Markus 3 - Kitaab al Vahd aj Jadid 1978

YASUUV YASHFI KATIIRIIN

¹ Wa daxal beet ar Rabb marra taanya. Wa kaan fih raajil hinaak iidu yaabsa.

² Wa vaayanu leehu vashaan yashuufu iza kaan yashfiihu fi_s sabit, fishaan kaanu vaawiziin yashtakuuhu.

³ Wa Yasuuv gaal le_r raajil al iidu yaabsa, “Guum fi_l wasṭ.”

⁴ Wa gaal leehum, “Be_l gaanuun biyavmil al kwaiyis fi_s sabit walla biyavmil al baṭṭaal? Yaxalliṣ an nafs walla yaktula?” Laakin hum sakatu.

⁵ Wa vaayan leehum wa ḥawaleehu be zavl, wa kaan ḥaziin valashaan guluubum gawwiyya. Wa gaal le_r raajil, “Midd iidak.” Wa hu maddaaha, wa iidu bigat ṭaiba.

⁶ Wa_l Farriisiyyiin maragu, wa ṭawwaali itkallamu valeehu mava_l Hiiruudusiin keef yaktuluuhu.

⁷ Wa Yasuuv marag mava talaamiizu le_l baḥar. Wa naas kutaar min aj Jaliil tabavoohu. Wa kamaan min al Yahuudiyya,

⁸ wa Uurushaliim, wa Aduumiyya, wa min foog al Urduun, wa min ḥawl Ṣuur wa Ṣeedaa, naas kutaar jiddan simivu kull al hu vamal, wa jo leehu.

⁹ Wa hu kallam talaamiizu vashaan yaḥaḍḍiru murkab ṣaghaira be sabab an naas vashaan maa yagarribu leehu.

¹⁰ Valashaan hu shafa naas kutaar, ḥatta kull al vindahum amraaḍ itlammu gariib minnu le yalmasuuhu.

¹¹ Wa_l arwaaḥ an najisa kullu wakit lamma shaafoohu, wagavu giddaamu wa kooraku wa gaalu, “Inta Ibn Allaah.”

¹² Wa Yasuuv amarum shadiid ’an maa yaguulu huwa minu.

IXTIYAAR AL IṬNAASHAR RASUUL

¹³ Wa ṭalav le_j jabal, wa naada leehu an naas al huwa daarum. Wa hum jo leehu.

¹⁴ Wa hu ixtaar minnahum iṭnaashar vashaan yakuunu mavaahu, wa vashaan yarassilum le yabashshiru

¹⁵ wa yakuun leehum sulṭa vashaan yamarrigu_sh sheyaaṭiin.

¹⁶ Wa ahum deel al iṭnaashar al hu ixtaarum: Simvaan, al addaahu al ism Buṭrus,

¹⁷ wa Yavkuub ibn Zabadi wa Yuuḥanna axu Yavkuub, al huwa addaahum al ism Buwaanarjis, yavni awlaad ṣoot al barg.

¹⁸ Wa Andaraawus, wa Fiilubbus, wa Bartulamaawus, wa Matta, wa Tuuma, wa Yavkuub ibn Ḥalfa, wa Taddaawus, wa Simvaan al Kanaawi,

¹⁹ wa Yahuuza al Isxaryuuṭi as sallamu.

YASUUV WA BAVLAZABUUL

²⁰ Bavdeen daxal beet. Wa_n naas itlammu marra taanya, ḥatta maa kaan mumkin yaakulu.

²¹ Wa lamma ahlu simivu van da, maragu le yamsikuuhu, fishaan gaalu, “Hu majnuun.”

²² Wa muvallimiin al gaanuun an nazalu min Uurushaliim gaalu, “Bavlazabuul fiihu. Be ra’iis ash sheyaaṭiin hu yamarrig ash sheyaaṭiin.”

²³ Wa hu naadaahum wa kallamum be amsaal, “Keef ash Sheeṭaan yagdar yamarrig ash Sheeṭaan?

²⁴ Iza mamlaka mingasima vala nafsa, al mamlaka di maa bitagdar tasbut.

²⁵ Wa iza kaan beet ingasam vala nafsu, al beet daak maa bigdar yasbut.

²⁶ Wa iza ash Sheeṭaan gaam vala nafsu wa ingasam, hu maa bigdar yasbut, laakin nihaayatu jaaiya.

²⁷ Maa mumkin waaḥid yadxul beet raajil gawwi wa yashiil maalu, illa hu biyarbuṭ ar raajil al gawwi. Bavdeen hu bigdar yashiil maalu.

²⁸ Al ḥagg aguul leekum, Kull al xaṭaaya bitkuun maghfuura le awlaad an naas, wa_sh shataayim al yashtimu beeha.

²⁹ Wa laakin al yajaddif vala_r Ruuḥ al Gudus maa bikuun maghfuur leehu abadan. Xaṭiyyatu foog ragabtu le_l abad.”

³⁰ Vashaan hum gaalu, “Fiihu ruuḥ najis.”

³¹ Wa ummu wa axwaanu jo, wa kaanu waagfiin barra. Wa rassalu waaḥid vashaan yanaadiihu.

³² Wa naas kutaar kaanu gaavidiin ḥawlu, wa gaalu leehu, “Ummak wa axwaanak fih barra yaṭlubuuk.”

³³ Wa radda valeehum wa gaal, “Minu ummi wa axwaani?”

³⁴ Wa itlafat le_n naas al kaanu gaavidiin ḥawlu wa gaal, “Ahum deel ummi wa axwaani!

³⁵ Huwa_l biyavmil iraadat Allaah, huwa axuui, wa uxti, wa ummi.”