Markus 4 - Kitaab al Vahd aj Jadid 1978

MASAL AL MUZAARIV

¹ Wakit taani Yasuuv biga yavallim be jamb al baḥar. Wa naas kutaar xaaliṣ itlammu leehu, ḥatta daxal murkab wa gavad fiiha vala_l baḥar. Wa_n naas kullu kaanu gaavidiin be jamb al baḥar vala_ṭ ṭarf.

² Wa vallamum ḥaajaat katiira be amsaal. Wa fi tavliimu gaal leehum,

³ “Asmavu! Al muzaariv marag le yazrav teeraabu.

⁴ Wa wakit maa yazrav, bavḍ min at teeraab wagav fi_s sikka, wa_ṭ ṭuyuur jo wa akaloohu.

⁵ Wa bavḍ minnu wagav vala arḍ fiiha ḥujaar, wa maa kaan fih turaab katiir. Wa ṭawwaali gaam, vashaan at turaab kaan xafiif.

⁶ Wa lamma_sh shamish ṭalavat, inḥarag wa biga yaabis, fishaan maa kaan vindu virg.

⁷ Wa teeraab taani wagav been ash shook, wa_sh shook ṭalav wa xanagu. Wa maa jaab tamar.

⁸ Wa teeraab taani wagav vala_l arḍ al kwaisa, wa gaam wa kibir wa jaab dura, be talaatiin, wa be sittiin, wa be miyya.”

⁹ Wa gaal, “Al vindu iḍneen le_s samav, xalliihu yasmav.”

¹⁰ Wa lamma kaan baraahu, an naas al kaanu ḥawlu mava_l iṭnaashar sa’alu van al amsaal.

¹¹ Wa gaal leehum, “Addu leekum tavrifu sirr malakuut Allaah, wa laakin leehum al fih barra, kullu shi be amsaal,

¹² vashaan, Bivaayinu be vuyuunum wa laakin maa bishuufu, wa bismavu samav wa laakin maa bifhamu, vashaan maa yarjavu wa hu yaghfir leehum.”

¹³ Wa gaal leehum, “Maa tafhamu_l masal da? Wa keef bitafhamu kull al amsaal?

¹⁴ Al muzaariv yazrav al kilma.

¹⁵ Wa deel hum al vala_s sikka, al maḥall al fiihu yazravu_l kilma. Lamma yasmavu_l kilma, ṭawwaali ash Sheeṭaan biji wa yaaxud al kilma al kaan mazruuva fiihum.

¹⁶ Wa zei da, deel hum al mazruuviin vala_l arḍ al fiiha ḥujaar. Lamma yasmavu_l kilma, ṭawwaali yagbaluuha be faraḥ.

¹⁷ Wa maa leehum virg fi nufuusum, laakin yistannu wakit galiil. Bavdeen, lamma_ḍ ḍiig walla_ṭ ṭard yaḥṣal vashaan al kilma, ṭawwaali yagavu.

¹⁸ Wa taanyiin, hum al mazruuviin been ash shook. Deel hum al yasmavu_l kilma,

¹⁹ wa laakin humuum ad dunya, wa ghishsh al ghina, wa maḥabbat ḥaajaat taanya tadxul wa taxnug al kilma, wa hiya bitkuun biduun tamar.

²⁰ Wa laakin deel al mazruuviin vala_l arḍ al kwaisa, hum al yasmavu_l kilma wa yagbaluuha wa yajiibu tamar, be talaatiin, wa be sittiin, wa be miyya.”

²¹ Wa gaal leehum, “Yajiibu lamba vashaan yaxuṭṭuuha tiḥit guffa? walla tiḥit al vangareeb? wa maa yaxuṭṭuuha vala_ṭ ṭarabeeza?

²² Vashaan maa fih ḥaaja madsuusa illa vashaan bitkuun beiyina. Wa maa fih shi mughaṭṭa illa vashaan bitkuun mavruuf.

²³ Iza waaḥid vindu iḍneen le yasmav, xalliihu yasmav.”

²⁴ Wa gaal leehum, “Xallu baalkum le_l intu tasmavu. Al keela al intu tadduuha, bitkuun al keela al hum bidduukum intu, wa ziyaada.

²⁵ Vashaan al vindu, bidduuhu aktar. Wa_l maa vindu, ḥatta_l ḥaaja al vindu bishiiluuha minnu.”

²⁶ Wa gaal, “Malakuut Allaah zei zool yazrav teeraab vala_l arḍ.

²⁷ Wa yanuum wa yaguum leel wa nahaar. Wa_t teeraab yaṭlav wa yakbar, wa hu maa yavrif keef.

²⁸ Al arḍ min nafsaha tajiib ad dura, fi_l awwal al geshsh, bavdeen raas ad dura, wa bavdeen raas malyaan dura.

²⁹ Wa laakin lamma_d dura jaahiza, ṭawwaali yaxuṭṭ fiihu_l manjal, fishaan wakit yalimmu_d dura ja.”

MASAL TEERAAB AL XARDAL

³⁰ Wa gaal, “Binguul malakuut Allaah zei shinu? Walla be yaatu masal namassilu?

³¹ Huwa zei ḥabbat xardal. Lamma takuun mazruuva fi_l arḍ, hiya aṣghar kull at teeraab al vala_l arḍ.

³² Wa laakin lamma kaanat mazruuva, takbar wa tabga akbar kull an nabaataat. Wa tavmil furuuv kabiira ḥatta ṭuyuur as sama yagdaru yagannibu fi ḍulla.”

³³ Be amsaal katiira zei di, hu gaal leehum al kilma, zei maa hum kaanu yagdaru yafhamu.

³⁴ Yasuuv maa kallamum biduun masal, laakin hu warra mavna kullu shi le talaamiizu lamma kaanu baraahum.

YASUUV YASAKKIT AL HABUUB

³⁵ Al yoom daak, fi_l misa, gaal leehum, “Namshi le_ṭ ṭarf at taani.”

³⁶ Wa hum xallu_j jamaava wa axadu Yasuuv mavaahum zei maa huwa kaan, fi_l murkab. Wa maraakib taanya kaanat mavaahu.

³⁷ Wa nazalat habuub shadiida, wa_l mooya ḍarabat wa daxalat fi_l murkab ḥatta_l murkab garrabat tabga malyaana.

³⁸ Laakin hu kaan fi mu’axxir al murkab, naayim foog al maxadda. Wa gawwamoohu min an noom wa gaalu leehu, “Yaa Muvallim, maa muhimm leek iza namuut?”

³⁹ Wa gaam min an noom, wa wabbax al habuub, wa gaal le_l baḥar, “Askut saakit.” Wa_l habuub sakatat, wa kaan fih sukuut kabiir.

⁴⁰ Wa gaal leehum, “Intu xaayifiin kida le shinu? Keef maa vindakum iimaan?”

⁴¹ Wa xaafu xoof shadiid wa gaalu bavḍahum le bavḍ, “Minu da? vashaan al habuub wa_l baḥar yaṭiivuuhu!”