Avmaal 21 - Kitaab al Vahd aj Jadid 1978

AS SAFAR LE UURUSHALIIM

¹ Wa lamma xalleenaahum wa saafarna be murkab, masheena fi sikka ṭawwaali le Kuus, wa fi_l yoom at taani le Ruudus, wa min hinaak le Baataraa.

² Wa valashaan ligiina murkab tagṭav al baḥar le Finiigiya, rikibnaaha wa saafarna.

³ Wa lamma gidirna nashuuf Gubrus, xalleenaaha vala shimaalna, wa saafarna le Suuriyya. Wa wiṣilna le Ṣuur, vashaan hinaak al murkab kaanat tanazzil budaavata.

⁴ Wa valashaan ligiina_t talaamiiz, gavadna mavaahum usbuuv. Wa hum kaanu biguulu le Buulus be_r Ruuḥ vashaan maa yaṭlav le Uurushaliim.

⁵ Wa laakin lamma al wakit faat, maragna wa masheena. Wa kulluhum mashu mavaana mava_n niswaan wa_l awlaad le barra_l madiina. Wa rakavna vala rukbateena vala ar ramla wa ṣalleena.

⁶ Wa bavd maa gulna mava_s salaama bavḍana le bavḍ, rikibna_l murkab, wa laakin hum rajavu le buyuutum.

⁷ Wa lamma xallaṣna_s safar min Ṣuur, wiṣilna le Butulimaayis wa sallamna vala_l axwaan. Wa gavadna mavaahum yoom waaḥid.

⁸ Wa fi_l yoom at taani, maragna wa jiina le Geeṣariyya. Wa daxalna beet Fiilubbus al mubashshir, al huwa waaḥid min as sabva, wa gavadna mavaahu.

⁹ Wa kaanan vindu arbava banaat vazaara al itnabbu.

¹⁰ Wa bavd maa gavadna aiyaam ziyaada, nabi ismu Aghaabuus nazal min al Yahuudiyya.

¹¹ Wa ja leena wa axad ḥizaam Buulus, wa rabaṭ beehu iideen wa rijleen nafsu wa gaal, Ar Ruuḥ al Gudus yaguul, “Kida, al Yahuud fi Uurushaliim maashiin yarbuṭu_r raajil, siid al ḥizaam da, wa bisallimuuhu le iideen al umam.”

¹² Wa wakit simivna daak, niḥna wa ahal al maḥall ṭalabna minnu maa yaṭlav le Uurushaliim.

¹³ Laakin Buulus radda wa gaal, “Maalkum bitabku wa taksiru galbi? Ana jaahiz mush akuun marbuuṭ bass, laakin amuut kamaan fi Uurushaliim fishaan xaaṭir isim ar Rabb Yasuuv.”

¹⁴ Wa lamma aba yasmavna, sakatna wa gulna, “Xalli iraadat ar Rabb takuun.”

¹⁵ Wa bavd al aiyaam deelaak, jahhazna wa ṭalavna le Uurushaliim.

¹⁶ Wa bavḍ min at talaamiiz min Geeṣariyya mashu mavaana, wa jaaboona le beet Manaasuun vashaan nagvud mavaahu. Wa huwa raajil min Gubrus wa kaan tilmiiz min badri.

BUULUS YOOṢAL FI UURUSHALIIM

¹⁷ Wa lamma wiṣilna le Uurushaliim, al axwaan gibilna be faraḥ.

¹⁸ Wa_l yoom at taani, Buulus daxal mavaana le Yavkuub. Wa kullu_sh shuyuux kaanu fih.

¹⁹ Wa bavd maa sallam valeehum, Buulus kallamum min awwalu le aaxiru be kullu ḥaaja Allaah vamala been al umam be xidmatu.

²⁰ Wa lamma simivu, majjadu Allaah. Wa gaalu leehu, “Inta tashuuf, yaa axi, kam alf min al Yahuud aamanu, wa kulluhum vindahum ghiira le_l gaanuun.

²¹ Wa naas xabbaroohum keef inta bitvallim kullu_l Yahuud as saakniin been al umam vashaan yasiibu Muusa, wa bitguul leehum ’an maa yaṭahhiru awlaadum, wa maa yamshu ḥasab al vaadaat.

