Avmaal 23 - Kitaab al Vahd aj Jadid 1978

BUULUS GIDDAAM MAJLIS AL YAHUUD

¹ Wa Buulus vaayan le_l majlis wa gaal, “Yaa rujaal wa axwaan, ana vishta giddaam Allaah be ḍamiir fiihu salaam ḥatta_l yoom da.”

² Wa Ḥanaaniyya, ra’iis al gusus amar al waagfiin gariib min Buulus yaḍrubuuhu vala xashmu.

³ Wa Buulus gaal leehu, “Allaah biḍrubak, yaa ḥeeṭa mubeiyaḍa! Inta gaavid taḥkum valeiya be ḥasab al gaanuun, wa inta taamur be ḍarbi be vaks le_l gaanuun?”

⁴ Wa_l waagfiin gaalu, “Inta tashtim ra’iis al gusus bitaav Allaah?”

⁵ Wa Buulus gaal, “Yaa axwaan, maa virifta huwa ra’iis al gusus, vashaan maktuub, Maa taguul kilma baṭṭaala van ra’iis shavbak.”

⁶ Wa valashaan Buulus virif juz minnahum Ṣadduugiyyiin wa_j juz at taani Farriisiyyiin, koorak fi_l majlis, “Yaa rujaal wa axwaan, ana Farriisi, ibn Farriisi. Wa be sabab rajaa giyaamat al meyyitiin yaḥkumu valeiya.”

⁷ Wa lamma gaal da, ḥaṣal shakla been al Farriisiyyiin wa _ṣ Ṣadduugiyyiin. Wa_l ijtimaav ingasam.

⁸ Vashaan aṣ Ṣadduugiyyiin biguulu maa fih giyaama, wa laa malaak, wa laa ruuḥ. Wa laakin al Farriisiyyiin bivtarifu be kullu daak.

⁹ Wa kaan fih kooraak shadiid. Wa gaamu bavḍ min muvallimiin al gaanuun, gisim al Farriisiyyiin, wa itshaakalu shadiid, wa gaalu, “Maa binalga fi_l insaan da sharr. Wa iza ruuḥ walla malaak kallamu, da shinu leena?”

¹⁰ Wa lamma_sh shakla shaddadat, ra’iis aj juyuush xaaf ’innahum yagṭavu Buulus ḥitta ḥitta. Wa amar aj juyuush yanzilu wa yagbuḍuuhu min wasṭum wa yajiibuuhu le manṭig al vasaakir.

¹¹ Wa fi_l leel al bavdu, ar Rabb wagaf jambu wa gaal leehu, “Shidd ḥeelak, zei maa shihidta leiya fi Uurushaliim, kadi, laazim tash‐had fi Ruumiya kamaan.”

TARTIIB SIRRI LE YAKTUL BUULUS

¹² Wa fi _ṣ ṣabaaḥ, al Yahuud vamalu tartiib be_s sirr, wa ḥalafu be lavna. Wa gaalu, “Maa naakul walla nashrab ḥatta naktul Buulus.”

¹³ Wa_l vamalu_l ḥalaf da kaanu aktar min arbaviin raajil.

¹⁴ Wa hum mashu le_l gusus al kubaar wa_sh shuyuux wa gaalu, “Ḥalafna be lavna maa naakul ḥaaja ḥatta naktul Buulus.

¹⁵ Valashaan kida, intu, mava_l majlis, rassilu le ra’iis aj juyuush vashaan yajiibuuhu leekum, zei maa vaawziin tamtaḥinu gaḍiyyatu be_t tamaam. Wa niḥna nakuun jaahiziin naktuluuhu gubbaal maa yagarrib min hina.”

¹⁶ Wa laakin walad uxut Buulus simiv be_t tartiib as sirri da, wa daxal manṭig al vasaakir wa xabbar Buulus.

¹⁷ Wa Buulus naada waaḥid min ru’asaa al vasaakir wa gaal, “Uxud ash shaabb da le ra’iis aj juyuush, valashaan hu vindu shi yaxabbiru beehu.”

¹⁸ Wa axadu wa jaabu le ra’iis aj juyuush wa gaal, “Al maḥbuus Buulus naadaani, wa sa’alni yajiib ash shaabb da leek, valashaan vindu shi yaguulu leek.”

¹⁹ Wa ra’iis aj juyuush axadu be iidu, wa masha mavaahu be janb baraahu wa sa’alu, “Vindak shinu taguulu leiya?”

²⁰ Wa gaal, “Al Yahuud ittafagu yaṭlubu minnak tajiib Buulus le_l majlis bukra, zei maa vaawziin yas’alu van gaḍiyyatu be_t tamaam.

²¹ Maa tasmav leehum, vashaan fih aktar min arbaviin raajil bindassu wa bistannuuhu. Wa hum ḥalafu vashaan maa yaaklu wa laa yashrabu ḥatta yaktuluuhu. Wa hassav, hum jaahiziin wa bistannu minnak wavad.”

²² Wa ra’iis aj juyuush xalla_sh shaabb yamshi, wa gaal leehu, “Maa taguul le aiyi waaḥid al xabbartani beehu.”

BUULUS YAMSHI LE GEEṢARIYYA

²³ Wa naada itneen min ru’asaa al vasaakir wa gaal, “Jahhizu miiteen vaskari vashaan yamshu le Geeṣariyya as saava tisva be_l leel. Wa jahhiz kamaan sabviin vaskari raakbiin ḥuṣun, wa miiteen vaskari shaayiliin ḥuraab.

²⁴ Wa jahhizu ḥuṣun le Buulus vashaan yarkab. Wa kida yajiibuuhu be_s salaama le Fiiliks al Mudiir.”

²⁵ Wa hu katab jawaab zei aj jaai:

²⁶ “Min Kuluudiyuus Lisiyaas le_l ḥabiib Fiiliks al Mudiir, Salaam.

²⁷ Al Yahuud gabaḍu vala_r raajil da, wa garrabu yaktuluuhu. Laakin jiit mava_j juyuush wa xallaṣtu, vashaan virifta ’innu Ruumaani.

²⁸ Wa lamma kunta daayir avrif ash shikaaya_l bishtakuuhu beeha, jibtu le majlisum.

²⁹ Wa ligiitum ishtakoohu be as’ila be xuṣuuṣ gaanuunum. Laakin maa ishtakoohu be shi yistaḥigg al moot walla_j janaaziir.

³⁰ Wa lamma xabbarooni be tartiib sirri ḍidd ar raajil, rassaltu leek ṭawwaali. Wa amarta_l mushtakiin yaguulu leek al vindahum valeehu.”

³¹ Wa_l vasaakir axadu Buulus zei maa amaroohum, wa jaaboohu be_l leel lighaayat Antibatris.

³² Wa_l yoom at taani, xallu_l vaskari ar raakbiin ḥuṣun yamshu mava Buulus, wa hum rajavu le manṭig al vasaakir.

³³ Wa deel daxalu Geeṣariyya, w_addu_j jawaab le_l mudiir, wa sallamu Buulus leehu.

³⁴ Wa lamma_l mudiir gara_j jawaab, sa’al vannu, huwa min yaata mudiiriyya. Wa ligaahu min Kilikiyya.

³⁵ Wa gaal, “Basmav minnak lamma_l mushtakiin valeek biju kamaan.” Wa amarum yaḥrasu Buulus fi saraayat Hiiruudus.