Avmaal 20 - Kitaab al Vahd aj Jadid 1978

BUULUS TAGAWWIM AFTIIXUUS MIN AL MOOT

¹ Wa bavd maa_d dawsha tammat, Buulus naada_t talaamiiz wa shajjavum wa gaal leehum, “Mava_s salaama,” wa marag vashaan yamshi le Makiduuniyya.

² Wa lamma saafar fi_l maḥallaat diik wa bashsharum katiir vashaan yaddiihum shujaava, hu ja le balad naas Griigi.

³ Wa gavad hinaak talaata shuhuur. Wa lamma garrab yasaafir fi_l baḥar le Suuriyya, al Yahuud vamalu tartiib ḍiddu be_s sirr. Valashaan kida, hu ixtaar yarjav be sikkat Makiduuniyya.

⁴ Wa mashu mavaahu le Aasiya. Subaatarus ibn Biiruus min Biiriyya, wa Aristarxus, wa Sakuundus min naas Tasaluniiki, wa Ghaayuus min Darba, wa Timutaawus. Wa Tiixikus, wa Turufiimus min naas Aasiya.

⁵ Wa deel mashu giddaamna wa istannoona fi Taruwaas.

⁶ Wa laakin niḥna saafarna be murkab min Fiilibbi bavd aiyaam Viid al Faṭiir. Wa jiina leehum fi xamsat aiyaam fi Taruwaas, wa gavadna hinaak usbuuv.

⁷ Wa fi awwal al usbuuv, itlammeena sawa vashaan nakassir al veesh. Wa Buulus itkallam mavaahum, wa huwa daayir yamshi fi_l yoom at taani. Wa istamarr fi_l kalaam le nuṣṣ al leel.

⁸ Wa kaanat fih fawaaniis katiira fi_l ooḍa al fi foog, al kunna mitlammiin fiiha.

⁹ Wa kaan shaabb ismu Aftiixuus gaavid fi_sh shubbaak. Wa hu biga navsaan wa naam noom tagiil. Wa lamma Buulus istamarra fi_l kalaam, an noom ghalab valeehu, wa hu wagav min ad door at taalit le tiḥit, wa shaaloohu meyyit.

¹⁰ Wa Buulus nazal, wa rama nafsu foog ash shaabb, wa xaṭṭ ḍiraavtu ḥawaleehu wa gaal, “Maa tatvabu, huwa ḥai!”

¹¹ Wa ṭalav wa kassar al veesh wa akal, wa itkallam katiir lighaayat aṣ ṣabaaḥ. Wa bavd da marag.

¹² Wa jaabu_sh shaabb ḥai, wa itvazzu katiir xalaaṣ.

AL BISHAARA_L AXIIRA LE SHUYUUX AFASUS

¹³ Laakin niḥna masheena giddaamu le_l murkab, wa saafarna be murkab le Assuus. Wa kunna vaawziin naaxud Buulus min hinaak, vashaan Buulus kaan vamal at tartiib da, valashaanu vaawiz yamshi vala kiraavu.

¹⁴ Wa lamma hu gaabalna fi Assuus, axadnaahu le Mitiliini.

¹⁵ Wa lamma saafarna be murkab min hinaak, wiṣilna fi_l yoom at taani gariib min Xiyuus. Wa fi_l yoom al bavdu, wiṣilna le Saamuus, wa fi_l yoom at taani jiina le Miiliitus.

¹⁶ Wa Buulus kaan ixtaar yafuut Afasus, vashaan maa laazim yaḍayyiv wakit fi Aasiya. Hu kaan mistavjil le yakuun fi Uurushaliim fi Yoom al Xamsiin iza kaan mumkin.

¹⁷ Wa min Miiliitus Buulus rassal, wa naada shuyuux al kaniisa.

¹⁸ Wa lamma jo leehu, gaal leehum, “Intu bitavrifu keef kunta baviish mavaakum kullu_l wakit min awwal yoom daxalta fi Aasiya.

¹⁹ Xadamta_r Rabb be tawaaḍuv katiir, wa dimuuv katiira, wa be tajaarib ḥaṣalu leiya min tartiib al Yahuud al fi_s sirr.

²⁰ Wa bitavrifu ana maa abeet abashshirkum be aiya ḥaaja al fiiha faaida leekum, laakin vallamtakum giddaam an naas wa fi kullu beet.

²¹ Ana shaahid le_l Yahuud wa le naas Griigi be_t tooba le Allaah, wa_l iimaan be Rabbana Yasuuv al Masiiḥ.

²² Wa hassav shuufu, bamshi le Uurushaliim marbuuṭ be_r Ruuh, wa maa bavrif al biyaḥṣal leiya hinaak,

²³ illa_r Ruuḥ al Gudus yash‐had leiya fi kullu madiina, wa yaguul janaaziir wa atvaab yistannuuni.

²⁴ Laakinni maa aḥsib ḥayaati ghaali le nafsi abadan, iza kaan bass akammil shughli wa_l xidma al gibilta min ar Rabb Yasuuv vashaan ash‐had be injiil nivmat Allaah.

²⁵ Wa hassav shuufu, ana bavrif intu maa bitshuufu washshi taani marra, intu, yaa kullu_l ana masheet beenum babashshir be_l malakuut.

²⁶ Valashaan kida, ash‐had leekum ana naḍiif min damm kullukum.

²⁷ Vashaani maa itwaggafta axabbirkum be kullu iraadat Allaah.

²⁸ Aḥrasu nufuuskum wa kullu_l muraaḥ, al vamalkum ar Ruuḥ al Gudus fiihu wukalaa, vashaan takuunu ruvaat kaniisat Allaah al ishtaraaha be dammu.

²⁹ Wa ana bavrif bavd maa masheet, diyaab mitwaḥḥishiin bidxulu, wa maa birḥamu vala_l muraaḥ.

³⁰ Wa minnakum nufuuskum, biguumu rujaal yitkallamu be ḥaajaat mavawwaja, vashaan yajurru_t talaamiiz waraahum.

³¹ Valashaan kida, ahrasu, wa itzakkaru ana muddat talaata siniin maa waggafta leel wa nahaar aḥazzir kullu waaḥid minnakum be_d dimuuv.

³² Wa hassav baddiikum le Allaah, wa le kilmat nivmatu, al bitagdar tabniikum wa taddi leekum al miiraat mava kullu_l giddiisiin.

³³ Ana maa ṭamavta min zool fiḍḍa walla dahab walla hiduum.

³⁴ Intu nufuuskum bitavrifu_l iideen deel kaanat taxdim iḥtiyaajaati, wa iḥtiyaajaat al kaanu mavaai.

³⁵ Wa warreetkum fi kullu ḥaaja keef laazim natvab le nasaavid aḍ ḍaviifiin, wa nitzakkar kilmaat ar Rabb Yasuuv al gaal, ‘Huwa_l biddi bikuun mubaarak aktar min al bigbal.’ ”

³⁶ Wa lamma gaal da, rakav vala rukbateehu mava kulluhum wa ṣalla.

³⁷ Wa kulluhum baku bika shadiid, wa wagavu vala ragabat Buulus, wa sallamu valeehu.

³⁸ Wa bigu ḥaznaaniin ziyaada vala_l kilma al gaal leehum, “Intu maa bitshuufu washshi marra taanya.” Wa bavd da, mashu mavaahu le_l murkab.