Avmaal 17 - Kitaab al Vahd aj Jadid 1978

FI TASALUNIIKI

¹ Wa bavd maa marru be Amfibulis wa Abuluniyya, jo le Tasaluniiki. Wa kaan fiiha beet ar Rabb al Yahuud.

² Wa Buulus daxal beet ar Rabb ḥasab vaadatu, wa kaan bitkallam mavaahum be beyyinaat min al kutub talaata subuut.

³ Wa yawarriihum, wa yasabbit ’innu_l Masiiḥ kaan laazim yitwajjav, wa yaguum min been al meyyitiin. Wa gaal, “Yasuuv da, al ana babashshirkum beehu, huwa_l Masiiḥ.”

⁴ Wa bavḍ minnahum gibilu_l kilma, wa jamavu le Buulus wa Siila. Wa kamaan naas kutaar vamalu zei da min naas Griigi al bixaafu Allaah, wa_l vadad maa kaan ṣaghaiyir min an niswaan kamaan.

⁵ Wa_l Yahuud ḥasadu, wa axadu rujaal baṭṭaaliin min naas as suug, wa lammu naas kutaar, wa vamalu dawsha fi_l madiina. Wa jaru le beet Yaasuun, wa ṭalabu yaṭallivuuhum le_n naas.

⁶ Wa lamma maa ligoohum, jarru Yaasuun wa bavḍ al axwaan le salaaṭiin al madiina, wa hum yakooriku, “Deel al galabu_d dunya, jo hina kamaan.

⁷ Wa Yaasuun gibilum fi beetu. Wa deel kulluhum yavmilu ash shi al yagaawim gawaaniin Geeṣar, vashaan yaguulu fih malik taani, huwa Yasuuv.”

⁸ Wa ḥaṣalat dawsha fi_n naas wa salaaṭiin al madiina lamma simivu_l kalaam da.

⁹ Wa lamma axadu ḍamaana min Yaasuun wa min at taanyiin, xalloohum yamshu.

FI BIIRIYYA

¹⁰ Wa ṭawwaali, al axwaan rassalu Buulus wa Siila be_l leel le Biiriyya. Wa hum, lamma wiṣlu, daxalu beet ar Rabb al Yahuud.

¹¹ Wa deel kaanu afḍal min al fi Tasaluniiki, vashaan giblu_l kilma be kullu nishaaṭ. Wa kaanu kullu yoom bifattishu_l kutub vashaan yashuufu iza al ḥaajaat di ṣaḥiiḥa.

¹² Wa katiiriin minnahum aamanu, wa kamaan vadad maa galiil min naas Griigi, min an niswaan al muḥtaramaat wa min ar rujaal.

¹³ Wa lamma_l Yahuud al fi Tasaluniiki virfu Buulus bashshar be kilmat Allaah fi Biiriyya kamaan, hum jo le hinaak yaḥarriku_n naas wa yalaxbiṭuuhum.

¹⁴ Wa be surva, al axwaan rassalu Buulus vashaan yamshi le ṭaraf al baḥar. Laakin Siila wa Timutaawus gavadu fi Biiriyya.

¹⁵ Wa_r rujaal al mashu mava Buulus, jaaboohu le Atiina. Wa hum mashu bavd maa axadu amr minnu le Siila wa Timutaawus vashaan yaju leehu awwal maa mumkin.

FI ATIINA

¹⁶ Wa wakit maa Buulus kaan yistanna leehum fi Atiina, zivil fi ruuḥu lamma shaaf al madiina malyaana be aṣnaam.

¹⁷ Wa kaan bixabbir al Yahuud wa_n naas al bixaafu Allaah, fi beet ar Rabb, wa_n naas al hu gaabalum fi_s suug kullu yoom.

¹⁸ Wa bavḍ min an naas min al mitvallimiin gaabaloohu, al Abikuriyyiin wa_r Ruwaagiyyiin. Wa bavḍ minnahum gaalu, “Al ghalabaawi da vaawiz yaguul shinu?” Wa taanyiin gaalu, “Yaẓhar ’innu yanaadi be aaliha ghariiba.” Wa gaalu kida valashaanu kaan bibashshir be Yasuuv wa_l giyaama.

¹⁹ Wa axadoohu wa jaaboohu le Ariyuus Baaghuus wa gaalu, “Mumkin navrif at tavliim aj jadiid da shinu, al inta titkallam beehu?

²⁰ Inta tajiib le iḍneena afkaar ghariiba, wa vaawziin navrif mavnaaha shinu.”

²¹ Wa kaanu naas Atiina kulluhum wa_l ghariibiin as saakniin beenum biṣrufu kullu waktum fi ḥaaja waaḥda bass, wa di vashaan yitkallamu walla yasmavu shi jadiid.

²² Wa Buulus wagaf fi wasṭ al Ariyuus Baaghuus wa gaal, “Yaa rujaal Atiina, bashuuf fi kullu ḥaaja intu naas shudaad fi diinkum.

²³ Wa wakit maa kunta bafuut wa bashuuf maḥallaat aḍ ḍabiiḥa bitaavatkum, ligiit kamaan maḍbaḥ maktuub foogu, Le ilaah maa mavruuf. Wa daak al bitavbuduuhu biduun mavrifa, ana hassav babashshirkum beehu.

²⁴ Allaah al xalag ad dunya wa kullu_l fiiha, huwa Rabb as sama wa_l arḍ. Wa huwa maa yaskun fi heyaakil mavmuula be_l iideen.

²⁵ Wa iideen az zool maa bitaxdimu zei maa huwa muḥtaaj le ḥaaja, valashaan huwa_l biddi le kull an naas ḥayaat wa nafs wa kullu shi.

²⁶ Wa hu vamal min insaan waaḥid kullu umma min an naas, vashaan yaskunu foog kullu_l arḍ. Huwa ixtaar az zaman al majahhaz leehum, wa aṭraaf maḥallaatum vashaan yaskunu fiiha.

²⁷ Wa Allaah vamal da valashaanum yaṭlubuuhu, wa yimkin yamiddu leehu iideehum wa yalguuhu, wa law hu maa baviid min kullu waaḥid minnana.

²⁸ Wa niḥna beehu naviish, wa nitḥarrak, wa nakuun mawjuud. Zei maa bavḍ min ghannaayiinkum gaalu, Niḥna naslu.

²⁹ Wa valashaan niḥna nasl Allaah, maa naftakir ṭabiivat Allaah zei ad dahab walla_l fiḍḍa walla_l ḥajar al manguush be ṣuurat shughl az zool wa shaṭaartu.

³⁰ Wa Allaah, fi_z zaman al faat, marra valeehum, vashaan maa fih mavrifa. Laakin hassav hu yaamur kullu_n naas fi kullu maḥall ’an yatuubu.

³¹ Vashaanu ixtaar yoom fiihu biyaḥkum vala_d dunya be_l vadl be_l insaan aj jahhazu. Wa adda le_l kull beyyina, lamma gawwamu min been al meyyitiin.”

³² Wa lamma simivu van al giyaama min been al meyyitiin, bavḍ minnahum ḍiḥiku valeehu. Wa taanyiin gaalu, “Binasmav minnak van da marra taanya.”

³³ Wa kida, Buulus marrag min beenum.

³⁴ Wa lakin bavḍ min an naas istannu mavaahu wa aamanu, minnahum Diyunisiyuus min al Ariyuus Baaghuus, wa mara isima Daamaris, wa taanyiin mavaahum.