Avmaal 4 - Kitaab al Vahd aj Jadid 1978

BUṬRUS WA YUUḤANNA GIDDAAM AL MAJLIS

¹ Wa wakit maa Buṭrus wa Yuuḥanna kaanu bitkallamu mava_n naas, garrabu leehum al gusus wa ra’iis al heekal wa _ṣ Ṣadduugiyyiin.

² Hum kaanu zavlaaniin min ar rusul, valashaan kaanu bivallimu_n naas wa binaaduuhum fi Yasuuv be_l giyaama min been al meyyitiin.

³ Wa gabaḍoohum wa xaṭṭoohum fi_s sijin le_l yoom at taani, valashaan biga al misa.

⁴ Wa katiiriin min an naas as simivu_l kilma, aamanu, wa vadad ar rujaal biga xamsat alaaf tagriiban.

⁵ Wa fi_l yoom at taani, ru’asaahum wa shuyuuxum wa muvallimiin al gaanuun itlammu fi Uurushaliim,

⁶ mava Ḥannaan, ra’iis al gusus, wa Gayaafa wa Yuuḥanna wa_l Iskandar wa kullu_l kaanu min ahl beet ra’iis al gusus.

⁷ Wa lamma jaaboohum wa xaṭṭoohum fi_l wasiṭ, sa’aloohum, “Be aiya guwwa wa be aiyi ism vamaltu da?”

⁸ Fi_l wakit da, Buṭrus wa huwa kaan malyaan min ar Ruuḥ al Gudus, gaal leehum, “Yaa ru’asaa an naas wa shuyuux Israa’iil,

⁹ in kaan fih su’aal al leela be sabab al vamal al kwaiyis al vamalna le_r raajil al avraj da be shinu hu biga kwaiyis,

¹⁰ xalli da yakuun mavruuf le kullukum wa kullu naas Israa’iil. B _ism Yasuuv al Masiiḥ an Naaṣiri, al intu ṣalabtuuhu, laakin Allaah gawwamu min been al meyyitiin, beehu ar raajil da waagif giddaamkum be vaafiya tamaam.

¹¹ Da huwa_l ḥajar al intu abeetuuhu, yaa bannaa’iin, al biga raas ar rukn.

¹² Wa maa fih xalaaṣ be aiyi waaḥid taani. Vashaan fi kullu_d dunya Allaah maa adda le_n naas isim taani al beehu laazim nalga al xalaaṣ.”

¹³ Wa lamma shaafu shujaavat Buṭrus wa Yuuḥanna, wa ligoohum rujaal maa mitvallamiin wa zei aiyi zool taani, hum itvajjabu. Wa virfoohum kaanu mava Yasuuv.

¹⁴ Laakin maa daam shaafu_z zool al biga kwaiyis waagif mavaahum, maa gidru yaguulu aiyi shi.

¹⁵ Valashaan kida amaroohum yamrugu min al majlis, wa itkallamu be sirr mava bavḍ.

¹⁶ Wa gaalu, “Binavmil shinu be_r raajleen deel? Kullu_l gaavidiin fi Uurushaliim biyavrifu hum vamalu valaama mavruufa, wa maa binagdar nankira.

¹⁷ Wa laakin vashaan maa yitfartak ziyaada been an naas, xalluuna nahaddidum maa yitkallamu mava aiyi waaḥid min an naas bavd da, be_l isim da.”

¹⁸ Bavdeen naadoohum wa amaroohum maa yitkallamu abadan b _ism Yasuuv walla yavallimu beehu.

¹⁹ Wa Buṭrus wa Yuuḥanna raddu wa gaalu leehum, “Aḥkumu intu, (?) da huwa_l ḥagg giddaam Allaah ’an nasmav leekum aktar min Allaah?

²⁰ Vashaan maa nagdar nabaṭṭil kalaamna van ash shuufnaahu wa simivnaahu.”

²¹ Wa bavd maa haddadoohum ziyaada, fakkoohum. Wa hum maa gidru yalgu keef yavmilu leehum ḥaaja baṭṭaala be sabab an naas. Valashaan kullu_n naas kaanu bimajjidu Allaah vala_l ḥaṣal.

²² Vashaan ar raajil al biga kwaiyis be sabab al valaama di, kaan vumru aktar min arbaviin sana.

ṢALAAT AL MI’AAMINIIN

²³ Wa lamma fakkoohum, Buṭrus wa Yuuḥanna mashu le_n naas bituuvum wa xabbaroohum be kullu_l gaalu leehum al gusus al kubaar wa_sh shuyuux.

²⁴ Wa lamma simivu da, rafavu aṣwaatum le Allaah be ṣoot waaḥid wa gaalu, “Yaa Saiyid, inta al vamalta_s sama wa_l arḍ wa_l baḥar wa kullu_l fiiha.

²⁵ Wa inta al gulta be_r Ruuḥ al Gudus be xashm abuuna Daawuud waladak, Le shinu al umam zivilu, wa_n naas fakkaru be_l maa leehu faaida?

²⁶ Muluuk al arḍ gaamu, wa_r ru’asaa itlammu sawa ḍidd ar Rabb wa ḍidd Masiiḥu.

²⁷ Be_l ḥagg Hiiruudus wa Biilaaṭus al Bunti itlammu mava al umam wa naas Israa’iil fi_l madiina di, ḍidd xaddaamak al gudduus Yasuuv al inta masaḥtu,

²⁸ vashaan yavmilu kull al gudratak wa iraadatak jahhazu min gubbaal valashaan yaḥṣal.

²⁹ Wa hassav, yaa Rabb, shuuf tahdiidum w_addi xaddaamiinak ’an yitkallamu be kilmatak be shujaava katiira.

³⁰ Midd iidak vashaan tasabbib ash shifa wa_l valaamaat wa_l vajaavib b_ism Ibnak al gudduus Yasuuv.”

³¹ Wa lamma ṣallu, al maḥall al hum kaanu bitlammu fiihu ithazza. Wa kulluhum itmalu min ar Ruuḥ al Gudus. Wa kaanu biyitkallamu be kalaam Allaah be shujaava.

³² Wa kullu_l mi’aaminiin kaanu vindahum galb waaḥid wa fikr waaḥid. Wa laa waaḥid gaal ḥaaja min amwaalu kaanat leehu bass, laakin kaanu vindahum kullu shi mava bavḍ.

³³ Wa_r rusul kaanu be guwwa vaẓiima bish‐hadu be giyaamat ar Rabb Yasuuv, wa nivma vaẓiima kaanat vala kulluhum.

³⁴ Wa waaḥid fiihum maa kaan muḥtaaj, vashaan kullu_l kaanu vindahum ziraava walla buyuut kaanu bibiivuuha wa bijiibu_l guruush min al ḥaajaat al baavooha,

³⁵ wa yaxuṭṭuuha fi rijleen ar rusul. Wa hum gasamu le kullu waaḥid zei maa kaan muḥtaaj.

³⁶ Wa Yuusif kaan Laawi min Gubrus. Wa_r rusul sammoohu Barnaaba, yavni Ibn ash Shujaava.

³⁷ Wa kaan vindu ziraava. Wa baavaaha wa jaab al guruush wa xaṭṭaahu fi rijleen ar rusul.