Markus 15 - Kitaab al Vahd aj Jadid 1978

YASUUV GIDDAAM BIILAAṬUS

¹ Wa ṭawwaali fi_ṣ ṣabaaḥ, al gusus al kubaar, mava ash shuyuux wa muvallimiin al gaanuun, wa kull al majlis itkallamu mava bavḍ. Wa rabaṭu Yasuuv, wa gaadoohu, wa sallamoohu le Biilaaṭus.

² Wa Biilaaṭus sa’alu wa gaal, “Inta Malik al Yahuud?” Wa radda valeehu wa gaal, “Inta taguul.”

³ Wa_l gusus al kubaar kaanu yashtaku valeehu be ḥaajaat katiira.

⁴ Wa Biilaaṭus sa’alu marra taanya wa gaal, “Maa tarudd valeehum be ḥaaja? Shuuf kam ḥaaja yashtaku valeek.”

⁵ Wa laakin Yasuuv lissav maa radda valeehu be ḥaaja. Wa Biilaaṭus istaghrab.

⁶ Wa fi_l viid, kaanat al vaada yafikk maḥbuus waaḥid aṭ ṭalabu_n naas.

⁷ Wa kaan fih raajil ismu Baraabaas. Wa kaan fi_s sijin mava naas al fitna al kaanu vamalu katl fi_l fitna.

⁸ Wa_n naas ṭalavu, wa ibtadu yaṭlubu min Biilaaṭus ’an yavmil zei maa kaan yavmilu kullu viid.

⁹ Wa radda valeehum wa gaal, “Vaawiziinni afikk leekum Malik al Yahuud?”

¹⁰ Vashaan hu kaan yavrif al gusus al kubaar sallamoohu min al ḥasad.

¹¹ Laakin al gusus al kubaar ḥarraku_n naas vashaan yaṭlubu min Biilaaṭus yafikk leehum Baraabaas bidaalu.

¹² Wa marra taanya Biilaaṭus radda valeehum wa gaal, “Wa kida, bavmil shinu le_z zool al intu tasammuuhu Malik al Yahuud?”

¹³ Wa kooraku wa gaalu, “Aṣlubu!”

¹⁴ Wa Biilaaṭus gaal leehum, “Le shinu? Xaṭiyyatu shinu?” Wa laakin kooraku ziyaada, “Aṣlubu.”

¹⁵ Wa Biilaaṭus kaan daayir yabsiṭ an naas. Wa vashaan da, fakka leehum Baraabaas. Wa bavd maa jalad Yasuuv, sallamu vashaan yaṣlubuuhu.

¹⁶ Wa_l vasaakir gaadoohu fi juwwa_l ḥoosh, yavni beet al mudiir, wa lammu kull aj jeesh.

¹⁷ Wa labbasoohu jallabiyya ḥamra, wa vamal taaj min shook, wa xaṭṭoohu valeehu.

¹⁸ Wa ibtadu yasallimu valeehu wa yaguulu, “As salaam, yaa Malik al Yahuud.”

¹⁹ Wa kaanu yaḍrubu raasu be vaṣaaya, wa yabzugu valeehu, wa yarkavu giddaamu vashaan yavbuduuhu.

²⁰ Wa bavd maa ḍiḥiku valeehu, galavu minnu_j jallabiyya al ḥamra, wa labbasoohu hiduumu, wa gaadoohu barra vashaan yaṣlubuuhu.

YASUUV VALA_Ṣ ṢALIIB

²¹ Wa waaḥid ismu Simvaan al Gerawaani, abu Aliskandar wa Ruufus, kaan bifuut, wa huwa jaai min az ziraava. Wa axadoohu be guwwa vashaan yashiil ṣaliibu.

²² Wa gaadoohu le_l maḥall al yasammuuhu Juljuta, yavni maḥall jumjuma.

²³ Wa gaddamu leehu xamra, malaxbaṭa be ḥaaja murra. Laakin aba yaaxuda.

²⁴ Wa ṣalaboohu, wa gasamu hiduumu beenum wa ramu_l gurav valeehu, vashaan yashuufu kullu waaḥid yaaxud shinu.

²⁵ Wa kaanat as saava tisva fi_ṣ ṣabaaḥ lamma ṣalaboohu.

