Luuga 17 - Kitaab al Vahd aj Jadid 1978

AL XAṬIYYA, AL IIMAAN, WA_L WAAJIB

¹ Wa gaal le talaamiizu, “Al ḥaajaat al bitkuun sabab al xaṭiyya le_n naas laazim taji, wa laakin muṣiiba le_z zool al bijiib al ḥaajaat di.

² Aḥsan leehu iza kaan rabaṭu murḥaaka kabiira fi ragabtu wa birmuuhu fi_l baḥar, min ’an yakuun sabab al xaṭiyya le waaḥid min aṣ ṣughaar deel.

³ Xallu baalkum le nufuuskum. Wa iza kaan axuuk yavmil xaṭiyya leek, kallimu ghalaṭu. Wa iza taab, aghfir leehu.

⁴ Wa iza yavmil xaṭiyya leek sabva marraat fi_l yoom wa yaguul, Ana batuub, aghfir leehu.”

⁵ Wa_r rusul gaalu le_r Rabb, “Ziid iimaanna.”

⁶ Wa_r Rabb gaal, “Iza vindakum iimaan zei teeraab xardal, kuntu bitguulu le_sh shajara di, Amrugi min al arḍ, wa kuuni mazruuva fi_l baḥar. Wa bikuun kida.

⁷ Xalluuna naguul waaḥid minnakum vindu xaddaam bishtaghil fi_z ziraava, walla biḥras al xirfaan. (?) Huwa biguul leehu wakit maa ja min az ziraava, Tavaal ṭawwaali wa agvud wa ukul?

⁸ Laa! Laakin yaguul leehu, Jahhiz leiya al vasha, wa axdimni lighaayat maa baakul wa bashrab. Wa bavd da, inta bitaakul wa bitashrab.

⁹ (?) Huwa bishkur al xaddaam da vashaan vamal zei maa amaru?

¹⁰ Wa kida intu kamaan bavd maa vamaltu kullu shi Allaah amarkum beehu, guulu, Niḥna xaddaamiin maa vindana faaida. Vamalna bass al laazim navmilu.”

SHIFA AL VASHARA AL VINDAHUM JIZAAM

¹¹ Wa fi safaru le Uurushaliim, Yasuuv masha been as Saamira wa_j Jaliil.

¹² Wa lamma kaan yadxul al ḥilla, gaabaloohu vashara rujaal vindahum jizaam. Wa wagafu min baviid,

¹³ wa kooraku wa gaalu, “Yaa Yasuuv, yaa Saiyid, arḥamna!”

¹⁴ Wa lamma shaafum, gaal leehum, “Amshu wa warru nufuuskum le_l gusus.” Wa lamma kaanu maashiin, bigu nuḍaaf.

¹⁵ Wa waaḥid minnahum lamma shaaf ’innu biga ṭaiyib, rajav yaḥmad Allaah be ṣoot vaali.

¹⁶ Wa wagav vala washshu giddaam Yasuuv yashkuru. Wa hu kaan Saamiri.

¹⁷ Wa Yasuuv radda wa gaal, “Maa kaanu vashara al bigu ṭaibiin? Ween at tisva?

¹⁸ Maa fih zool rajav yaḥmad Allaah illa al ghariib da?”

¹⁹ Wa gaal leehu, “Guum wa amshi. Iimaanak shafaak.”

MALAKUUT ALLAAH JAAI

²⁰ Wa_l Farriisiyyiin sa’aloohu wa gaalu, “Malakuut Allaah biji miteen?” Wa hu radda valeehum wa gaal, “Malakuut Allaah maa biji be_ṭ ṭariig al bishuufuuhu be_l vuyuun.

²¹ Wa maa biguulu, Ahu hina, walla, Ahu hinaak. Vashaan malakuut Allaah fi wasiṭkum.”

²² Wa gaal le talaamiizu, “Aiyaam bitaji lamma taḥibbu tashuufu yoom waaḥid min aiyaam Ibn al insaan, wa maa bitshuufuuhu.

²³ Wa biguulu leekum, Huwa hina! Huwa hinaak! Maa tamshu wa tatbavuuhum.

²⁴ Vashaan zei al barg yanawwir as sama min jiha waaḥda le_t taanya, fi yoom Ibn al insaan bikuun kida kamaan.

²⁵ Wa laakin fi_l awwal, hu laazim yitvazzab katiir, wa naas az zaman da birfuḍuuhu.

²⁶ Wa zei maa kaan fi aiyaam Nuuḥ, bikuun kida kamaan fi aiyaam Ibn al insaan.

²⁷ Kaanu yaakulu wa yashrabu wa yazawwiju wa yitzawwaju lighaayat al yoom lamma Nuuḥ daxal al murkab. Wa_l mooya jaat wa ghaṭṭat kullu ḥaaja wa xarabum kulluhum.

²⁸ Wa kaan zei da fi aiyaam Luuṭ, kaanu yaaklu wa yashrabu wa yashtaru wa yabiivu wa yazravu wa yabnu.

²⁹ Laakin fi_l yoom lamma Luuṭ ṭalav min Saduum, naar wa kibriit nazalu min as sama, wa kulluhum maatu.

³⁰ Wa bikuun kida kamaan fi_l yoom al fiihu Ibn al insaan yaẓhar.

³¹ Wa_z zool al bikuun barra min al beet, maa yadxul vashaan yashiil vafashu. Wa_l fi ziraavtu, maa yarjav le beetu.

³² Itzakkaru marat Luuṭ.

³³ Kullu ad daayir yaḥfaẓ nafsu, yawaddira. Wa kull al yawaddir nafsu, yaḥfaẓa.

³⁴ Baguul leekum, fi_l leela diik, itneen bikuunu foog vangareeb waaḥid, biyaaxudu waaḥid minnahum wa bixallu_t taani.

³⁵ Wa itneen niswaan yaṭ‐ḥanu sawa. Biyaaxudu_l waaḥda, wa bixallu_t taanya.

³⁶ Wa itneen bikuunu fi_z ziraava, biyaaxudu_l waaḥid, wa bixallu_t taani.”

³⁷ Wa raddu wa gaalu leehu, “Ween, yaa Rabb?” Wa gaal leehum, “Al maḥall al bikuun fiihu_j jism al meyyit, hinaak as suguur bilimmu.”