Avmaal 26 - Kitaab al Vahd aj Jadid 1978

BUULUS GIDDAAM MALIK AGHRIIBAAS

¹ Wa Aghriibaas gaal le Buulus, “Vindak izin titkallam fishaan xaaṭir nafsak.” Wa kida Buulus madda iidu w_ibtada yitkallam:

² “Ana aḥsib nafsi mabsuuṭ, yaa Malik Aghriibaas, valashaanni maashi atkallam fishaan nafsi_l leela di giddaamak van kullu_l bishtakuuni beehu_l Yahuud.

³ Wa xuṣuuṣan fishaan inta bitavrif kullu_l vaadaat wa_l gaḍaaya been al Yahuud. Valashaan kida, baṭlub leek tasmavni be _ṣ ṣabr.

⁴ Kullu_l Yahuud biyavrifu_l mashi bitaavi min wakit kunta walad. Wa keef min bidaayat ḥayaati, kunta baviish been ummati wa fi Uurushaliim.

⁵ Wa biyavrifuuni min wakit ṭawiil, wa iza hum raḍyaaniin, yagdaru yash‐hadu leiya, ana vishta Farriisi be ḥasab ḥizb ad diin bitaavna al ashadd.

⁶ Wa hassav ana waagif aḥaakim vala_r rajaa al wavad beehu Allaah abahaatna.

⁷ Wa da al wavad, al iṭnaashar gabiila bitaavna yantaẓiru vashaan yatimm leehum. Wa hum bixdimu Allaah be_t tavb, leel wa nahaar. Fishaan ar rajaa da, al Yahuud ishtaku valeeya, yaa Malik.

⁸ Le shinu waaḥid minnakum yaftakir maa mumkin yaṣaddig ’an Allaah bigawwim al meyyitiin?

⁹ Wa ana kamaan kunta baftakir fi nafsi laazim asawwi ḥaajaat katiira ḍidd isim Yasuuv an Naaṣiri.

¹⁰ Wa sawweet kida fi Uurushaliim. Wa ana nafsi xaṭṭeet fi sijin katiiriin min al giddiisiin, bavd maa axaṭṭa sulṭa min al gusus al kubaar. Wa lamma kaanu yaktuluuhum, ana kunta baddi ṣooti ḍiddum.

¹¹ Wa marraat katiira kunta bavaagibum fi kullu buyuut ar Rabb, wa jarrabta avmilum yajaddifu Allaah. Wa vashaan zivilta minnahum shadiid, kunta baṭrudum ḥatta le_l bilaad al fi barra.

¹² Wa lamma kunta maashi le Dimashk be sulṭa wa amr min al gusus al kubaar,

¹³ kunta fi _ṭ ṭariig, yaa Malik, wa shufta fi nuṣṣ an nahaar nuur min as sama. Wa_n nuur da kaan yafuut vala nuur ash shamish wa yanawwir ḥawaaleiya, wa ḥawl an naas al maashiin mavaai.

¹⁴ Wa lamma kulluna wagavna vala_l arḍ, simivta ṣoot yaguul leiya be_l lugha_l Vibraaniyya, Shaawuul, Shaawuul, le shinu taṭrudni? Ṣavb valeek bitgaawimni.

¹⁵ Wa ana gulta, Minu inta, yaa Saiyidi? Wa_r Rabb gaal, Ana Yasuuv al inta bitaṭrudu.

¹⁶ Wa laakin, guum wa agiif vala rijleek. Vashaan ana ẓaharta leek le da, vashaan axtaarak takuun xaddaam wa shaahid be_l ḥaajaat ash shuftu fiyya, wa be_l maashi awarriihu leek.

¹⁷ Wa ana baxalliṣak min ash shavb wa min al umam. Wa hassav barassilak leehum

¹⁸ vashaan taftaḥ vuyuunum, vashaan yarjavu min aḍ ḍulumma le_n nuur, wa min sulṭat ash sheeṭaan le Allaah. Wa be da yagbalu be iimaan beiya ghufraan al xaṭaaya wa maḥall mava_l giddiisiin.

¹⁹ Valashaan kida, yaa Malik Aghriibaas, maa abeet avmil zei maa ar Rabb gaal leiya fi_r ru’ya as samaawiyya.

²⁰ Laakin xabbarta fi_l awwal an naas al fi Dimashk, wa bavdeen, deel al fi Uurushaliim wa kullu maḥallaat al Yahuudiyya, wa bavdeen al umam kamaan. Wa xabbartum ’an yatuubu wa yarjavu le Allaah, wa yavmilu avmaal tistaḥigg at tooba.

²¹ Be_s sabab da, al Yahuud gabaḍooni fi_l heekal wa jarrabu yaktuluuni.

²² Wa laakin fishaan kaanat vindi musaavada min Allaah, gavadta le_l yoom da, shaahid le _ṣ ṣaghiir wa_l kabiir. Ana maa baguul ḥaaja illa_l gaalu_l Anbiya wa Muusa ’innu bikuun.

²³ Yavni, al Masiiḥ bitwajjav wa bikuun huwa awwal waaḥid al biguum min been al meyyitiin, wa yaxabbir be_n nuur le_sh shavb wa le_l umam.”

²⁴ Wa wakit Buulus kaan bitkallam fishaan nafsu, Fastuus gaal be ṣoot vaali, “Inta majnuun, yaa Buulus! Mavriftak al vaẓiima vamalatak takuun majnuun.”

²⁵ Wa Buulus gaal, “Ana maa majnuun, yaa Aghriibaas al muḥtaram, laakin batkallam kilmaat al ḥagg wa_l mavguul.

²⁶ Wa_l malik biyavrif be_l ḥaajaat di, wa ana bagdar atkallam giddaamu be_l ḥurriyya. Wa maa baṣaddig aiya ḥaaja min daak madsuusa minnu, valashaan da maa ḥaṣal fi rukn.

²⁷ Inta bit’aamin be_l anbiya, yaa Malik Aghriibaas? Ana bavrif inta bit’aamin.”

²⁸ Wa Aghriibaas gaal le Buulus, “Inta be galiil daayir tavmilni Masiiḥi?”

²⁹ Wa Buulus gaal, “Kunta baṣalli le Allaah be galiil walla be katiir, maa inta bass, laakin kullu_l bismavuuni_l leela kamaan, yabgu kadi zei maa ana, illa_j janaaziir deel.”

³⁰ Wa gaam al malik wa_l mudiir wa Barniiki wa_l gaavidiin mavaahum.

³¹ Wa wakit maa hum yamrugu, kaanu biguulu bavḍahum le bavḍ, “Al insaan da maa vamal shi yistaḥigg al moot walla_j janaaziir.”

³² Wa Aghriibaas gaal le Fastuus, “Kaan mumkin nafikk al insaan da, iza maa kaan rafav ṭalabu le Geeṣar.”