Markus 14 - Kitaab al Vahd aj Jadid 1978

MAS‐ḤAT YASUUV FI BEETVANYA

¹ Wa kaan Viid al Fiṣaḥ wa Viid al Faṭiir bavd yoomeen. Wa_l gusus al kubaar wa muvallimiin al gaanuun kaanu yakuusu ṭariig vashaan yagbuḍu vala Yasuuv be makar, wa yaktuluuhu.

² Vashaan kaanu yaguulu, Maa namsiku wakit al viid, vashaan yimkin bitkuun fih dawsha been an naas.

³ Wa wakit maa kaan fi Beetvanya, kaan gaavid fi_ṭ ṭarabeeza fi beet Simvaan al vindu jizaam. Wa mara jaat leehu wa vindaha gizaaza min ruxaam, fiiha riiḥa naaridiin ṣaafi ghaalya jiddan. Wa kassarat al gizaaza wa kabbat ar riiḥa vala raasu.

⁴ Wa bavḍ an naas kaanu zavlaaniin fi nufuusum, wa gaalu, “Le shinu hiya waddarat ar riiḥa kida?

⁵ Vashaan kaan mumkin yabiivuuha le maahiyyat shaghghaal le sana waaḥda, wa yadduuha le_l masaakiin.” Wa kaanu yawabbixuuha be shidda.

⁶ Wa laakin Yasuuv gaal, “Xalluuha. Le shinu tatavvibuuha? Hiya vamalat leiya ḥaaja jamiila.

⁷ Al masaakiin mavaakum daaiman, wa fi aiyi wakit al intu vaawiziin, tagdaru tavmilu leehu al xeer. Wa laakin ana maa bakuun mavaakum daaiman.

⁸ Hiya vamalat zei maa gidrat. Masaḥat jismi vashaan tajahhizni gubbaal maa yadfinuuni.

⁹ Wa aguul leekum al ḥagg, fi kullu maḥall al yabashshiru be_l injiil fi_d dunya kullu, bixabbiru be vamala kamaan, vashaan yitzakkaruuha.” Sriiḥ, aryaaḥ

¹⁰ Bavdeen, Yahuuza Isxariyuuṭi, waaḥid min al iṭnaashar, masha le_l gusus al kubaar vashaan yasallimu leehum.

¹¹ Wa lamma simivoohu, kaanu mabsuuṭiin, wa wavadu yadduuhu fiḍḍa. Wa hu kaan yafattish vala furṣa vashaan yasallimu leehum.

AL VASHA_R RABBAANI

¹² Wa awwal yoom min Viid al Faṭiir, lamma kaan vaadatum ’an yaḍbaḥu xaruuf al Fiṣaḥ, talaamiizu gaalu leehu, “Inta vaawizna namshi ween vashaan naḥaḍḍir leek vashaan taakul al Fiṣaḥ?”

¹³ Wa rassal itneen min talaamiizu, wa gaal leehum, “Amshu le_l madiina, wa zool shaayil burmat mooya bigaabilkum. Atbavuuhu.

¹⁴ Wa fi_l beet al huwa yadxulu, guulu le siid al beet, Al Muvallim yaguul, Ween ooḍat aḍ ḍuyuuf al ana baakul fiiha_l Fiṣaḥ, ana wa talaamiizi?

¹⁵ Wa huwa biwarriikum ooḍa kabiira fi foog, mufarrasha wa jaahiza. Ḥaḍḍiru leena hinaak.”

¹⁶ Wa_t talaamiiz mashu le_l madiina, wa ligoohu zei maa gaal leehum. Wa ḥaḍḍaru_l Fiṣaḥ.

¹⁷ Wa fi_l misa, Yasuuv ja mava al iṭnaashar.

¹⁸ Wa wakit maa kaanu gaavidiin yaaklu, Yasuuv gaal, “Aguul leekum al ḥagg, waaḥid minnakum bisallimni, wa huwa yaakul mavaai.”

¹⁹ Wa ibtadu yakuunu ḥaznaaniin wa yaguulu leehu waaḥid wara waaḥid, “Ana huwa?”

²⁰ Gaal leehum, “Huwa waaḥid min al iṭnaashar, al yadaxxil iidu mavaai fi_ṣ ṣaḥan.

²¹ Vashaan Ibn al insaan yamshi, zei maa maktuub vannu. Wa laakin muṣiiba le_z zool daak al yasallim Ibn al insaan. Kaan aḥsan le_r raajil daak iza maa kaan mawluud.”

