Markus 16 - Kitaab al Vahd aj Jadid 1978

AL GIYAAMA

¹ Wa bavd maa yoom as sabit faat, Maryam Majdaliyya wa Maryam umm Yavkuub wa Saluuma ishtaru riiḥa vashaan yamshu yamsaḥuuhu.

² Wa badri jiddan fi awwal yoom min al usbuuv, mashu le_l gabr bavd ṭuluuv ash shamish.

³ Wa kaanu yaguulu mava bavḍ, “Minu bidardig leena al ḥajar min xashm al gabr?”

⁴ Wa lamma vaayanu le foog, shaafu al ḥajar kaan iddardag min al gabr, vashaan kaan kabiir xaaliṣ.

⁵ Wa daxalu_l gabr, wa shaafu shaabb gaavid vala_l yamiin, wa laabis toob abyaḍ. Wa xaafu jiddan.

⁶ Wa hu gaal leehum, “Maa taxaafu. Intu taṭlubu Yasuuv an Naaṣiri al kaan maṣluub. Huwa gaam. Huwa maa hina. Ahu da_l maḥall al xaṭṭoohu fiihu.

⁷ Laakin amshu, wa guulu le talaamiizu wa le Buṭrus, Hu maashi gubbaalkum le_j Jaliil. Hinaak bitshuufuuhu, zei maa gaal leekum.”

⁸ Wa maragu wa harabu min al gabr, vashaan kaanu yarjifu wa yistaghrabu. Wa maa gaalu ḥaaja le aiyi waaḥid, vashaan kaanu yaxaafu.

ZUHUUR YASUUV WA ṬULUUVU LE_S SAMA

⁹ Wa bavd maa Yasuuv gaam badri fi awwal yoom min al usbuuv, ẓahar fi_l awwal le Maryam Majdaliyya. Wa gubbaal da, Yasuuv kaan marrag minnaha sabva sheyaaṭiin.

¹⁰ Wa hiya mashat, wa xabbarat al kaanu mavaahu gubbaal wa hum kaanu yanuuḥu wa yabku.

¹¹ Wa lamma simivu Yasuuv ḥai, wa hiya shaafatu, hum maa ṣaddagu.

¹² Wa bavd da, ẓahar fi shakal taani le itneen minnahum, wakit maa kaanu maashiin barra min al madiina.

¹³ Wa deel rajavu, wa xabbaru_t taanyiin. Wa deel kamaan maa ṣaddagu.

¹⁴ Bavdeen, ẓahar le_l ḥidaashar zaatum wa hum gaavidiin yaaklu. Wa wabbaxum vashaan maa kaan vindahum iimaan, wa fishaan guluubum kaanat gawwiyya, vashaan hum maa ṣaddagoohum ash shaafoohu bavd maa gaam.

¹⁵ Wa gaal leehum, “Amshu le kull ad dunya, wa bashshiru be_l injiil le kullu naas ad dunya.

¹⁶ Huwa_l yaṣaddig wa yitvammad bixlaṣ, wa_l maa yaṣaddig biḥkumu valeehu.

¹⁷ Wa_l valaamaat di tamshi mava_l miṣaddigiin. Be ismi, yamarrigu sheyaaṭiin, wa yitkallamu be lughaat jadiida,

¹⁸ wa yarfavu dabaayib be iideehum, wa iza yashrabu aiyi shi al biktul, maa bijiib leehum vawaja abadan. Wa bixuṭṭu iideehum vala_l vaiyaaniin, wa bikuunu shudaad.”

¹⁹ Wa bavd maa ar Rabb Yasuuv kallamum, ittaxad le_s sama, wa gavad vala yamiin Allaah.

²⁰ Wa laakin hum maragu, wa bashsharu fi kullu makaan. Wa_r Rabb kaan yashtaghil mavaahum wa yasabbit al kilma be_l valaamaat al kaanat tamshi mavaaha.