Ghalaaṭiyya 5 - Kitaab al Vahd aj Jadid 1978

ḤURRIYYA FI_L MASIIḤ

¹ Vashaan al Masiiḥ ḥarrarna be_l ḥurriyya di, kuunu saabitiin fiiha, wa maa tarjavu taṭiivu le niir al vubuudiyya.

² Shuufu! Ana Buulus baguul leekum, ’in ṭahharookum, al Masiiḥ maa vindu faaida leekum.

³ Wa ash‐had kamaan le kullu zool muṭahhar, hu laazim yaṭiiv al gaanuun kullu.

⁴ Intu_l vaawziin titbarraru be_l gaanuun, gaṭavookum min al Masiiḥ, wa wagavtu min an nivma.

⁵ Vashaan niḥna be_r Ruuḥ, be_l iimaan, nistanna rajaa al birr.

⁶ Vashaan fi_l Masiiḥ Yasuuv, aṭ ṭahuur maa leehu faaida, walla_l maa muṭahhar, laakin al iimaan al bishtaghil be_l maḥabba.

⁷ Kuntu bitajru kwaiyis. Minu waggafkum ḥatta maa taṭiivu_l ḥagg?

⁸ Al vamal da mush min al binaadiikum.

⁹ Xamiira ṣaghaira tashtaghil fi kullu_l vajiin.

¹⁰ Ana mittakil valeekum fi_r Rabb, intu maa bitaftakiru ḥaaja taanya. Aiyi zool al yalaxbiṭkum, maashi yitḥammal al ḥukm.

¹¹ Laakin ana, yaa axwaan, iza kaan lissav banaadi be_ṭ ṭahuur, le shinu lissav biṭruduuni? Fi_l ḥaala diik, vatrat aṣ ṣaliib faatat.

¹² Ana vaawiz al yaṭahhiruukum, yagṭavu nufuusum kamaan!

ḤAYAAT BE_R RUUḤ

¹³ Yaa axwaan, Allaah naadaakum le_l ḥurriyya. Laakin maa tasawwu_l ḥurriyya furṣa le_j jisim, laakin axdimu bavḍakum bavḍ be_l maḥabba.

¹⁴ Vashaan kull al gaanuun yatimm fi kilma waaḥda, “Ḥibb gariibak zei nafsak.”

¹⁵ Wa iza tavuḍḍu wa tablavu bavḍakum bavḍ, shuufu vashaan maa taxarribu bavḍakum bavḍ.

¹⁶ Vashaan kida baguul, amshu be_r Ruuḥ, wa kida maa bitkammilu shahwaat aj jisim.

¹⁷ Vashaan shahwaat aj jisim tavaakis ar Ruuḥ, wa_r Ruuḥ yavaakis aj jisim. Al itneen deel yavaakisu, waaḥid minnahum vala_t taani, ḥatta maa tavmilu_l vaawziinu.

¹⁸ Laakin iza kaan ar Ruuḥ yaguudkum, intu maa tiḥit al gaanuun.

¹⁹ Wa avmaal aj jisim beyyina, wa hiya az zina, wa_n najaasa, wa_s safaaḥa,

²⁰ wa vibaadat al aṣnaam, wa_s saḥar, wa_l vadaawa, wa_l xuṣuuma, wa_l ḥasad, wa_l ghaḍab, wa maḥabbat an nafs, wa_sh shaklaat, wa_l agsaam,

²¹ wa_ṭ ṭamav, wa_s sukr, wa_l ḥaflaat al baṭṭaala, wa ḥaajaat zei di. Aḥazzirkum minnaha kamaan, zei maa ḥazzartakum gubbaal da. Al bivmilu ḥaajaat zei di, maa biyoorasu malakuut Allaah.

²² Laakin tamar ar Ruuḥ, huwa al maḥabba, wa_l faraḥ wa_s salaam, wa_ṣ ṣabr, wa_r raḥma, wa_ṣ ṣalaaḥ, wa_l amaana,

²³ wa_l wadaava, wa masik an nafs. Wa maa fih gaanuun ḍidd ḥaajaat zei di.

²⁴ Laakin an naas, bituuv al Masiiḥ Yasuuv, ṣalabu_j jisim mava_l ḥubb wa_sh shahwaat.

²⁵ Iza naviish be_r Ruuḥ, xalluuna namshi kamaan be ḥasab ar Ruuḥ.

²⁶ Waajib valeena ’an maa nashkur nufuusna, walla nazavvil bavḍana bavḍ, walla naḥsud bavḍana bavḍ.