²² Wa wakit maa kaanu yaaklu, axad veesh, wa baarak, wa kassar, wa addaahum, wa gaal, “Uxdu, da huwa jismi.”

²³ Bavdeen, axad kubbaaya, wa shakar, wa addaahum. Wa kullahum shiribu minnaha.

²⁴ Wa gaal leehum. “Da huwa dammi le_l ittifaag aj jadiid, al itkabba fishaan naas kutaar.

²⁵ Aguul leekum al ḥagg, ana maa bashrab taani min mooyat al vinab abadan, lighaayat al yoom daak al ana bashraba jadiid fi malakuut Allaah.”

²⁶ Wa bavd maa rattalu tartiila, maragu le Jabal az Zeetuun.

²⁷ Wa Yasuuv gaal leehum, “Kullakum maashiin tarajjivu vanni, vashaan maktuub, Ana baḍrub ar Raavi, wa_l xirfaan bitfartaku.

²⁸ Wa laakin bavd giyaamati bamshi giddaamkum le_j Jaliil.”

²⁹ Wa Buṭrus gaal leehu, “Iza kullahum birajjivu vannak, ana maa barajjiv vannak abadan.”

³⁰ Wa Yasuuv gaal leehu, “Aguul leek al ḥagg, al yoom da fi_l leel, gubbaal maa ad diik yakoorik marrateen, inta bitankurni talaata marraat.”

³¹ Wa laakin gaal be shidda, “Iza laazim amuut mavaak, ana maa bankurak abadan.” Wa kullahum gaalu kadi.

JETSEEMAANI

³² Wa maragu le maḥall isima Jetseemaani. Wa gaal le talaamiizu, “Agvudu hina lighaayat maa ana aṣalli.”

³³ Wa axad mavaahu Buṭrus wa Yavkuub wa Yuuḥanna, wa ibtada yistaghrab shadiid xalaaṣ, wa biga leehu ḍiig shadiid.

³⁴ Wa gaal leehum, “Nafsi ḥaziina jiddan, ḥatta_l moot. Istannu hina, wa aḥrasu.”

³⁵ Wa masha giddaam shwaiya, wa kaan yagav vala_l arḍ, wa kaan yaṣalli vashaan as saava tafuut minnu iza mumkin.

³⁶ Wa gaal, “Abba, yaa Abuui, kullu shi mumkin leek. Shiil mini kubbaayat aḍ ḍiig. Laakin mush zei maa ana daayir, laakin zei maa inta daayir.”

³⁷ Wa ja wa ligaahum naayimiin, wa gaal le Buṭrus, “Simvaan, inta naayim? Maa gidirta taḥras wa laa saava waaḥda?

³⁸ Aḥrasu, wa ṣallu, vashaan maa tadxulu fi tajriba. Ar ruuḥ raḍyaan, laakin aj jism ḍaviif.”

³⁹ Wa masha marra taanya wa ṣalla, wa gaal nafs al kalaam.

⁴⁰ Wa ja taani marra, wa ligaahum naayimiin, vashaan vuyuunum kaanat tagiila. Wa maa virifu keef yaruddu valeehu.

⁴¹ Wa rajav taalit marra, wa gaal leehum, “Intu lissav naayimiin wa tistariiḥu? Kifaaya, as saava jaat. Yasallimu Ibn al insaan le iideen al xaaṭiyiin.

⁴² Guumu, namshi. Shuufu, huwa_l bisallimni garrab.”

GABḌ YASUUV

⁴³ Wa ṭawwaali, wakit maa kaan lissav yitkallam, Yahuuza ja, wa huwa waaḥid min al iṭnaashar, wa mavaahu naas kutaar be suyuuf wa vaṣaayaat. Wa hum jo min al gusus al kubaar, wa muvallimiin al gaanuun, wa_sh shuyuux.

⁴⁴ Wa_l musallim kaan addaahum valaama, wa gaal, “Al ana basallim valeehu shadiid be boosa, huwa huwa. Amsikuuhu wa guuduuhu be ḥurraas.”

⁴⁵ Wa ja, wa ṭawwaali garrab le Yasuuv wa gaal, “Yaa Saiyid!” Wa sallam valeehu shadiid be boosa.

⁴⁶ Wa hum xaṭṭu iideehum valeehu wa gabaḍoohu.

⁴⁷ Wa waaḥid min al waagfiin salla seefu, wa ḍarab vabd ra’iis al gusus, wa gaṭav aḍaanu.

⁴⁸ Wa Yasuuv radda wa gaal leehu, “(?) Jiitu be suyuuf wa vaṣaayaat zei vala ḥaraami vashaan tamsikuuni?

