Ghalaaṭiyya 3 - Kitaab al Vahd aj Jadid 1978

IIMAAN WALLA HIFẒ AL GAANUUN

¹ Yaa naas Ghalaaṭiyya al baliidiin! Minu saḥarkum? Intu_l giddaam vuyuunkum Yasuuv al Masiiḥ kaan muṣawwar beenkum maṣluub.

² Baduur atvallam minnakum da bass. Gibiltu_r Ruuḥ be avmaal al gaanuun? walla be xabar al iimaan?

³ Kida intu baliidiin gadur da? Bavd maa ibtadeetu be_r Ruuḥ, hassav bitkammalu be_j jisim?

⁴ Tivibtu gadur da biduun faaida? Iza be_l ḥagg yakuun biduun faaida.

⁵ Al biddiikum Ruuḥu wa biyavmil vajaayib beenkum, hu biyavmilu valashaan intu taḥfaẓu_l gaanuun walla vashaan bit’aaminu as simivtuuhu?

⁶ Wa kida, “Ibraahiim aaman be Allaah, wa daak itḥasab leehu birr.”

⁷ Valashaan kida, afhamu, deel al bi’aaminu, hum awlaad Ibraahiim.

⁸ Al Kitaab itgaddam wa shaaf ’an Allaah yabarrir al umam be_l iimaan. Wa bashshar Ibraahiim min gubbaal wa gaal, “Kullu_l umam yakuunu mubaarakiin fiik.”

⁹ Valashaan kida, hum al vindahum iimaan, yitbaaraku mava Ibraahiim al mi’aamin.

¹⁰ Kullu_l bittakilu vala avmaal al gaanuun, hum tiḥit lavna. Vashaan maktuub, “Malvuun kullu waaḥid maa yistamirr fi kullu_l maktuub fi Kitaab al Gaanuun vashaan yavmil beehu.”

¹¹ Wa hassav baayin wa laa waaḥid yitbarrar giddaam Allaah be_l gaanuun. Vashaan, “Al baarr biviish be_l iimaan.”

¹² Al gaanuun mush min al iimaan. Be_l vaks, “Az zool al bivmil al ḥaajaat di, biviish beeha.”

¹³ Al Masiiḥ fadaana min lavnat al gaanuun, valashaan huwa biga lavna fishaanna. Valashaan maktuub, “Malvuun kullu waaḥid itvallag vala shajara.”

¹⁴ Hu fadaana vashaan barakat Ibraahiim takuun le_l umam fi_l Masiiḥ Yasuuv, vashaan nagbal wavad ar Ruuḥ be_l iimaan.

AL GAANUUN WA_L WAVAD

¹⁵ Yaa axwaan, baguul leekum masal min ḥayaat az zool. Maa fih insaan yagdar yawaggif walla yaziid vala ittifaag az zool al kaan masabbat.

¹⁶ Allaah wavad Ibraahiim wa waladu. Wa_l Kitaab maa biguul, “Wa le_l awlaad,” yavni le naas katiiriin, laakin, “Wa le waladak,” yavni le waaḥid, al huwa_l Masiiḥ.

¹⁷ Wa baguul da: Allaah min gubbaal vamal ittifaag wa wavad yaḥfaẓu. Al gaanuun aj ja bavd urbuvmiyya wa talaatiin sana, maa bigdar yabaṭṭil al ittifaag daak, wa kida yasawwi_l wavad biduun faaida.

¹⁸ Vashaan iza kaan al miiraat be_l gaanuun, maa bitkuun bavd da be_l wavad. Laakin Allaah addaaha le Ibraahiim be_l wavad.

¹⁹ Valashaan kadi le shinu al gaanuun? Allaah zaadu be sabab az zunuub, lighaayat maa al Walad al huwa wavad beehu yaji. Al gaanuun ja be tartiib malaaika vala iid wasiiṭ.

²⁰ Wa maa fih iḥtiyaaj le wasiiṭ, lamma yakuun fih zool waaḥid. Wa Allaah waaḥid.

²¹ Valashaan kida, al gaanuun ḍidd wuvuud Allaah? Abbadan! Iza Allaah kaan adda gaanuun gidir yaddi ḥayaat, be_l ḥagg al birr kaan ja be_l gaanuun.

²² Wa laakin al Kitaab ḥabas kullu_d dunya tiḥit guwwat al xaṭiyya. Wa kaan kida vashaan yaddi_l ḥaaja al hu wavad beeha be iimaan be Yasuuv al Masiiḥ, le_l mi’aaminiin.

AWLAAD ALLAAH

²³ Wa laakin gubbaal maa_l iimaan ja, niḥna kunna maḥfuuẓiin tiḥit al gaanuun, wa magfuul valeena ḥatta_l iimaan aj jaai yaẓhar.

²⁴ Wa kida al gaanuun kaan muvallimna al biguudna le_l Masiiḥ, vashaan nitbarrar be_l iimaan.

²⁵ Wa laakin bavd maa ja al iimaan, niḥna bavd da mush tiḥit muvallim al gaanuun.

²⁶ Vashaan kullukum awlaad Allaah be_l iimaan be_l Masiiḥ Yasuuv.

²⁷ Vashaan kullukum al itvammadtu le_l Masiiḥ, libistu_l Masiiḥ.

²⁸ Wa kida, maa fih Yahuudi walla Griigi. Maa fih vabd walla ḥurr. Maa fih raajil walla mara. Vashaan kullukum waaḥid fi_l Masiiḥ Yasuuv.

²⁹ Iza kaan intu le_l Masiiḥ, kida intu awlaad Ibraahiim, wa wurraat be ḥasab al wavad.