Markus 12 - Kitaab al Vahd aj Jadid 1978

MASAL AL MUZAARIVIIN AL BAṬṬAALIIN

¹ Wa ibtada yaguul leehum be amsaal. “Kaan fih zool zarav jineenat al vinab, wa xaṭṭ zariiba ḥawaleeha wa ḥafar ḥufra le vaṣaarat al vinab, wa bana burj. Wa bavdeen ajjaru le muzaariviin, wa saafar le balad taanya.

² Wa lamma wakit at tamar ja, rassal le_l muzaariviin xaddaam, vashaan yaaxud minnahum bavḍ min tamar aj jineena.

³ Wa axadoohu wa ḍaraboohu shadiid, wa rassaloohu faaḍi.

⁴ Wa bavdeen rassal leehum xaddaam taani. Wa jaraḥu raasu, wa shatamoohu.

⁵ Wa bavdeen rassal waaḥid taani, wa kataloohu. Wa kida aaxiriin, ḍarabu bavḍ minnahum, wa katalu bavḍ minnahum.

⁶ Wa kaan lissav vindu ibn waaḥid maḥbuub. Wa fi_l aaxir, rassalu leehum kamaan, wa gaal, Hum biḥtarimu ibni.

⁷ Wa laakin al muzaariviin deelaak gaalu bavḍahum le bavḍ, Da huwa_l waaris. Tavaalu, xalluuna naktulu, wa_l miiraat bikuun leena.

⁸ Wa axadoohu, wa kataloohu, wa ramoohu barra min aj jineena.

⁹ Siid aj jineena biyavmil shinu? Hu biji wa yaxrab al muzaariviin, wa biddi_j jineena le naas taanyiin.

¹⁰ Intu maa gareetu_l maktuub da? Al ḥajar ar rafaḍoohu_l bannaayiin biga raas ar rukun.

¹¹ Da kaan min ar Rabb, Wa huwa vajiib fi vuyuunna.”

¹² Wa jarrabu yagbaḍu valeehu, wa laakin xaafu min an naas. Valashaan hum fihmu ’innu gaal al masal valeehum. Wa kida, xalloohu wa maragu.

AḌ ḌARIIBA LE GEEṢAR

¹³ Wa rassalu leehu bavḍ min al Farriisiyyiin wa bavḍ min al Hiiruudusiin vashaan yagbuḍuuhu fi_l kalaam.

¹⁴ Wa jo leehu wa gaalu, “Yaa Muvallim, binavrif inta taguul al ḥagg, wa maa taghayyir kalaamak vashaan fikr an naas. Valashaan inta maa tavmil farig been an naas, wa laakin tavallim ṭariig Allaah be_l ḥagg. Waajib valeena naddi aṭ ṭulba le Geeṣar, walla laa?

¹⁵ Naddiiha walla maa naddiiha?” Wa laakin Yasuuv virif nifaagum, wa gaal leehum, “Le shinu tajarribuuni? Jiibu leiya diinaar vashaan ashuufu.”

¹⁶ Wa jaaboohu leehu. Wa gaal leehum, “Aṣ ṣuura di ṣuurat minu? wa_l kitaaba kitaabat minu?” Gaalu leehu, “Bitaavat Geeṣar.”

¹⁷ Wa Yasuuv gaal leehum, “Adfavu le Geeṣar ḥaajaat Geeṣar, wa le Allaah ḥaajaat Allaah.” Wa kaanu bistaghrabu minnu.

AZ ZAWAAJ FI_L GIYAAMA

¹⁸ Wa_ṣ Ṣadduugiyyiin jo leehu, al yaguulu maa fih giyaama. Wa kaanu yas’aluuhu, wa yaguulu,

¹⁹ “Yaa Muvallim, Muusa katab leena, iza axu zool yamuut wa yasiib maratu, wa laakin maa vindu walad, laazim axuuhu biyaaxud maratu wa bijiib le axuuhu awlaad.

²⁰ Wa kaanu fih sabva axwaan. Wa_l awwal axad mara, wa maat, wa maa vindu walad.

²¹ Wa_t taani axada, wa maat, wa maa vindu walad. Wa_t taalit kamaan vamal zei da.

²² Wa_s sabva axwaan maa vindahum awlaad. Wa bavd kulluhum, al mara maatat kamaan.

