Markus 2 - Kitaab al Vahd aj Jadid 1978

YASUUV YASHIFI AL MAFLUUJ

¹ Wa bavd aiyaam galiila, rajav le Kafranaaḥuum, wa_n naas simivu hu fi_l beet.

² Wa naas katiiriin itlammu, wa kida maa fiḍil aiyi maḥall, wa laa ḥawl al baab. Wa kaan yabashshirum be_l kilma.

³ Wa naas jo jaayibiin leehu zool mafluuj, wa arbava rujaal yashiiluuhu.

⁴ Wa lamma maa gidiru yagarribuuhu le Yasuuv valashaan katrat an naas, fataḥu raas al beet foog al maḥall al kaan fiihu Yasuuv. Wa lamma fataḥoohu, nazzalu_l birish al kaan raagid foogu al mafluuj.

⁵ Wa lamma Yasuuv shaaf iimaanum, hu gaal le_l mafluuj, “Yaa waladi, xaṭaayaak maghfuura leek.”

⁶ Wa bavḍ min muvallimiin al gaanuun kaanu gaavidiin hinaak yafakkiru fi guluubum,

⁷ “Ar raajil da bikallim kida le shinu? Hu yajaddif! Minu yagdar yaghfir al xaṭaaya illa Allaah bass?”

⁸ Wa ṭawwaali Yasuuv, wa hu virif fi ruuḥu ’innahum fakkaru kida fi nufuusum, gaal leehum, “Le shinu tafakkiru kida fi guluubkum?

⁹ Yaatu as‐hal? Baguul le_l mafluuj, Xaṭaayaak maghfuura leek? walla baguul, Guum, shiil birishak w_amshi?

¹⁰ Wa laakin vashaan tafhamu ’innu Ibn al insaan vindu sulṭa fi_d dunya le yaghfir al xaṭaaya” — gaal le_l mafluuj —

¹¹ “Aguul leek, Guum, shiil birishak w_amshi le beetak.”

¹² Wa hu gaam, wa ṭawwaali shaal birishu wa marag giddaam kulluhum. Wa kull an naas istaghrabu jiddan, wa majjad Allaah, wa gaalu, “Maa shufna ḥaaja zei di abadan!”

IXTIYAAR MATTA

¹³ Wa marag marra taanya le jamb al baḥar. Wa kull an naas jo leehu, wa hu kaan yavallimum.

¹⁴ Wa wakit hu kaan maashi, shaaf Laawi walad Ḥalfa gaavid fi maktab aḍ ḍariiba. Wa gaal leehu, “Atbavni.” Wa hu gaam wa tabavu.

¹⁵ Wa lamma hu kaan gaavid yaakul fi_ṭ ṭarabeeza fi beet Laawi, katiir min an naas al bilimmu_ḍ ḍariiba wa_l xaaṭyiin kaanu gaavidiin mava Yasuuv wa talaamiizu. Valashaan an naas at tabavoohu kaanu kutaar.

¹⁶ Wa lamma muvallimiin al gaanuun min al Farriisiyyiin shaafu hu kaan yaakul mava_l xaaṭyiin wa_l bilimmu_ḍ ḍariiba, gaalu le talaamiizu, “Le shinu hu yaakul wa yashrab mava_l bilimmu_ḍ ḍariiba wa_l xaaṭyiin?”

¹⁷ Wa lamma Yasuuv simiv, gaal leehum, “An naas ash shudaad maa yaḥtaaju le_l ḥakiim, laakin al vaiyaaniin. Ana maa jiit vashaan anaadi_l baarriin, laakin al xaaṭyiin.”

¹⁸ Wa talaamiiz Yuuḥanna wa_l Farriisiyyiin kaanu ṣaayimiin. Wa_n naas jo wa gaalu leehu, “Le shinu talaamiiz Yuuḥanna wa talaamiiz al Farriisiyyiin biṣuumu, wa laakin talaamiizak maa biṣuumu?”

¹⁹ Wa Yasuuv gaal leehum, “Mumkin naas al viris yaṣuumu wa_l variis mavaahum? Wakit maa al variis mavaahum, maa mumkin yaṣuumu.

²⁰ Wa laakin al aiyaam biju lamma yaaxudu_l variis minnahum. Fi_l yoom daak biṣuumu.

²¹ Maa fih zool yaxayyiṭ ḥitta min gumaash jadiid vala gumaash gadiim. Iza yavmil kida, ḥittat al gumaash aj jadiid tashruṭ al gadiim, wa_sh sharṭ bikuun akvab.

²² Wa maa fih zool yakubb xamra jadiida fi girba gadiima. Iza yavmil kida, al xamra tashruṭ al girba_l gadiima, wa_l xamra wa_l girba bixrabu. Laakin al xamra_j jadiida yaxuṭṭuuha fi girba jadiida.”

RABB AS SABIT

²³ Wa fi yoom as sabit, kaan maashi fi wasṭ az zuruuv. Wa wakit maa hum maashiin, talaamiizu bigu yagṭavu ruuseen ad dura.

²⁴ Wa_l Farriisiyyiin gaalu leehu, “Shuuf, le shinu yavmilu al maa be_l gaanuun ’an yavmilu fi yoom as sabit?”

²⁵ Wa gaal leehum, “(?) Maa gareetu abadan al vamalu Daawuud lamma kaan javaan, wa kaan fi iḥtiyaaj?, huwa wa_l kaanu mavaahu?

²⁶ keef daxal beet Allaah, fi aiyaam Abiyaasaar, ra’iis al gusus, wa akal veesh at tagdima al mamnuuv le_n naas ’an yaakluuhu, laakin al gusus bass yaakluuhu? wa addaahu le_l kaanu mavaahu kamaan?”

²⁷ Wa gaal leehum, “Yoom as sabit kaan mavmuul fishaan bani Aadam, wa maa bani Aadam fishaan as sabit.

²⁸ Wa kida, Ibn al insaan huwa Rabb as sabit.”