Markus 6 - Kitaab al Vahd aj Jadid 1978

NABI BIDUUN IḤTIRAAM

¹ Wa marag min hinaak wa ja le waṭanu. Wa talaamiizu tabavoohu.

² Wa lamma kaan yoom as sabit, ibtada yavallim fi beet ar Rabb. Wa naas kutaar lamma simivoohu, istaghrabu wa gaalu, “Ar raajil da itvallam kullu da min ween? Shinu al ḥikma al addooha leehu? ḥatta yagdar yavmil al avmaal al gawwiyya di be iidu!

³ Da maa huwa an najjaar? walad Maryam, wa axu Yavkuub, wa Yuusi, wa Yahuuza, wa Simvaan? Wa axwaatu maa hina mavaana?” Wa bigu zavlaaniin minnu.

⁴ Wa Yasuuv gaal leehum, “Maa fih nabi biduun iḥtiraam illa fi waṭanu wa been agaaribu wa fi beetu.”

⁵ Wa hu maa gidir yavmil vamal be guwwa wa laa waaḥid hinaak, illa hu xaṭṭ iideehu vala naas vayaaniin galiiliin wa shafaahum.

⁶ Wa hu istaghrab vashaan hum kaanu biduun iimaan. Wa masha min ḥilla le ḥilla wa vallam an naas.

⁷ Wa naad_l iṭnaashar wa biga yarassilum itneen itneen. Wa addaahum sulṭa vala_l arwaaḥ an najisa.

⁸ Wa amarum maa yashiilu ḥaaja le_s safar illa vaṣaaya bass, laa veesh, wa laa kiis, wa laa guruush fi ḥizaamum.

⁹ Laakin amarum yalbasu jizaam, wa maa yalbasu gamiiṣeen.

¹⁰ Wa gaal leehum, “Al beet al intu tadxuluuhu, agvudu fiihu lighaayat maa tamrugu min al maḥall da.

¹¹ Wa iza aiyi maḥall maa yagbalkum, wa_n naas yaabu yasmavu leekum, hizzu_t turaab min rijleekum lamma tamrugu, vashaan shahaada valeehum.”

¹² Wa maragu, wa bashsharu ’an an naas laazim yatuubu.

¹³ Wa ṭallavu sheyaaṭiin katiira, wa dahanu be zeet naas vaiyaaniin kutaar, wa shafoohum.

MOOT YUUḤANNA AL MAVMADAAN

¹⁴ Wa_l malik Hiiruudus simiv beehu, valashaan ism Yasuuv biga mavruuf. Bavḍ min an naas gaalu, “Yuuḥanna al Mavmadaan gaam min been al meyyitiin. Wa valashaan kida, al guwwaat di bishtaghilu fiihu.”

¹⁵ Wa laakin naas taanyiin gaalu, “Huwa Iiliyya.” Wa bavḍ minnahum gaalu, “Huwa nabi, zei waaḥid min al anbiya.”

¹⁶ Laakin lamma Hiiruudus simiv da, hu gaal, “Yuuḥanna al ana gaṭavta raasu, huwa gaam min been al meyyitiin.”

¹⁷ Vashaan Hiiruudus nafsu kaan rassal wa gabaḍ vala Yuuḥanna, wa rabaṭu fi_s sijin fishaan Hiiruudiyya, marat Fiilubbus axuuhu. Valashaan hu kaan itzawwaja.

¹⁸ Fishaan Yuuḥanna kaan gaal le Hiiruudus, “Maa be_l gaanuun bitaaxud marat axuuk.”

¹⁹ Kida, Hiiruudiyya kaanat zavlaana shadiida fi galbaha min Yuuḥanna, wa kaanat vaawiza taktulu. Wa laakin maa kaanat tagdar.

²⁰ Vashaan Hiiruudus kaan xaayif min Yuuḥanna, wa virif hu raajil baarr wa gudduus, wa ḥarasu. Wa lamma simiv Yuuḥanna, itḥayyar jiddan, wa laakin simivu be faraḥ.

²¹ Wa ḥaṣalat furṣa fi yoom miilaad Hiiruudus, wa hu vamal vazuuma le_l muḥtarimiin, wa ru’asaa aj juyuush wa naas aj Jaliil al kubaar.

²² Wa lamma bint Hiiruudus daxalat wa ragaṣat, Hiiruudus wa ḍuyuufu kaanu mabsuuṭiin jiddan. Wa_l malik gaal le_l bint, “Aṭlubi minni zei maa vaawiza, wa ana baddiiha leeki.”

²³ Wa ḥalaf wa gaal, “Baddiiki al inti bitaṭlubi minni lighaayat nuṣṣ mamlakti.”

²⁴ Wa maragat, wa gaalat le ummaha, “Baṭlub shinu?” Wa hiya gaalat, “Raas Yuuḥanna_l mavmadaan.”

²⁵ Wa ṭawwaali daxalat be surva le_l malik, wa ṭalabat wa gaalat, “Ana vaawizaak taddiini ṭawwaali raas Yuuḥanna_l mavmadaan vala ṣaḥan.”

²⁶ Wa_l malik kaan ḥaznaan jiddan. Wa laakin valashaan ḥalafu wa ḍuyuufu, maa daar yarfuḍa.