²³ Wa fi_l giyaama lamma biguumu, hiya bitkuun zoojat minu? Vashaan as sabva axadooha takuun leehum zooja.”

²⁴ Wa Yasuuv gaal leehum, “(?) Valashaan kida intu maa ghalṭaaniin? Vashaan maa tafhamu_l Kutub, wa laa guwwat Allaah?

²⁵ Vashaan lamma yaguumu min been al meyyitiin, maa yitzawwaju walla yazawwiju, laakin yakuunu zei al malaaika al fi_s sama.

²⁶ Wa laakin van al meyyitiin al biguumu, maa gareetu fi Kitaab Muusa van ash shajara_ṣ ṣaghaira? keef Allaah gaal leehu, Ana Ilaah Ibraahiim, wa Ilaah Is‐ḥaag, wa Ilaah Yavkuub?

²⁷ Huwa maa Ilaah al meyyitiin, laakin Ilaah al ḥaiyiin. Intu ghalṭaaniin jiddan.”

AL AMR AL AKBAR

²⁸ Wa waaḥid min muvallimiin al gaanuun garrab leehu wa simivum yitkallamu mava bavḍ. Wa lamma shaaf ’innu radda valeehum tamaam, sa’alu, “Yaatu amr al muhimm min al kull?”

²⁹ Yasuuv radda valeehu wa gaal, “Al amr al awwal, huwa: Asmav, yaa Israa’iil. Ar Rabb Ilaahna huwa Rabb waaḥid.

³⁰ Wa taḥibb ar Rabb Ilaahak be kullu galbak, wa kullu nafsak, wa kullu fikrak, wa kullu guwwatak.

³¹ Wa da huwa at taani: Taḥibb gariibak zei nafsak. Maa fih amr akbar min deel.”

³² Wa muvallim al gaanuun gaal leehu, “Samiḥ, yaa Muvallim. Be_l ḥagg gulta Allaah waaḥid, wa maa fih taani illa huwa.

³³ Wa maḥabbatu be kull al galb, wa be kull al fahm, wa be kull al guwwa, wa maḥabbat al gariib zei nafsak, da ahamma min kull aḍ ḍabaayiḥ al maḥruuga wa_ḍ ḍabaayiḥ at taanya.”

³⁴ Wa lamma Yasuuv shaaf huwa radda valeehu be ḥikma, gaal leehu, “Inta maa baviid min malakuut Allaah.” Wa bavd da, kullu waaḥid kaan xaayif yas’alu su’aal taani.

³⁵ Wa wakit maa Yasuuv kaan yavallim fi_l heekal, gaal, “Keef yaguulu muvallimiin al gaanuun ’an al Masiiḥ huwa ibn Daawuud?

³⁶ Daawuud nafsu gaal be_r Ruuḥ al Gudus, Ar Rabb gaal le Rabbi, Agvud van yamiini lighaayat maa baxuṭṭ vudwaanak tiḥit kirveek.

³⁷ Daawuud nafsu yanaadiihu Rabb. Keef huwa yakuun ibnu?” Wa_j jamav al kabiir kaanu yasmavuuhu be faraḥ.

³⁸ Wa fi tavliimu gaal, “Xallu baalkum min muvallimiin al gaanuun. Hum biḥibbu_l mashi be teebaan ṭawiila, wa_s salaamaat fi_l aswaag,

³⁹ wa_l karaasi al awwalaaniyya fi buyuut ar Rabb, wa maḥallaat al muḥtarima fi_l vazuumaat.

⁴⁰ Hum biyaakulu buyuut al araamil, wa yaṣallu ṣalawaat wakit ṭawiila be_l kiḍib. Deel biyagbalu ḥukm akbar.”

HADIYYAT AL ARMALA

⁴¹ Wa Yasuuv gavad janb al xazna. Wa kaan yavaayin keef an naas kaanu yarmu_l filuus fi_l xazna. Wa naas ghaniyyiin katiiriin kaanu yarmu filuus katiir.

⁴² Wa armala miskiina jaat wa ramat milliimeen, wa da agall min tavriifa.

⁴³ Wa Yasuuv naada leehu talaamiizu, wa gaal leehum, “Aguul leekum al ḥagg. Al armala_l miskiina di ramat aktar min kull an naas al yarmu fi_l xazna.

⁴⁴ Valashaan kullahum ramu min katrat maalum, wa laakin di min iḥtiyaaja ramat kull al vindaha, kull al bitviish beehu.”