Avmaal 24 - Kitaab al Vahd aj Jadid 1978

BUULUS GIDDAAM FIILIKS

¹ Wa bavd xamsat aiyaam, ra’iis al gusus nazal mava bavḍ min ash shuyuux wa mitkallim ismu Tartullus. Wa hum jaabu giddaam al mudiir shakaawiihum ḍidd Buulus.

² Wa lamma naadoohu, Tartullus ibtada yashtaki valeehu, wa gaal, “Valashaan niḥna ḥaṣṣalna beek vala salaam katiir, wa tartiibak jaab le_l umma di ḥaajaat kwaisa,

³ niḥna nagbal daak, yaa Fiiliks, fi kullu shi wa fi kullu maḥall be kullu shukr.

⁴ Laakin valashaan maa natavvibak ziyaada, naṭlub minnak tasmavna shwaiya be raḥmatak.

⁵ Vashaan ligiina_r raajil da kaan bixrab wa biḥarrik dawsha been kullu_l Yahuud al fi_d dunya, wa huwa ra’iis jamaavat an Naaṣiriyyiin.

⁶ Wa hu jarrab yanajjis al heekal kamaan. Valashaan kida, gabaḍna valeehu. Wa kunna vaawziin naḥkum valeehu ḥasab gaanuunna,

⁷ laakin Lisiyaas ra’iis aj juyuush ja, wa axadu min iideena be shidda katiira.

⁸ Wa amar al mushtakiin valeehu yaju leek. Wa lamma tamtaḥinu, inta bitagdar tavrif minnu, kullu_sh shakaawi an nashtakiihu beehu.”

⁹ Wa_l Yahuud ittafagu mavaahu fi_sh shikaaya wa gaalu, “Al ḥaajaat di be_l ḥagg kida.”

¹⁰ Wa Buulus radda valeehum lamma_l mudiir ashshar leehu be iidu vashaan yitkallam, wa gaal, “Valashaan bavrif inta gaaḍi le_l umma di min muddat siniin katiira, ana batkallam fishaan nafsi be faraḥ.

¹¹ Wa inta tagdar tavrif maa kaan ziyaada min iṭnaashar yoom min al wakit al ana masheet le Uurushaliim vashaan avbud Allaah.

¹² Wa hum maa ligooni fi_l heekal ashaakil aiyi waaḥid, walla aḥarrik zaḥmat an naas, maa fi buyuut ar Rabb wa laa fi_l madiina.

¹³ Wa hum maa bigdaru yasabbitu_sh shakaawi_l bishtakuuni beeha hassav.

¹⁴ Wa laakin bavtarif leekum be da, ana be ḥasab aṭ Ṭariig al bisammuuhu ḥizb, avbud Ilaah abahaatna. Wa ba’aamin be kullu_l maktuub fi_l Gaanuun wa_l Anbiya.

¹⁵ Wa vindi rajaa be Allaah, zei maa hum kamaan vindahum rajaa. Wa bantaẓir ’innu bitkuun fih giyaama min been al meyyitiin le_l baarriin wa_l xaaṭyiin.

¹⁶ Kida bavallim nafsi vashaan yakuun leiya daaiman ḍamiir biduun loom giddaam Allaah wa_n naas.

¹⁷ Wa bavd siniin katiira, jiit vashaan ajiib hadaaya le ummati wa agaddim tagdimaat.

¹⁸ Wa lamma kunta basawwi da, ligooni naḍiif ḥasab al gaanuun fi_l heekal. Wa maa fih zaḥmat an naas mavaai walla dawsha.

¹⁹ Laakin kaanu fih bavḍ min al Yahuud min Aasiya. Wa deelaak laazim yaju giddaamak, wa yashtaku iza vindahum valeiya shi.

²⁰ Wa xallu deel, al fih hina, nufuusum yaguulu shinu al ligu fiyya min zanb, wakit maa kunta waagif giddaam al majlis.

²¹ Illa_l kilma_l waḥiida di, al koorakta beeha wa ana waagif beenum, ‘Fishaan al giyaama min been al meyyitiin yaḥkumu valeiya al yoom.’”

²² Laakin Fiiliks, valashaan kaan biyavrif be _ẓ ẓabt van aṭ ṭariig da, ṣarafum wa gaal, “Lamma Lisiyaas, ra’iis aj juyuush biji, ana bamtaḥin al ḥaajaat bitaavtak.”

²³ Wa amar ra’iis al vasaakir yaḥras Buulus, laakin yaddiihu shwaiyat ḥurriyya, wa maa yamnav aiyi waaḥid min aṣ‐ḥaabu yaxdimu.

²⁴ Wa bavd aiyaam galiila, Fiiliks ja mava Durusilla, maratu, wa hiya Yahuudiyya. Wa hu rassal wa jaab Buulus, wa simiv minnu van al iimaan be Yasuuv al Masiiḥ.

²⁵ Wa wakit maa kaan bitkallam van al birr wa masik an nafs wa_l ḥukm aj jaai, Fiiliks xaaf wa gaal, “Hassav kifaaya, amshi. Wa lamman alga furṣa, banaadiik.”

²⁶ Wa kamaan kaan vindu rajaa min Buulus ’innu yaddiihu guruush. Wa valashaan kida, kaan bijiibu marraat katiira wa yitkallam mavaahu.

²⁷ Wa lamma sanateen faatu, Burkiyuus Fastuus axad makaan Fiiliks. Wa valashaan Fiiliks kaan vaawiz yabsiṭ al Yaahuud, hu saab Buulus fi_s sijin.