Avmaal 9 - Kitaab al Vahd aj Jadid 1978

IXTIYAAR WA XALAAṢ SHAAWUUL

¹ Laakin Shaawuul kaan lissav yitkallam tahdiid, wa kalaam katal ḍidd talaamiiz ar Rabb. Wa hu masha le ra’iis al gusus.

² Wa ṭalab minnu jawaabaat le biyuut ar Rabb bitaavat al Yahuud fi Dimashk, vashaan iza liga naas aṭ Ṭariig, rujaal wa niswaan, bisuugum marbuuṭiin le Uurushaliim.

³ Wa fi safaru, lamma garrab min Dimashk, ṭawwaali itnawwar giddaamu nuur min as sama.

⁴ Wa wagav vala_l arḍ, wa simiv ṣoot yaguul leehu, “Yaa Shaawuul, yaa Shaawuul, le shinu bitaṭrudni?”

⁵ Wa Shaawuul gaal, “Inta minu, yaa Saiyid?” Wa gaal, “Ana Yasuuv al inta bitaṭrudu.

⁶ Guum w_adxul al madiina, wa biguulu leek al laazim tavmilu.”

⁷ Wa_r rujaal al misaafiriin mavaahu wagafu saakitiin, vashaan simivu _ṣ ṣoot, laakin maa shaafu zool.

⁸ Wa Shaawuul gaam min al arḍ, wa lamman fataḥ vuyuunu, maa gidir yashuuf ḥaaja. Wa gaadoohu be iidu, wa jaaboohu le Dimashk.

⁹ Wa gavad talaata aiyaam wa maa shaaf, wa maa akal, wa maa shirib.

¹⁰ Wa kaan fi Dimashk tilmiiz ismu Ḥanaaniyya. Wa_r Rabb gaal leehu fi ru’ya, “Yaa Ḥanaaniyya!” Wa hu gaal, “Ahu ana, yaa Rabb!”

¹¹ Wa_r Rabb gaal leehu, “Guum w_amshi le shaariv ismu_d Dughri, w_as’al fi beet Yahuuza van raajil min Ṭarsuus ismu Shaawuul. Wa shuuf! hu gaavid biṣalli.

¹² Wa shaaf fi ru’ya raajil ismu Ḥanaaniyya bidxul wa bixuṭṭ iideehu foogu, vashaan yaftaḥ vuyuunu, vashaan yashuuf.”

¹³ Wa laakin Ḥanaaniyya radda wa gaal, “Yaa Rabb, simivta min katiiriin van ar raajil da, be kull al ḥaajaat al baṭṭaala al hu vamal le giddiisiinak fi Uurushaliim.

¹⁴ Wa kamaan vindu izin min al gusus al kubaar vashaan yaji hina wa yagbuḍ kullu_l binaadu b_ismak.”

¹⁵ Laakin ar Rabb gaal leehu, “Amshi, vashaan huwa burma muxtaara le yashiil ismi giddaam al umam wa_l muluuk wa bani Israa’iil.

¹⁶ Wa ana bawarriihu kam laazim yitwajjav vashaan ismi.”

¹⁷ Wa Ḥanaaniyya marag wa daxal al beet, wa xaṭṭ iideehu foogu wa gaal, “Yaa axi Shaawuul, ar Rabb Yasuuv aẓ ẓahar leek fi_s sikka fi_l wakit al inta jaai hina, hu rassalni vashaan vuyuunak bitkuun maftuuḥa, wa inta bitkuun malyaan be_r Ruuḥ”

¹⁸ Wa fi_l akit da, wagav min vuyuunu ḥaaja zei gishir, wa gidir yashuuf marra taanya. Wa gaam wa itvammad.

¹⁹ Wa akal wa biga shadiid. Wa gavad mava at talaamiiz al fi Dimashk aiyaam galiila.

²⁰ Wa ṭawwaali ibtada yabashshir fi biyuut ar Rabb be Yasuuv ’innu Ibn Allaah.

²¹ Wa kullu_s simivoohu itvajjabu wa gaalu, “(?) Da huwa_l aan biktul fi Uurushaliim al binaadu be_l Isim da? Wa hu ja hina vashaan yasuugum marbuuṭiin le_l usus al kubaar.”

²² Laakin Shaawuul kaan biziid fi guwwa, wa yaḥayyir al Yahuud as saakniin fi Dimashk, wa yasabbit ’innu da huwa_l Masiḥ.

²³ Wa lamma tammat aiyaam katiira, al Yahuud ittafagu be_s sirr alashaan yaktuluuhu.

²⁴ Wa laakin Shaawuul virif as sirr bitaavum. Wa hum kaanu biḥrusu_l abwaab leel wa nahaar vashaan yaktuluuhu.

²⁵ Wa talaamiizu axadoohu fi_l leel wa nazzaloohu min al ḥeeṭa fi guffa.

²⁶ Wa lamma ja le Uurushaliim, jarrab yajtamiv mava_t talaamiiz. Laakin kulluhum kaanu bixaafu minnu, wa maa ṣaddagu huwa tilmiiz.

²⁷ Laakin Barnaaba axadu wa jaabu le_r rusul, wa ḥaka leehum keef Shaawuul shaaf ar Rabb fi_s sikka wa ’innu_r Rabb kallamu, wa keef bashshar b_ism asuuv fi Dimashk biduun xoof.

²⁸ Wa Shaawuul kaan bidxul wa bimrug mavaahum fi Uurushaliim, wa bibashshir b_ism ar Rabb biduun xoof.

²⁹ Wa kaan bitkallam wa bitfaakar al Yahuud al kaanu min naas Griigi, laakin hum jarrabu yaktuluuhu.

³⁰ Wa lamma_l axwaan virfu da, jaaboohu le Geeṣariyya, wa rassaloohu le Ṭarsuus.

AINIYAAS WA ṬAABIISA

³¹ Wa kida, naas al kaniisa fi kullu_l Yahuudiyya wa_j Jaliil wa_s Saamira kaan vindahum salaam wa bigu shudaad. Wa kaanu yaxaafu_r Rabb, wa vindahum tavziya fi_r Ruuḥ al Gudus, wa kaanu yaziidu fi_l vadad.

³² Wa lamma Buṭrus kaan bisaafir fi_l bilaad di kullu, hu masha kamaan le_l giddiisiin as saakniin fi Lidda.

³³ Wa liga hinaak raajil mafluuj ismu Ainiyaas, kaan raagid vala vangareebu min muddat tamaanya siniin.

³⁴ Wa Buṭrus gaal leehu, “Yaa Ainiyaas, Yasuuv al Masiiḥ yashfiik. Guum, wa farrish vangareebak.” Wa hu gaam ṭawwaali.

³⁵ Wa kullu_s saakniin fi Lidda wa Saaruun shaafoohu wa rajavu le_r Rabb.

³⁶ Wa kaanat fi Yaafa tilmiiza isima Ṭaabiisa, wa mavnaahu Ghazaala. Wa hiya kaanat malyaana be_l avmaal aṭ ṭaiba, wa kaanat bitsaavid al masaakiin.

³⁷ Wa ḥaṣal fi_l aiyaam deelaak, hiya bigat vaiyaana wa maatat. Wa ghassalooha wa xaṭṭooha fi ooḍa fi foog.

³⁸ Wa Lidda kaanat gariiba min Yaafa. Wa_t talaamiiz simivu Buṭrus kaan fi Lidda. Wa hum rassalu leehu raajleen wa sa’aloohu katiir wa gaalu, “Min faḍlak, tavaal gawaam.”

³⁹ Wa Buṭrus gaam wa masha mavaahum. Wa lamma wiṣil, ṭalavu beehu le_l ooḍa_l fi foog. Wa kullu_l araamil wagafu yabku, wa yawarruuhu_t teebaan wa_l hiduum Ṭaabiisa kaanat bitavmila wa hiya mavaahum.

⁴⁰ Wa Buṭrus marrag kulluhum barra wa rakav vala rukbateehu wa ṣalla. Wa bavd da, itlafat le_j jisim wa gaal, “Yaa Ṭaabiisa, guumi.” Wa hi fataḥat veeneeha, wa lamma shaafat Buṭrus, gavadat.

⁴¹ Wa hu axada be iida wa rafava, wa naada_l giddiisiin wa_l araamil, wa gaddama leehum ḥaiya.

⁴² Wa_l xabar masha fi kullu Yaafa, wa katiiriin aamanu be_r Rabb.

⁴³ Wa Buṭrus gavad fi Yaafa aiyaam katiira mava raajil bishtaghil fi_j juluud, ismu Simvaan.