²⁷ Wa ṭawwaali al malik rassal vaskari min al ḥurraas, wa amaru yajiib raas Yuuḥanna. Wa masha wa gaṭav raasu fi_s sijin,

²⁸ wa jaab raasu vala ṣaḥan, wa addaahu le_l bint. Wa_l bint addatu le ummaha.

²⁹ Wa lamma_t talaamiiz simivu, jo wa axadu jismu, wa xaṭṭoohu fi gabr.

YASUUV YADDI AKL LE_L XAMSAT ALAAF

³⁰ Wa_r rusul rajavu le Yasuuv, wa xabbaroohu be kullu shi, kull al vamaloohu wa kull al vallamoohu.

³¹ Wa gaal leehum, “Tavaalu intu baraakum le maḥall al xala, w_istariiḥu shwaiya.” Fishaan aj jaaiyiin wa_l maashiin kaanu katiiriin, wa maa vindahum furṣa vashaan yaaklu.

³² Wa mashu fi_l murkab le maḥall al xala baraahum.

³³ Wa naas kutaar shaafoohum maashiin, wa virifoohum. Wa jaru hinaak be kirveehum min kull al mudun. Wa wiṣlu gubbaal maa hum wiṣlu.

³⁴ Wa lamma Yasuuv ṭalav, hu shaaf naas kutaar, wa ḥanna valeehum, fishaan hum zei xirfaan biduun raavi. Wa biga yavallimum ḥaajaat katiira.

³⁵ Wa bavd saavaat katiira, talaamiizu garrabu leehu wa gaalu, “Al maḥall da xala, wa_l wakit faat.

³⁶ Kallim an naas ’an yamshu le_l maḥallaat ḥawleena wa_l hilal wa yashtaru akil le nufuusum.”

³⁷ Wa laakin gaal leehum, “Intu adduuhum vashaan yaakulu.” Wa gaalu leehu, “Namshi nashtari veesh be miyyateen riyaal? wa naddiihum vashaan yaakulu?”

³⁸ Wa gaal leehum, “Vindakum kam raghiif? Amshu wa shuufu.” Wa lamma virifu, gaalu, “Xamsa, wa samakteen.”

³⁹ Bavdeen amar kulluhum yagvudu jamaavaat jamaavaat vala_l geshsh al axḍar.

⁴⁰ Wa kida gavadu fi jamaavaat miyya miyya, wa xamsiin xamsiin.

⁴¹ Wa axad al xamsa rughfaan wa_s samakteen, wa vaayan le_s sama wa baarak wa kassar ar rughfaan, wa addaaha le_t talaamiiz vashaan yagaddimuuha le_n naas. Wa gassam as samakteen been kullahum.

⁴² Wa kulluhum akalu, wa kaanu shabvaaniin.

⁴³ Wa lammu iṭnaashar guffa malyaana min ḥitat ar raghiif wa_s samak.

⁴⁴ Wa deel al akalu_r rughfaan kaanu xamsat alaaf raajil.

YASUUV YAMSHI VALA_L BAḤAR

⁴⁵ Wa ṭawwaali Yasuuv daxxal talaamiizu fi_l murkab, vashaan yamshu gubbaalu le_ṭ ṭarf at taani le Beetṣaida, wa huwa ṣaraf an naas.

⁴⁶ Wa bavd maa xallaahum, masha le_j jibaal vashaan yaṣalli.

⁴⁷ Wa lamma biga_l misa, al murkab kaanat fi wasṭ al baḥar, wa huwa kaan baraahu vala_l waaṭa.

⁴⁸ Wa shaafum tavbaaniin vashaan kaanu bisuugu_l murkab, vashaan al habuub kaanat ḍidd al murkab. Wa been as saava talaata wa_s saava sitta fi_ṣ ṣabaaḥ, Yasuuv garrab leehum maashi vala_l baḥar. Wa kaan vaawiz yafuutum.

⁴⁹ Wa laakin lamma shaafoohu maashi vala_l baḥar, iftakaru kaan ruuḥ, wa kooraku.

⁵⁰ Valashaan kulluhum shaafoohu wa kaanu xaayifiin jiddan. Laakin ṭawwaali kallamum wa gaal leehum, “Shiddu ḥeelkum. Ana huwa. Maa taxaafu.”

⁵¹ Wa ṭalav leehum juwwa_l murkab, wa_l habuub sakatat. Wa hum istaghrabu katiir xalaaṣ.

⁵² Valashaan hum maa fihmu van ar rughfaan, laakin guluubum kaanat tagiila.

⁵³ Wa laama gaṭava_l baḥar, jo le arḍ Janiisaarat, wa rabaṭu_l murkab vind aṭ ṭarf.

⁵⁴ Wa lamma maragu min al murkab, ṭawwaali an naas virifoohu,

⁵⁵ wa jaru fi kull al makaan da, wa bigu yashiilu naas vaiyaaniin vala buruushum le kullu maḥall al hum simivu Yasuuv kaan fih hinaak.

⁵⁶ Wa fi kullu maḥall al hu ja leehu, iza ḥilla, walla madiina, walla maḥallaat barra al mudun, xaṭṭu_l vaiyaaniin fi_s suug, wa ṭalabu minnu yaxalliihum yalmasu ṭarf hiduumu bass. Wa kullu al limsoohu bigu shudaad.