²² Wa kida binavmil shinu? Maa fih shakk an naas bitlammu, valashaan hum bismavu inta jiit.

²³ Valashaan kida, sawwi_l ḥaaja al binguul leek. Vindana arbava rujaal valeehum wavad.

²⁴ Uxud deel, wa naḍḍif nafsak mavaahum, wa adfav al guruush leehum vashaan hum yaḥligu ruuseenum. Wa kida, kulluhum biyavrifu_l xabbaroohum beek mush al ḥagg, laakin inta nafsak bitaḥfaẓ al gaanuun.

²⁵ Wa be xuṣuuṣ al aamanu been al umam, katabna leehum wa ḥakamna hum laazim yarfuḍu _ḍ ḍabaḥooha le_l aṣnaam, wa_d damm, wa_l laḥam min bahaayim maxnuug, wa_z zina.”

²⁶ Wa fi_l yoom at taani, Buulus axad ar rujaal, wa itnaḍḍaf mavaahum. Wa daxal al heekal vashaan yabeyyin tamaam aiyaam an naḍaafa lighaayat maa yagaddimu tagdima van kullu waaḥid minnahum.

GABḌ BUULUS

²⁷ Wa lamma_s sabavat aiyaam garrabu yafuutu, al Yahuud al min Aasiya shaafu Buulus fi_l heekal. Wa ḥarraku kullu_n naas wa gabaḍoohu.

²⁸ Wa kooraku, “Yaa rujaal Israa’iil, saaviduuna! Da huwa_r raajil al bivallim kullu_n naas fi kullu makaan ḍidd ash shavb wa_l gaanuun wa_l maḥall da. Wa hu kamaan jaab naas Griigi le_l heekal, wa najjas al maḥall al magaddas da.”

²⁹ Valashaanum kaanu shaafu Turufiimus min Afasus mavaahu fi_l madiina, wa iftakaru Buulus jaabu le_l heekal.

³⁰ Wa kullu_l madiina itḥarrakat, wa_n naas jaru sawwa. Wa gabaḍu Buulus, wa jarroohu barra min al heekal. Wa ṭawwaali gafalu_l abwaab.

³¹ Wa wakit hum kaanu yaṭlubu yaktuluuhu, al xabar wiṣil le ra’iis juyuush Ruumiya ’innu_l madiina kullaha itḥarrakat.

³² Wa huwa ḥaalan axad vasaakir wa ḍubbaaṭ, wa jara leehum. Wa lamma hum shaafu_r ra’iis wa_l vasaakir, waggafu yaḍrubu Buulus.

³³ Fi_l wakit da, ra’iis aj juyuush garrab leehu, wa gabaḍ valeehu, wa amarum yarbuṭuuhu be janziireen. Wa sa’al vannu minu huwa, wa vamal shinu.

³⁴ Wa bavḍ min an naas kaanu yakooriku be shi, wa_l bavḍ be shi taani. Wa lamma maa gidir yavrif al ḥagg van da be sabab ad dawsha, hu amarum yaaxudu Buulus juwwa manṭig al vasaakir.

³⁵ Wa lamma Buulus wiṣil le_s salaalim, al vasaakir kaan laazim yashiiluuhu be sabab shiddat an naas al kutaar,

³⁶ valashaan katrat an naas al kaanu yamshu waraahu wa yakooriku, “Aktulu!”

BUULUS YASH‐HAD GIDDAAM SHAVBU

³⁷ Wa wakit al vasaakir garrabu yaaxudu Buulus le manṭig al vasaakir, hu gaal le_r ra’iis, “Min faḍlak, mumkin aguul leek ḥaaja?” Wa gaal leehu, “Inta bitavrif lughat naas Griigi?

³⁸ Maa inta_l Maṣri al gaam be fitna gubbaal al aiyaam di? wa marag le_l xala mava arbavat alaaf raajil min al kaatiliin?”

³⁹ Wa Buulus gaal, “Ana raajil Yahuudi min Ṭarsuus, min naas madiina mavruufa fi Kilikiyya. Min faḍlak, xalliini akallim an naas.”

⁴⁰ Wa lamman addaahu izin, Buulus wagaf vala_s salaalim, wa ashshar be iidu le_n naas. Wa lamma kulluhum sakatu, hu kallamum be_l lugha_l Vibraaniyya wa gaal: