Markus 13 - Kitaab al Vahd aj Jadid 1978

VALAAMAT AAXIR AZ ZAMAN

¹ Wa wakit maa hu kaan yamrug min al heekal, waaḥid min talaamiizu gaal leehu, “Yaa Muvallim, shuuf al ḥujaar al kubaar deel! wa_l binaayaat aj jamiila di.”

² Wa Yasuuv gaal leehu, “(?) Tashuuf al binaayaat al vaẓiima di? Maa bixallu hina ḥajar vala ḥajar abadan al maa yarmuuha tiḥit.”

³ Wa wakit maa Yasuuv kaan gaavid vala Jabal az Zeetuun migaabil al heekal, Buṭrus wa Yavkuub wa Yuuḥanna wa Andaraawus sa’aloohu wa hum baraahum, wa gaalu,

⁴ “Kallimna, al ḥaaja di bitkuun miteen? Wa shinu al valaama lamma kull al ḥaajaat di garrabat tatimm?”

⁵ Wa Yasuuv ibtada yaguul leehum, “Xallu baalkum vashaan waaḥid maa bighishshkum.

⁶ Naas kutaar biju b_ismi wa biguulu, Ana huwa! Wa hum bighishshu naas katiiriin.

⁷ Wa lamma tasmavu van ḥuruub wa xabar ḥuruub, maa taxaafu. Laazim al ḥaajaat di taḥṣal. Laakin lissav maa takuun an nihaaya.

⁸ Vashaan umma bitguum vala umma wa mamlaka vala mamlaka. Wa bitkuun fih zalaazil fi maḥallaat muxtalifa. Wa bikuun juuv. Di bidaayat al awjaav.

⁹ Laakin intu, xallu baalkum le nufuuskum, vashaan hum bisallimuukum le_l maḥaakim, wa yaḍrubuukum fi buyuut ar Rabb. Wa bitguumu giddaam mudiiriin wa muluuk fishaanni ana, vashaan takuunu shahaada leehum.

¹⁰ Wa fi_l awwal laazim bibashshiru be_l injiil le kull al umam.

¹¹ Wa lamma bisuuguukum le_l gaḍiyya, wa yasallimuukum, maa tafakkiru katiir gubbaal al wakit van al intu bitguuluuhu. Laakin itkallamu zei maa Allaah biddi leekum fi_s saava diik, vashaan maa intu al mitkallimiin, laakin ar Ruuḥ al Gudus.

¹² Wa_l axu bisallim axuuhu le_l moot, wa_l abu waladu. Wa_l awlaad biguumu vala waalideehum wa bikuunu as sabab vashaan yaktuluuhum.

¹³ Wa_n naas kullu bikrahuukum vashaan xaaṭir ismi. Laakin al yitḥammal lighaayat al aaxir biyaxlaṣ.

¹⁴ Wa lamma tashuufu_sh shi an najis al yaxrab, waagif fi_l maḥall al maa laazim yakuun fih, (xalli_l yagra yafham), fi_l wakit da,

¹⁵ xalluuhum al fi Yahuudiyya yahrabu le_j jibaal, wa huwa_l fih barra min beetu maa yarjav wa yadxul beetu vashaan yashiil ḥaaja.

¹⁶ Wa huwa_l fi_z ziraava maa yarjav vashaan yaaxud toobu.

¹⁷ Wa ḥuzn le_l ḥaamiliin wa_l yaraḍḍivu awlaadum fi_l aiyaam diik!

¹⁸ Wa ṣallu ’innu maa yaḥṣul fi_l xariif.

¹⁹ Valashaan al aiyaam diik bitkuun aiyaam aḍ ḍiig. Wa maa kaan fih ḍiig zei da min wakit maa Allaah xalag ad dunya lighaayat hassav, wa maa bikuun ḍiig zei da abadan.

²⁰ Wa iza ar Rabb maa kaan gaṣṣar al aiyaam, maa fih waaḥid kaan yaxlaṣ. Wa laakin fishaan al muxtaariin al ixtaarum, hu gaṣṣar al aiyaam.

²¹ Wa fi_l wakit daak, iza waaḥid biguul leekum, Shuufu! Ahu da_l Masiiḥ! walla, Shuufu! Huwa hinaak!, maa taṣaddiguuhu.

²² Vashaan Musaḥa kaḍḍaabiin wa anbiya kaḍḍaabiin biguumu, wa biyavmilu valaamaat wa vajaayib ḥatta yaghishshu_l muxtaariin (iza mumkin).

²³ Wa laakin xallu baalkum, ana xabbartakum be kullu shi min gubbaal.

²⁴ Wa laakin fi_l aiyaam deelaak, bavd aḍ ḍiig daak, Ash shamish bitkuun ḍulumma,

²⁵ wa_l gamar maa biddi nuuru. Wa_n nujuum biyagavu min as sama, wa_l guwwaat al fi_s sama bithazzu.

²⁶ Fi_l wakit daak, bishuufu Ibn al insaan jaai fi saḥaab be guwwa kabiira wa be majd.

²⁷ Wa fi_l wakit daak birassil al malaaika, wa bilimm al muxtaariin min al maḥallaat at taju minnaha al arbava Saryaaḥ, wa min aaxir ad dunya le aaxir as sama.

²⁸ Min shajarat at tiin, itvallamu_l masal. Awwal maa_l farav yabga leyyin, wa_l warag yaṭlav, intu bitavrifu_l xariif gariib.

²⁹ Wa kida kamaan, lamma tashuufu_l ḥaajaat di taḥṣul, bitavrifu huwa gariib, vala_l baab.

³⁰ Aguul leekum al ḥagg, naas az zaman da maa bifuutu lighaayat maa yaḥṣul kullu da.

³¹ As sama wa_l arḍ bifuutu, wa laakin kalaami maa bifuut.

³² Laakin be xuṣuuṣ al yoom daak wa_s saava diik, maa fih waaḥid yavrif vannu, wa laa al malaaika al fi_s sama, wa laa al Ibn, illa_l Abu.

³³ Xallu baalkum, wa aḥrasu, wa ṣallu. Vashaan intu maa bitavrifu_l wakit.

³⁴ Huwa zei zool misaafir. Lamma yasiib beetu, yaddi le xaddaamiinu_s sulṭa, le kullu waaḥid fi shughlu. Wa yaamur al bawwaab ’an yaḥras.

³⁵ Valashaan da, aḥrasu, vashaan intu maa bitavrifu_l wakit al biji fiihu rabb al beet, iza fi_l misa, walla fi nuṣṣ al leel, walla wakit kooraak ad diik, walla fi_ṣ ṣabaaḥ.

³⁶ Iza biji biduun xabar, maa taxalluuhu yalgaakum naayimiin.

³⁷ Wa_l ana baguulu leekum, baguulu le_l kull: Aḥrasu.”