

³³ Wa axadu min aj jamaava baraahu, wa xaṭṭ aṣaabivu fi iḍneehu, wa bazag, wa lamas lisaanu.

³⁴ Wa vaayan le_s sama, wa itnaffas, wa gaal leehu, “Iffata,” yavni, “Kuun maftuuḥ.”

³⁵ Wa iḍneehu bigu maftuuḥa, wa lisaanu itfakka, wa hu biga yitkallam mazbuuṭ.

³⁶ Wa amarum maa yakallimu waaḥid. Laakin be gadur maa amarum, hum kaanu yaxabbiru_n naas ziyaada be katiir.

³⁷ Wa_n naas kaanu bistaghrabu jiddan jiddan, wa gaalu, “Hu vamal kullu shi tamaam. Hu yavmil aṭ ṭurush yasmavu wa_l bukum yitkallamu!”