Markus 5 - Kitaab al Vahd aj Jadid 1978

SHIFA AR RAAJIL AL VINDU RUUḤ NAJIS

¹ Wa wiṣlu le_j jamb at taani min al baḥar, le balad aj Jadariyyiin.

² Wa lamma ṭalav min al murkab, ṭawwaali raajil leehu ruuḥ najis ja min al gubuur wa gaabalu.

³ Wa hu kaan gavad fi_l gubuur. Wa maa kaan fih waaḥid yagdar yarbuṭu, wa laa be janziir.

⁴ Marraat katiira kaan marbuuṭ be janaaziir le rijleehu wa salaasil, wa laakin gaṭṭav aj janaaziir wa kassar as salaasil. Wa maa fih waaḥid vindu guwwa yaghlibu.

⁵ Wa kullu yoom leel wa nahaar kaan bikoorik fi_l gubuur wa fi_j jibaal, wa kaan yagṭav nafsu be ḥujaar.

⁶ Wa lamma shaaf Yasuuv min baviid, jara wa vabadu.

⁷ Wa koorak be ṣoot vaali wa gaal, “Maali wa maalak, yaa Yasuuv, Ibn Allaah al Vaali? Aṭlub minnak be Allaah, maa tatavvibni.”

⁸ Valashaan Yasuuv gaal leehu, “Aṭlav min az zool, yaa ruuḥ najis!”

⁹ Wa Yasuuv sa’alu wa gaal, “Ismak shinu?” Gaal, “Ismi Lijiyuun, fishaan niḥna katiiriin.”

¹⁰ Wa ṭalab katiir min Yasuuv maa yaṭrudum barra min al balad.

¹¹ Wa kaan fih hinaak vind aj jabal muraaḥ kabiir min al kadaariik biyaakul.

¹² Wa ṭalabu leehu wa gaalu, “Rassilna le_l kadaariik vashaan nadxul fiihum.”

¹³ Wa Yasuuv addaahum izn. Wa_l arwaaḥ an najisa maragu minnu, wa daxalu fi_l kadaariik. Wa_l muraaḥ jara min aṭ ṭarf le_l baḥar wa ghirig fi_l baḥar. Wa kaan fih itneen alf kadruuk tagriiban.

¹⁴ Wa_r ruvaat harabu, wa xabbaroohu fi_l madiina wa barra min al madiina kamaan. Wa_n naas jo vashaan yashuufu_sh shi al ḥaṣal.

¹⁵ Wa jo le Yasuuv, wa shaafu_z zool, al kaan fiihu sheyaaṭiin, gaavid, wa laabis hiduum, wa vaagil. Wa huwa_l kaan leehu arwaaḥ katiira. Wa_n naas kaanu xaayifiin.

¹⁶ Wa_n naas ash shaafoohu, kallamu van ash shi al ḥaṣal le_z zool al kaanat fiihu sheyaaṭiin wa van al kadaariik.

¹⁷ Wa bigu yaṭlubu min Yasuuv yasiib baladum.

¹⁸ Wa wakit kaan yadxul al murkab, az zool al fiihu sheyaaṭiin ṭalab minnu yakuun mavaahu.

¹⁹ Wa laakin maa xallaahu, wa gaal leehu, “Amshi le beetak, wa le ahlak, wa xabbirum be_l ḥaaja al vamala beek ar Rabb, wa keef warra leek raḥmatu.”

²⁰ Wa marag wa biga yanaadi fi_l Mudun al Vashara al ḥaajaat al vamal Yasuuv beehu. Wa kull an naas istaghrabu.

BINT MEYYITA WA MARA VAIYAANA

²¹ Wa lamma Yasuuv marra taanya gaṭav al baḥar fi_l murkab le_j jamb at taani, naas kutaar itlammu leehu. Wa hu kaan fi ṭarf al baḥar.

²² Bavdeen waaḥid min ru’asaa beet ar Rabb ja, ismu Yaayirus. Wa lamma shaaf Yasuuv, wagav giddaam kirveehu,

²³ wa gaal, “Binti_ṣ ṣaghaira gariiba min al moot. Tavaal min faḍlak, wa xuṭṭ iidak valeeha vashaan takuun ṭaiba, wa taḥya.”

²⁴ Wa masha mavaahu. Wa naas kutaar tabavoohu wa garrabu leehu.

²⁵ Wa kaanat fih mara, ad damm nazal minnaha le muddat iṭnaashar sana.

²⁶ Wa hiya tivibat katiir min ḥukama katiiriin. Wa ṣarafat kull al guruush al vindaha. Wa hiya maa bigat ṭaiba, laakin al vaya zaadat.

²⁷ Wa lamma simivat be_l xabar van Yasuuv, jaat min waraahu fi wasṭ aj jamaava wa lamasat hiduumu.

²⁸ Fishaan gaalat, “Iza almas hiduumu bass, bakuun ṭaiba.”

²⁹ Wa ṭawwaali nuzuul damma wagaf. Wa hiya virifat fi jisima ’innaha bigat ṭaiba.

³⁰ Wa Yasuuv virif fi nafsu al guwwa ṭalavat minnu. Wa ṭawwaali itlafat fi wasṭ aj jamaava wa gaal, “Minu lamas hiduumi?”

³¹ Wa talaamiizu gaalu leehu, “Inta tashuuf an naas yalizzuuk, wa taguul, Minu lamasni?”

³² Wa kaan yavaayin ḥawlu vashaan yashuuf al waaḥda al vamalat da.

³³ Wa_l mara virifat ash shi al ḥaṣal leeha, wa kaanat xaayifa wa rajafat, wa jaat wa wagavat giddaamu, wa kallamatu be_l ḥagg kullu.

³⁴ Wa gaal leeha, “Yaa binti, iimaanik shafaaki. Amshi be_s salaam. Kuuni ṭaiba min al vaya.”

³⁵ Wa wakit maa Yasuuv yitkallam lissav, naas jo min ra’iis beet ar Rabb, wa gaalu, “Bintak maatat. Le shinu inta lissav tatavvib al Muvallim?”

³⁶ Wa Yasuuv simiv al kalaam al hum gaalu, wa gaal le ra’iis beet ar Rabb, “Maa taxaaf. Ṣaddig bass.”

³⁷ Wa hu maa xalla aiyi waaḥid yatbavu illa Buṭrus, wa Yavkuub, wa Yuuḥanna axu Yavkuub.

³⁸ Wa lamma wiṣlu le beet ra’iis beet ar Rabb, Yasuuv shaaf ad dawsha, wa_n naas yabku wa yakooriku katiir jiddan.

³⁹ Wa lamma daxal, hu gaal leehum, “Le shinu tavmilu dawsha wa tabku? Al bint maa meyyita laakin naayima.”

⁴⁰ Wa ḍiḥiku valeehu. Laakin hu marrag kullahum barra, wa axad abu_l bint wa ummaha wa_l kaanu mavaahu, wa masha le_l maḥall al kaanat fiihu_l bint.

⁴¹ Wa masak al bint be iida, wa gaal leeha, “Ṭaliita guum.” yavni, “Yaa bint, aguul leeki, Guumi.”

⁴² Wa ṭawwaali al bint gaamat wa mashat, vashaan vumura kaan iṭnaashar sana. Wa ṭawwaali istaghrabu jiddan.

⁴³ Wa hu amarum shadiid maa yaxallu waaḥid yavrif be da. Wa kallamum yadduuha vashaan taakul.