Avmaal 19 - Kitaab al Vahd aj Jadid 1978

BUULUS FI AFASUS

¹ Wa ḥaṣal lamma Abulluus kaan fi Kuurintuus, Buulus faat be_l maḥallaat at vaalya wa ja le Afasus. Wa hinaak liga bavḍ min at talaamiiz.

² Wa gaal leehum, “Gibiltu_r Ruuḥ al Gudus lamma aamantu?” Wa gaalu leehu, “Wa laa simivna fih ar Ruuḥ al Gudus.”

³ Wa Buulus gaal, “Itvammadtu be shinu?” Hum gaalu, “Be mavmuudiyyat Yuuḥanna.”

⁴ Wa Buulus gaal, “Yuuḥanna vammad be mavmuudiyyat at tooba, wa kallam an naas vashaan ya’aaminu be_l biji bavdu, yavni be Yasuuv.”

⁵ Wa lamma simivu, itvammadu b_ism ar Rabb Yasuuv.

⁶ Wa lamma Buulus xaṭṭa iideenu foogum, ar Ruuḥ al Gudus ja valeehum, wa itkallamu be lughaat wa itnabbu.

⁷ Wa kulluhum kaanu iṭnaashar raajil tagriiban.

⁸ Wa Buulus daxal beet ar Rabb. Wa kaan bitkallam biduun xoof muddat talaata shuhuur, yitfaakar wa yaraḍḍi van ḥaajaat malakuut Allaah.

⁹ Wa bavḍ minnahum, ruuseenum bigu gawwiyyiin wa abu ya’aaminu, wa shatamu_ṭ ṭariig giddaam an naas. Valashaan kida, Buulus xallaahum wa axad at talaamiiz mavaahu. Wa kaan bitkallam mavaahum kullu yoom fi madrasat Tiiraannus.

¹⁰ Wa istamarra kida le muddat sanateen, lighaayat kullu_s saakniin fi Aasiya min Yahuud wa naas Griigi simivu kilmat ar Rabb.

¹¹ Wa Allaah vamal be iideen Buulus vajaayib maxṣuuṣa,

¹² ḥatta kaanu yaaxudu le_l vaiyaaniin manaadiil wa maryalaat min jismu. Wa hum bigu ṭaibiin min amraaḍum, wa_l arwaaḥ ash sharriira maragu minnahum.

¹³ Wa bavḍ min al Yahuud, as saafaru min makaan le makaan yaṭrudu arwaaḥ sharriira, jarrabu yanaadu be isim ar Rabb Yasuuv vala_l vindahum arwaaḥ sharriira. Wa kaanu biguulu, “Aamurkum be Yasuuv al bibashshir beehu Buulus, aṭlavu.”

¹⁴ Wa sabva awlaad le Yahuudi, ra’iis gusus, ismu Sakaawa, kaanu biyavmilu daak.

¹⁵ Wa_r ruuḥ ash sharriir radda valeehum wa gaal, “Ana bavrif Yasuuv wa bavrif Buulus, laakin intu, minu intu?”

¹⁶ Wa bavd da, ar raajil al kaan vindu_r ruuḥ ash sharriir, naṭṭa valeehum, wa ghalabum, wa ḍarabum lighaayat maa jaru min al beet da varyaaniin wa majruuḥiin.

¹⁷ Wa da biga mavruuf le kullu_l Yahuud wa naas Griigi as saakniin fi Afasus. Wa kulluhum xaafu, wa majjadu ism ar Rabb Yasuuv.

¹⁸ Wa katiiriin min al aamanu kaanu biju, wa yavtarifu wa yaxabbiru be avmaalum.

¹⁹ Wa katiiriin min al ishtaghalu be_s siḥir, jamavu_l kutub wa ḥaragooha giddaam an naas. Wa lamma ḥasabu_t taman, ligu_j jumla xamsiin alf ḥittat min al fiḍḍa.

²⁰ Wa kida kilmat ar Rabb kaanat taziid wa tashaddid jiddan.

²¹ Wa lamma_l ḥaajaat di tammat, Buulus garrar be ruuḥu ’an yamshi le Uurushaliim bavd maa marra be Makiduuniyya wa Axaaya. Wa gaal, “Bavd maa amshi hinaak, laazim ashuuf Ruumiya kamaan.”

