Markus 1 - Kitaab al Vahd aj Jadid 1978

YUUḤANNA AL MAVMADAAN YAJAHHIZ AS SIKKA

¹ Bidaayat injiil Yasuuv al Masiiḥ Ibn Allaah.

² Zei maa maktuub fi kitaab an nabi Ishavyaa, “Shuuf, ana barassil mursaal giddaamak, al biḥaḍḍir ṭariigak.

³ Ṣoot bikoorik fi_l xala, wa yaguul, Ḥaḍḍiru ṭariig ar Rabb, wa avmilu_s sikka bitaavtu vadiila.”

⁴ Yuuḥanna al Mavmadaan ẓahar fi_l xala, wa kaan yabashshir be mavmuudiyyat at tooba, le ghufraan al xaṭaaya.

⁵ Wa kull an naas min bilaad al Yahuudiyya maragu leehu, wa kullu naas Uurushaliim. Wa kaanu yitvammadu minnu fi Baḥar al Urdunn, wa kaanu yaṭallivu xaṭaayaahum.

⁶ Wa Yuuḥanna kaan yalbas hiduum min shavr aj jamal, wa yarbuṭ ḥizaam min jild fi wasṭu, wa yaakul jiraad wa vasal al xala.

⁷ Wa kaan bibashshir wa biguul, “Biji waaḥid bavdi gawwi minni, wa ana maa mustaḥigg adangir wa afikk rabaaṭ jizamu.

⁸ Ana vammadtakum be_l mooya, laakin huwa maashi yavammidkum be_r Ruuḥ al Gudus.”

⁹ Wa fi_l aiyaam deel, Yasuuv ja min Naaṣira al fi_l Jaliil, wa Yuuḥanna vammadu fi_l Urdunn.

¹⁰ Wa Yasuuv, lamma ṭalav min al mooya, ṭawwaali shaaf as sama maftuuḥa, wa_r Ruuḥ naazil zei ḥamaama foogu.

¹¹ Wa ṣoot ja min as sama wa gaal leehu, “Inta Ibni_l ḥabiib, wa ana mabsuuṭ minnak.”

¹² Wa ṭawwaali, ar Ruuḥ gaadu le_l xala.

¹³ Wa huwa gavad fi_l xala arbaviin yoom, wa_sh Sheeṭaan kaan bijarribu. Wa kaan mava ḥayawaanaat al xala, wa_l malaaika kaanat taxdimu.

IXTIYAAR ARBAV TALAAMIIZ

¹⁴ Wa bavd maa Yuuḥanna kaan maḥbuus, Yasuuv ja le_j Jaliil, wa bashshar be injiil Allaah.

¹⁵ Wa gaal, “Al wakit kimil, wa malakuut Allaah garrab. Tuubu, wa ṣaddigu be_l injiil.”

¹⁶ Wa wakit maa Yasuuv kaan maashi jamb Baḥar aj Jaliil, hu shaaf Simvaan wa Andaraawus, axu Simvaan yarmu_sh shabaka fi_l baḥar, fishaan hum kaanu ṣaiyaadeen.

¹⁷ Wa Yasuuv gaal leehum, “Tavaalu waraai, wa ana bavmilkum ṣaiyaadeen an naas.”

¹⁸ Wa ṭawwaali xallu shabakaatum wa mashu waraahu.

¹⁹ Wa hu masha giddaam shwaiya, wa shaaf Yavkuub walad Zabadi wa Yuuḥanna axuuhu, wa hum kaanu fi murkabum biṣalliḥu shabakaatum.

²⁰ Wa ṭawwaali huwa naadaahum. Wa hum saabu abuuhum Zabadi fi_l murkab mava_sh shaghghaaliin, wa mashu waraahu.

²¹ Wa mashu le Kafranaaḥuum. Wa ṭawwaali fi yoom as sabit daxal beet ar Rabb wa biga yavallim.

²² Wa istaghrabu min tavliimu, valashaan hu kaan yavallimum zei waaḥid vindu sulṭa, wa maa zei muvallimiin al gaanuun.