²⁶ Wa_sh shakwa_l valeehu al kaan maktuub gaal: “Malik al Yahuud.”

²⁷ Wa ṣalabu mavaahu itneen ḥaraamiyya, waaḥid van yamiinu wa_t taani van shimaalu.

²⁸ Wa_l Kitaab kimil al yaguul, “Ḥasaboohu mava_l yakassir al gaanuun.”

²⁹ Wa_n naas al kaanu bifuutu shatamoohu, wa hum yahizzu ruuseehum wa yaguulu, “Hei, inta al bitaxrab al heekal wa tabniihu fi talaatat aiyaam,

³⁰ xalliṣ nafsak, w_anzil min aṣ ṣaliib!”

³¹ Wa kida kamaan, al gusus al kubaar kaanu yaḍḥaku valeehu bavḍahum bavḍ mava muvallimiin al gaanuun, wa yaguulu, “Hu xallaṣ naas taanyiin, laakin hu maa yagdar yaxalliṣ nafsu.

³² Xalli_l Masiiḥ da, Malik Israa’iil, yanzil min aṣ ṣaliib hassav di vashaan nashuuf wa naṣaddig.” Wa kaanu_l maṣluubiin mavaahu yashtimuuhu kamaan.

MOOT YASUUV

³³ Wa_s saava iṭnaashar, kaanat fih ḍulumma vala_l arḍ kullaha lighaayat as saava talaata.

³⁴ Wa_s saava talaata, Yasuuv koorak be ṣoot vaali, wa gaal, “Iluwi, Iluwi, lamaa shabagtani?” yavni, “Ilaahi, Ilaahi, le shinu siibtani?”

³⁵ Wa bavḍ min al waagfiin hinaak simivu wa gaalu, “Asmavu, hu yanaadi Iiliyya.”

³⁶ Wa waaḥid minnahum jara, wa mala sifinja be xall, wa xaṭṭaaha vala vaṣaaya ṭawiila, wa addaahu leehu vashaan yashrabu, wa gaal, “Istanna, nashuuf iza Iiliyya biji yanazzilu.”

³⁷ Wa Yasuuv koorak be ṣoot vaali, wa sallam ruuḥu.

³⁸ Wa_l gumaash al kabiir al fi_l heekal itsharraṭ le itneen, min foog le tiḥit.

³⁹ Wa ra’iis aj jeesh kaan waagif giddaam Yasuuv. Wa lamma shaaf ’innu koorak wa sallam ruuḥu kida, gaal, “Be_l ḥagg al insaan da kaan Ibn Allaah.”

⁴⁰ Wa kaanu fih niswaan kamaan yavaayinu min baviid. Wa beenum kaanu Maryam Majdaliyya, wa Maryam umm Yavkuub aṣ ṣaghaiyir wa Yuusi, wa Saluuma.

⁴¹ Wa lamma Yasuuv kaan fi_j Jaliil, an niswaan deel kaanu tabavoohu wa xadamoohu. Wa kamaan niswaan taanyaat katiiraat aj jo mavaahu le Uurushaliim kaanu hinaak.

DAFN YASUUV

⁴² Wa kaan Yoom al Istivdaad, yavni, al yoom gubbaal as sabit. Wa lamma biga_l misa,

⁴³ Yuusif min Arraama ja. Wa huwa vaḍu muḥtaram fi_l majlis, wa kaan yantaẓir malakuut Allaah. Wa shadda ḥeelu, wa masha le Biilaaṭus, wa ṭalab minnu jisim Yasuuv.

⁴⁴ Wa Biilaaṭus istaghrab lamma simiv hu maat ṭawwaali kida. Wa naada ra’iis aj jeesh, wa sa’alu iza maat min mudda.

⁴⁵ Wa lamma virif da min ra’iis aj jeesh, adda_j jism le Yuusif.

⁴⁶ Wa Yuusif ishtara gumaash tiil, wa nazzal jism Yasuuv, wa laffaahu be_t tiil, wa xaṭṭaahu fi gabr magṭuuv min ḥajar. Wa dardag ḥajar kabiir vala duxuul al gabr.

⁴⁷ Wa Maryam Majdaliyya wa Maryam umm Yuusi shaafu_l bakaan al xaṭṭoohu fiihu.