Markus 11 - Kitaab al Vahd aj Jadid 1978

AD DUXUUL BE_N NAṢR

¹ Wa lamma garrabu min Uurushaliim wa wiṣlu Beetfaaji wa Beetvanya vind Jabal az Zeetuun, rassal itneen min talaamiizu,

² wa gaal leehum, “Amshu le_l ḥilla al giddaamkum, wa ṭawwaali lamma tadxulu fiiha, bitalgu jana ḥumaara marbuuṭ, maa fih waaḥid rikbu abadan. Fikkuuhu, wa jiibuuhu.

³ Wa iza waaḥid biguul leekum, Le shinu tavmilu kida? guulu, Ar Rabb muḥtaaj leehu, wa yarajjivu hina ṭawwaali.”

⁴ Wa maragu, wa ligu jana ḥumaara marbuuṭ vind al baab barra min as sikka. Wa fakkoohu.

⁵ Wa bavḍ min an naas al kaanu waagfiin hinaak gaalu leehum, “Bitavmilu shinu, wa intu tafikku jana_l ḥumaara?”

⁶ Wa gaalu leehum zei maa gaal Yasuuv. Wa_n naas xalloohum yaaxduuhu.

⁷ Wa jaabu jana_l ḥumaara le Yasuuv, wa ramu hiduumum valeehu. Wa Yasuuv gavad foogu.

⁸ Wa naas kutaar farashu hiduumum fi_s sikka, wa taanyiin farashu warag min ash shajar al hum gaṭavu min az ziraavaat.

⁹ Wa hum al itgaddamoohu wa hum at tabavoohu kaanu yakooriku, wa gaalu, “Uuṣanna! Mubaarak huwa aj jaai b_ism ar Rabb!

¹⁰ Mubaaraka mamlakat abuuna Daawuud at jaaiya! Uuṣanna fi_l vaali!”

¹¹ Wa daxal le Uurushaliim wa masha le_l heekal. Wa lamma vaayan ḥawlu le kullu shi, marag le Beetvanya mava_l iṭnaashar, vashaan biga wakit al misa.

YASUUV YANAḌḌIF AL HEEKAL

¹² Wa fi_ṣ ṣabaaḥ, lamma maragu min Beetvanya, Yasuuv kaan javaan.

¹³ Wa shaaf min baviid shajarat tiin, al vindaha warag. Wa masha yashuuf iza yimkin yalga fiiha ḥaaja. Wa lamma wiṣil leeha, maa liga ḥaaja illa warag, valashaan maa kaan al wakit le_t tiin.

¹⁴ Wa gaal leeha, “Maa fih waaḥid biyaakul minnik tamar taani marra abadan.” Wa talaamiizu simivoohu.

¹⁵ Wa jo le Uurushaliim, wa daxal al heekal wa ibtada yaṭrud an naas al kaanu bibiivu wa bishtaru fi_l heekal. Wa galab ṭarabeezaat aṣ ṣarraafiin wa karaasi_n naas al kaanu bibiivu_l ḥamaam.

¹⁶ Wa maa xalla aiyi waaḥid yashiil buḍaava fi wasṭ al heekal.

¹⁷ Wa kaan yavallim wa gaal, “(?) Maa maktuub, Yasammu beeti beet aṣ ṣala le kull al umam? Laakin intu sawweetuuhu maḥall ḥaraamiyya.”

¹⁸ Wa_l gusus al kubaar wa muvallimiin al gaanuun simivu, wa bigu yakuusu ṭariig vashaan yaktuluuhu. Valashaan hum kaanu xaayifiin minnu, vashaan kull an naas itvajjabu min tavliimu.

¹⁹ Wa lamma biga_l misa, maragu min al madiina.

SHAJARAT AT TIIN YEEBAS

²⁰ Wa fi_ṣ ṣabaaḥ wakit maa kaanu maashiin, shaafu shajarat at tiin yibsat lighaayat vuruuga.

²¹ Wa Buṭrus itzakkar wa gaal leehu, “Yaa Saiyid, shuuf! Shajarat at tiin al inta lavantaha yibsat.”

²² Wa Yasuuv radda valeehum wa gaal, “Xalli yakuun leekum iimaan be Allaah.

²³ Aguul leekum al ḥagg, aiyi zool al yaguul le_j jabal da, Amrug, wa armi nafsak fi_l baḥar, wa hu maa bishikk fi galbu, laakin yaṣaddig al huwa yaguulu yaḥṣul, da bikuun vindu.

²⁴ Valashaan kadi, aguul leekum, kull al intu taṭlubuuhu fi_ṣ ṣala, ṣaddigu ’innakum bitagbaluuhu, wa yakuun leekum.

²⁵ Wa lamma tagiifu wa taṣallu, aghfiru iza vindakum aiyi shi vala zool, vashaan Abuukum kamaan al fi_s sama yaghfir leekum xaṭaayaakum.

²⁶ Wa iza intu maa taghfiru, Abuukum al fi_s sama maa yaghfir xaṭaayaakum.”

²⁷ Wa jo le Uurushaliim marra taanya. Wa wakit maa huwa kaan maashi fi_l heekal, al gusus al kubaar wa muvallimiin al gaanuun wa_sh shuyuux jo leehu,

²⁸ wa gaalu leehu, “Be yaata sulṭa bitavmil al avmaal di? Wa minu addaak as sulṭa di vashaan tavmil al ḥaajaat di?”

²⁹ Yasuuv gaal leehum, “Wa ana kamaan bas’alkum su’aal waaḥid. Ruddu valeiya, wa ana aguul leekum be yaata sulṭa basawwi_l ḥaajaat di.

³⁰ Mavmuudiyyat Yuuḥanna kaanat min as sama walla min an naas? Ruddu valeiya.”

³¹ Wa itkallamu mava bavḍ, wa gaalu, “Iza naguul, Min as sama, huwa biguul, Le shinu maa ṣaddagtuuhu?

³² Wa laakin iza naguul, Min an naas, … ” Wa hum kaanu xaayifiin min an naas, vashaan kull an naas ḥasabu ’innu Yuuḥanna nabi ḥagiigi.

³³ Vashaan da, raddu vala Yasuuv wa gaalu, “Maa binavrif.” Wa Yasuuv gaal leehum, “Wa laa ana baguul leekum be yaata sulṭa basawwi_l ḥaajaat di.”