Avmaal 18 - Kitaab al Vahd aj Jadid 1978

FI KUURINTUUS

¹ Wa bavd da, Buulus masha min Atiina wa ja le Kuurintuus.

² Wa liga Yahuudi ismu Akiila, Bunṭi_j jins. Wa hu kaan ja fi wakit gariib min Iiṭaaliya mava Biriiskilla, maratu. Valashaan Kuluudiyuus kaan amar kullu_l Yahuud yamshu min Ruumiya. Wa Buulus ja leehum.

³ Wa fishaan kaan min nafs ash shughl zeiyahum, gavad mavaahum yashtaghil mavaahum. Wa hum kaanu biyavmilu xiyaam.

⁴ Wa huwa kaan bitkallam fi beet ar Rabb kullu sabit, wa yaraḍḍi_l Yahuud wa naas Griigi.

⁵ Wa lamma Siila wa Timutaawus jo min Makiduuniyya, Buulus adda nafsu vashaan yabashshir bass, wa yash‐had le_l Yahuud Yasuuv huwa al Masiiḥ.

⁶ Laakin lamma_l Yahuud kaanu bigaawimu wa bishtimuuhu, Buulus hazz hiduumu wa gaal leehum, “Dammkum vala ruuseenkum! Ana biduun zanb. Wa min hassav bamshi le_l umam.”

⁷ Wa marag min beet ar Rabb, wa ja le beet raajil bixaaf Allaah, ismu Tiitiyuus Yuustus. Wa beetu kaan janb beet ar Rabb.

⁸ Wa Kariisbus, ra’iis beet ar Rabb, aaman be_r Rabb mava kullu naas beetu. Wa katiiriin min al Kuurintiyyiin as simivu, aamanu wa itvammadu.

⁹ Wa_r Rabb gaal le Buulus fi_r ru’ya fi_l leel, “Maa taxaaf, laakin itkallam wa maa taskut.

¹⁰ Vashaan ana mavaak, wa waaḥid maa bixuṭṭ iidu valeek vashaan yaḍurrak. Valashaan ana vindi naas kutaar fi_l madiina di.”

¹¹ Wa Buulus gavad sana wa sitta shuhuur bivallim kilmat Allaah beenum.

¹² Wa lamma kaan Ghaaliyuun mudiir Axaaya, al Yahuud gaamu be nafs waaḥda vala Buulus, wa jaaboohu le_l maḥkama.

¹³ Wa gaalu, “Ar raajil da yitrajja an naas ḥatta yavbudu Allaah be_l vaks al gaanuun.”

¹⁴ Wa lamma Buulus kaan daayir yaftaḥ xashmu, Ghaaliyuun gaal le_l Yahuud, “Law kaan fi_sh shi da ẓulm walla zanb baṭṭaal, kunta be_l ḥagg itḥammalkum, yaa Yahuud.

¹⁵ Wa laakin iza kaan su’aal van kilmaat wa usuum wa van gaanuunkum, shuufuuha intu. Ana maa daayir akuun gaaḍi fi_l ḥaajaat di.”

¹⁶ Wa kida ṭaradum min al maḥkama.

¹⁷ Wa kulluhum masaku Suustaaniis, ra’iis beet ar Rabb, wa ḍaraboohu giddaam al maḥkama. Wa Ghaaliyuun maa xalla baalu le daak kullu kullu.

BIRISKILLA, AKIILA, WA ABULLUUS

¹⁸ Wa Buulus gavad hinaak aiyaam katiira. Wa bavd da, gaal leehum mava_s salaama, wa saafar be murkab le Suuriyya, wa axad mavaahu Biriskilla wa Akiila. Wa Buulus kaan ḥalag raasu fi Kanxiriya, valashaan kaan valeehu wavad.

¹⁹ Wa wiṣlu le Afasus, wa Buulus xallaahum al itneen hinaak, wa daxal beet ar Rabb wa vallam al Yahuud.

²⁰ Wa lamma ṭalabu minnu yagvud wakit ziyaada, maa kaan daayir.

²¹ Laakin lamma xallaahum, hu gaal, “Barjav leekum in sha’ Allaah.” Wa bavd da, saafar be murkab min Afasus.

²² Wa lamma nazal fi Geeṣariyya, ṭalav wa sallam vala_l kaniisa. Wa bavd da nazal le Anṭaakiya.

²³ Wa bavd maa istanna mudda fi Anṭaakiya, marag wa marra be_t tartiib be maḥallaat Ghalaaṭiyya wa Firijiyya yashaddid kullu_t talaamiiz.

²⁴ Wa fi_z zaman da, Yahuudi ismu Abulluus min naas al Iskandariyya ja le Afasus. Wa huwa raajil vindu gudra fi_l kalaam wa fi_l Kutub.

²⁵ Wa hu kaan mitvallim fi ṭariig ar Rabb. Wa valashaanu ḥaarr fi_r ruuḥ, kaan bitkallam wa bivallim be_ẓ ẓabṭ al ḥaajaat van Yasuuv. Wa huwa maa yavrif illa mavmuudiyyat Yuuḥanna.

²⁶ Wa ibtada yitkallam biduun xoof fi beet ar Rabb. Wa lamma Biriskilla wa Akiila simivoohu, axadoohu leehum, wa warroohu ṭariig Allaah tamaam.

²⁷ Wa lamma kaan vaawiz yamshi le Axaaya, al axwaan shajjavoohu vala da, wa katabu le_t talaamiiz hinaak vashaan yagbaluuhu. Wa lamma wiṣil, saavad katiir deel al be_n nivma kaanu aamanu.

²⁸ Wa be guwwa kaan bighlib al Yahuud giddaam an naas, wa yabeyyin be_l Kutub Yasuuv huwa al Masiiḥ.