²³ Wa ṭawwaali kaan fi beet ar Rabb raajil leehu ruuḥ najis.

²⁴ Wa huwa koorak, wa gaal, “Maalna wa maalak, yaa Yasuuv an Naaṣiri? Inta jiit vashaan taxrabna? Ana vaarif minu inta. Inta Gudduus Allaah.”

²⁵ Wa laakin Yasuuv gaal be guwwa, “Askut, w_aṭlav minnu!”

²⁶ Wa_r ruuḥ an najis hazzu shadiid, wa koorak be ṣoot vaali, wa ṭalav minnu.

²⁷ Wa kull an naas istaghrabu jiddan jiddan, wa itkallamu mava bavḍ wa gaalu, “Da shinu? Tavliim jadiid! Be sulṭa hu yaamur al arwaaḥ an najisa wa hum bismavuuhu.”

²⁸ Wa ṭawwaali al xabar vannu masha le kullu bilaad aj Jaliil.

²⁹ Wa ṭawwaali maragu min beet ar Rabb, wa mashu le beet Simvaan wa Andaraawus, mava Yavkuub wa Yuuḥanna.

³⁰ Wa kaanat umm marat Simvaan raagda, vaiyaana be ḥumma. Wa ṭawwaali kallamoohu vanna.

³¹ Wa huwa ja wa masaka be iida wa rafava. Wa_l ḥumma faatat minnaha. Wa hiya bigat taxdimum.

³² Wa fi_l misa, bavd al maghrib, an naas jaabu leehu kull al vaiyaaniin wa kull al fiihum sheyaaṭiin.

³³ Wa naas al balad kulluhum itlammu vind al baab.

³⁴ Wa huwa shafa naas kutaar kaanu vaiyaaniin be amraaḍ muxtalifa, wa marrag sheyaaṭiin katiira. Wa maa xalla_sh sheyaaṭiin yitkallamu, fishaan hum virfu huwa minu.

³⁵ Wa Yasuuv gaam badri fi_ṣ ṣabaaḥ, wa_l waaṭa lissav ḍulumma, wa marag wa masha le_l xala. Wa ṣalla hinaak.

³⁶ Wa Simvaan wa_l kaanu mavaahu mashu yafattishu valeehu.

³⁷ Wa lamma ligoohu, gaalu leehu, “Kull an naas yafattishu valeek!”

³⁸ Wa huwa gaal leehum, “Xalliina namshi le maḥall taani, le_l bilaad al gariiba, vashaan abashshir hinaak kamaan. Fishaan da ana jiit.”

³⁹ Wa masha fi_j Jaliil kullaha, wa kaan yabashshir fi buyuut ar Rabb wa yamarrig ash sheyaaṭiin.

AR RAAJIL AL VINDU_J JIZAAM

⁴⁰ Wa waaḥid vindu jizaam garrab leehu wa ṭalab minnu, wa rakav wa gaal leehu, “Iza inta vaawiz, inta tagdar tanaḍḍifni.”

⁴¹ Wa Yasuuv ḥanna valeehu, wa madda iidu wa limsu, wa gaal leehu, “Ana vaawiz. Kuun naḍiif!”

⁴² Wa ṭawwaali aj jizaam faat minnu, wa hu biga naḍiif.

⁴³ Wa amaru be shidda wa ṣarafu ṭawwaali,

⁴⁴ wa gaal leehu, “Shuuf maa takallim aiya ḥaaja le aiyi zool abadan. Laakin amshi, wa warri nafsak le_l gassiis, wa gaddim aḍ ḍabiiḥa valashaanak bigiit naḍiif, zei maa amar Muusa, vashaan shahaada le_n naas.”

⁴⁵ Wa laakin hu marag wa biga yakallim ḥaajaat katiira vannu giddaam an naas, wa yaxabbirum. Wa kida Yasuuv maa kaan bigdar yadxul madiina, laakin gavad fi_l xala. Wa_n naas jo leehu min kullu maḥall.