Fiilibbi 2 - Kitaab al Vahd aj Jadid 1978

TAWAAḌUV WA VAẒAMAT AT MASIIḤ

¹ Kida, iza vindakum kalaam shujaava fi_l Masiiḥ, iza aiya tavziya be maḥabbatu, iza aiya sharika fi_r Ruuḥ, iza aiya maḥabba wa raḥma,

² kammilu faraḥi wa taftakiru nafs al fikr. Kuunu leekum maḥabba waaḥda, wa nafs waaḥda, wa fikr waaḥid.

³ Maa tavmilu aiyi shi be maḥabbat an nafs, walla be kibr. Wa laakin xuṭṭu nufuuskum tiḥit, wa aḥsibu_t taanyiin aḥsan min nufuuskum.

⁴ Kullu waaḥid minnakum maa yaxuṭṭ baalu le ḥaajaat nafsu bass, laakin le ḥaajaat naas taanyiin kamaan.

⁵ Xalli_l fikr da bikuun fiikum, al fikr al fi_l Masiiḥ Yasuuv:

⁶ Hu kaan Allaah fi nafsu, wa laakin maa iftakar huwa laazim yistamirr yamsik sulṭatu yakuun waaḥid mava Allaah.

⁷ Laakin xalla nafsu, wa axad ṣuurat vabd, wa kaan mawluud fi shabh bani Aadam.

⁸ Wa kaan zei insaan fi_l manẓar, wa xaṭṭ nafsu tiḥit, wa ṭaav Allaah lighaayat al moot, moot aṣ ṣaliib!

⁹ Valashaan da, Allaah raffavu, wa addaahu_l ism al foog kullu ism taani,

¹⁰ vashaan be ism Yasuuv, kullu rukba bitarkav fi_s sama, wa vala_l arḍ, wa tiḥit al arḍ.

¹¹ Wa kullu lisaan yavtarif ’an Yasuuv al Masiiḥ huwa Rabb, le majd Allaah al Abu.

¹² Vala kida, yaa aṣ‐ḥaabi_l maḥbuubiin, zei maa simivtu kalaami kullu wakit, kammilu xalaaṣkum be xoof wa rajf, mush lamma ana fih mavaakum bass, laakin aktar be katiir hassav, wakit ana maa fih.

¹³ Fishaan Allaah huwa_l vaamil fiikum al iraada wa_l vamal vashaan tavmilu_l ḥaajaat at taddiihu faraḥ.

¹⁴ Avmilu kullu shi biduun al managnaga wa_l kalaam al katiir.

¹⁵ Vashaan bitkuunu biduun loom wa nuḍaaf, awlaad Allaah biduun ghalaṭ fi wasiṭ jiil mavawwaj wa mitmarrid. Wa intu tanawwiru beenum zei nijuum fi_d dunya,

¹⁶ migaddimiin kilmat al ḥayaat. Iza tavmilu kida, ana bagdar bafxur fi yoom al Masiiḥ, fishaan maa jareet saakit wa laa tivibta biduun faaida.

¹⁷ Wa iza yakubbuuni zei tagdiim vala ḍabiiḥat iimaankum wa xidmatu, ana mabsuuṭ wa afraḥ mava kullukum.

¹⁸ Wa intu kamaan, kuunu mabsuuṭiin w_afraḥu mavaai.

TIIMUTAAWUS WA ABAFRUUDITUS

¹⁹ Ana vindi rajaa fi_r Rabb Yasuuv barassil leekum Timutaawus bavd shwaiya, vashaan ana kamaan bakuun farḥaan lamma asmav xabar vankum.

²⁰ Maa vindi waaḥid zeiyu, al yahtamm be ḥaalkum be ixlaaṣ.

²¹ Vashaan kullu waaḥid minnahum yahtammu be aḥwaal nufuusum, wa mush le ḥaal Yasuuv al Masiiḥ.

²² Wa laakin intu vaarfiin keef hu warra faaidatu, wa huwa xadam mavaai fi_l injiil, zei walad mava abuuhu.

²³ Fishaan kida, ana vindi rajaa arassilu leekum awwal maa ashuuf keef bikuun ḥaali.

²⁴ Wa laakin ana mit’akkid be_r Rabb, ’inni ana kamaan baji gariib.

²⁵ Wa laakin shufta laazim arassil leekum Abafruuditus, axuui, wa_l vaamil mavaai, wa_l vaskari mavaai, wa rasuulkum, wa_l xadamni fi iḥtiyaaji.

²⁶ Valashaan hu vaawiz yashuufkum kullukum katiir xaaliṣ, wa huwa ḥaziin jiddan fishaan intu simivtu hu kaan vaiyaan.

²⁷ Ṣaḥiiḥ, hu kaan vaiyaan, wa garrab le_l moot. Wa laakin Allaah raḥamu, wa maa raḥamu huwa bass, laakin ana kamaan, vashaan maa bikuun leiya ḥuzn vala ḥuzn.

²⁸ Vala kida, rassaltu ṭawwaali, vashaan intu bitafraḥu lamma bitshuufuuhu marra taanya, wa ḥuzni bikuun agall.

²⁹ Kida, agbaluuhu fi_r Rabb be kullu faraḥ. Wa iḥtarimu naas zeiyu.

³⁰ Valashaan hu kaan gariib min al moot fishaan vamal al Masiiḥ, wa xaaṭar be ḥayaatu vashaan yakammil xidmatkum an naagṣa leiya.