⁴⁹ Kunta mavaakum kullu yoom bavallim fi_l heekal, wa intu maa masaktuuni. Wa laakin laazim al Kutub tatimm.”

⁵⁰ Wa kullahum xalloohu, wa harabu.

⁵¹ Wa waaḥid shaabb kaan yatbavu laabis gumaash tiil vala jismu. Wa masakoohu.

⁵² Wa laakin xalla_l gumaash wa harab varyaan.

GIDDAAM RA’IIS AL GUSUS

⁵³ Wa gaadu Yasuuv le ra’iis al gusus. Wa kull al gusus al kubaar wa_sh shuyuux wa muvallimiin al gaanuun itlammu.

⁵⁴ Wa Buṭrus tibivu min baviid lighaayat ḥoosh ra’iis al gusus. Wa kaan gaavid mava_l ḥurraas, wa yiddaffa vind an naar.

⁵⁵ Wa_l gusus al kubaar wa_l majlis kullu kaanu yaṭlubu shahaada vala Yasuuv fishaan yaktuluuhu. Wa laakin maa ligooha.

⁵⁶ Vashaan naas kutaar kaanu yash‐hadu valeehu shahaada kaaḍiba, wa shahaadaatum maa ittafagat.

⁵⁷ Wa bavḍ minnahum wagafu, wa kaanu yash‐hadu valeehu shahaada kaaḍiba, wa gaalu,

⁵⁸ “Niḥna simivnaahu yaguul, Ana baxrab al heekal da al maṣnuuv be_l iid, wa bavd talaatat aiyaam abni waaḥid taani, maa maṣnuuv be_l iid.”

⁵⁹ Wa fi da kamaan shahaadatum maa ittafagat.

⁶⁰ Wa ra’iis al gusus wagaf fi_l wasṭ, wa kaan yas’al Yasuuv wa yaguul, “Inta maa tarudd valeiya be ḥaaja? Da shinu an naas yash‐hadu valeek?”

⁶¹ Laakin huwa kaan yaskut, wa maa radda valeehu be ḥaaja. Wa ra’iis al gusus sa’alu marra taanya wa gaal leehu, “Inta_l Masiiḥ, Ibn al Mubaarak?”

⁶² Wa Yasuuv gaal, “Ana huwa. Wa intu bitshuufu Ibn al insaan gaavid van yamiin al Gudra wa jaai fi saḥaab as sama.”

⁶³ Wa ra’iis al gusus sharraṭ hiduumu wa gaal, “Le shinu naḥtaaj bavd da le shaahidiin ziyaada?

⁶⁴ Simivtu_t tajdiif. Fikrakum shinu?” Wa kullahum ḥakamu valeehu ’innu mustaḥigg al moot.

⁶⁵ Wa bavḍ minnahum bigu yabzugu valeehu, wa yaghaṭṭu washshu, wa yaḍrubuuhu, wa yaguulu leehu, “Itnabba!” Wa_l ḥurraas axadoohu wa ḍaraboohu.

BUṬRUS YANKUR YASUUV

⁶⁶ Wa wakit maa Buṭrus kaan tiḥit fi_l ḥoosh, waaḥda min xaddaamaat ra’iis al gusus jaat.

⁶⁷ Wa lamma shaafat Buṭrus yiddaffa, vaayanat leehu wa gaalat, “Inta kamaan kunta mava Yasuuv an Naaṣiri.”

⁶⁸ Wa laakin nakar wa gaal, “Ana maa bavrif al inti taguuli, wa laa bafhamu.” Wa marag le_l ḥoosh al barraani.

⁶⁹ Wa_l xaddaama shaafatu marra taanya, wa ibtadat taguul le_n naas al kaanu waagifiin hinaak, “Az zool da waaḥid minnahum.”

⁷⁰ Wa kaan yankur taani marra. Wa bavd shwaiya, al kaanu waagfiin kaanu yaguulu le Buṭrus, “Be_l ḥagg, inta minnahum, vashaan inta min aj Jaliil.”

⁷¹ Wa biga yalvan nafsu wa yaḥlif wa yaguul, “Ana maa bavrif ar raajil da al intu titkallamu vannu.”

⁷² Wa ṭawwaali ad diik koorak taani marra. Wa Buṭrus itzakkar al kalaam al gaal leehu Yasuuv, “Gubbaal maa ad diik yakoorik marrateen, bitankurni talaata marraat.” Wa lamma fakkar fiihu, ibtada yabki.