²² Wa rassal le Makiduuniyya itneen min al kaanu bixdimuuhu, Timutaawus wa Arasṭus. Wa huwa istanna wakit ziyaada fi Aasiya.

DAWSHA KABIIRA FI AFASUS

²³ Wa haṣal fi_l wakit daak, dawsha kabiira van aṭ ṭariig.

²⁴ Vashaan kaan fih raajil ismu Dimitriyuus, ṣaayigh al bisawwi buyuut ṣughaar min fiḍḍa le Arṭaamiis, wa jaab shughl katiir le_ṣ ṣaaniviin.

²⁵ Wa hu lammaahum mava_sh shaghghaaliin fi vamal zei da, wa gaal, “Yaa rujaal, intu bitavrifu niḥna vindana ghina min aṣ ṣunava di.

²⁶ Wa intu tashuufu wa tasmavu fi Afasus wa kullu Aasiya tagriiban, Buulus da vallam naas kutaar ḥatta ḍallu. Wa yaguul al mavmuula be_l iideen maa aaliha abadan.

²⁷ Wa fih xaṭar le ṣunavatna takuun vindaha ism baṭṭaal. Wa kamaan beet Arṭaamiis al ilaaha al vaẓiima fi xaṭar yaḥsibuuha wa laa ḥaaja. Wa hiya bitagav min majda, wa an naas biyavbuduuha fi Aasiya wa kullu_d dunya.”

²⁸ Wa lamma simivu da, bigu malyaaniin be_z zavl, wa ibtadu yakooriku wa yaguulu, “Vaẓiima hiya Arṭaamiis bitaavat Afasus.”

²⁹ Wa_l madiina itmalat dawsha. Wa kulluhum jaru mava bavḍ le maḥall al lavb, wa gabaḍu Ghaayuus wa Aristarxus min Makiduuniyya, ṣaaḥibeen Buulus fi_s safar.

³⁰ Wa lamma Buulus kaan vaawiz yadxul been an naas, al axwaan maa xalloohu yadxul.

³¹ Wa bavḍ aṣ‐ḥaabu min al mavruufiin fi Aasiya, rassalu leehu yaṭlubu leehu maa yaxaaṭir be nafsu be duxuul al malvab.

³² Wa kaan al bavḍ yakooriku be shi, wa_l bavḍ at taani be shi. Valashaan al ijtimaav kaan malaxbaṭ. Aktar an naas maa virfu le shinu itlammu.

³³ Wa bavḍ min an naas ashsharu le Iskandar vashaan yitkallam, wa_l Yahuud dafavoohu le giddaam. Wa Iskandar ashshar be iidu huwa daayir yitkallam vashaan nafsu giddaam an naas.

³⁴ Wa lamma virfu huwa Yahuudi, kulluhum kooraku be ṣoot waaḥid saavteen tagriiban, “Vaẓiima hiya Arṭaamiis bitaavat Afasus!”

³⁵ Wa laakin kaatib al madiina sakkat an naas wa gaal, “Yaa rujaal Afasus, (?) kullu_d dunya maa bitavrif madiinat naas Afasus, hiya bitaḥras beet Arṭaamiis al vaẓiima? Wa bitaḥras aṣ ṣanam an nazal min as sama.

³⁶ Wa maa fih zool yagdar yankur al ḥagiiga di. Valashaan kida, laazim taskutu, wa maa tavmilu shi biduun fikr.

³⁷ Vashaan intu jibtu_r raajleen deel, wa hum maa sirgu buyuut al aaliha, wa laa yajaddifu vala ilaahatna.

³⁸ Iza Dimitriyuus wa_ṣ ṣaaniviin al mavaahu vindahum shakwa vala waaḥid, al maḥkamaat maftuuḥa, wa fih salaaṭiin. Xalluuhum yashtaku bavḍahum vala bavḍ.

³⁹ Wa iza taṭlubu ḥaaja taanya, laazim yavmiluuhu fi majlis gaanuuni.

⁴⁰ Vashaan niḥna fih xaṭar bishtakuuna be fitna fishaan al ḥaṣal al leela. Wa maa fih sabab beehu nagdar naddi ḥisaab van ad dawsha di.”

⁴¹ Wa lamma gaal kida, hu xalla naas al ijtimaav yamshu.